Don't Trouble The Trouble: ಆವೇಶಂ ಸಿನಿಮಾ ಮೂಲಕ ಬ್ಲಾಕ್ ಬ್ಲಷ್ಟರ್ ನಗು ಕೊಟ್ಟಿದ್ದ ಮಾಲಿವುಡ್ ನಟ ಫಹಾದ್ ಫಾಸಿಲ್ ಸದ್ಯ ಡೋಂಟ್ ಟ್ರಬಲ್ ದಿ ಟ್ರಬಲ್ ಸಿನಿಮಾ ಮೂಲಕ ಮತ್ತೆ ಹೊಸ ಅವತಾರ ತಾಳಲು ಸಜ್ಜಾಗಿದ್ದಾರೆ. ಈಗಾಗಲೇ ಸಿನಿಮಾದ ಟ್ರೇಲರ್ ಸಾಕಷ್ಟು ನಿರೀಕ್ಷೆಯನ್ನು ಹೆಚ್ಚಿಸಿದ್ದು, ಅಕ್ಟೋಬರ್ 2, 2026 ರಂದು ಬೆಳ್ಳಿತೆರೆ ಮೇಲೆ ಅಬ್ಬರಿಸಲು ಸಜ್ಜಾಗಿದೆ.
ಟ್ರೇಲರ್ನಲ್ಲಿ ಏನಿದೆ?
ಡೋಂಟ್ ಟ್ರಬಲ್ ದಿ ಟ್ರಬಲ್ ಸಿನಿಮಾದ ಟ್ರೇಲರ್ ರಿಲೀಸ್ ಆಗಿದೆ. ಇದರಲ್ಲಿ ಫಹಾದ್ ಫಾಸಿಲ್ ಅವರನ್ನು ಜಾದೂಗಾರನಾಗಿ ಪರಿಚಯಿಸಲಾಗಿದೆ. ಜನರನ್ನು ಮೋಸಗೊಳಿಸಿ ಹಣ ದೋಚೋದು ಸಮಸ್ಯೆಗಳಿಂದ ಕುತಂತ್ರವಾಗಿ ತಪ್ಪಿಸಿಕೊಳ್ಳುವುದು ಈತನ ಬುದ್ಧಿ. ಇದೇ ಸೂರಿ ಬದುಕಿಗೆ ಬಾಲಕಿಯೊಬ್ಬಳು ಅಚಾನಕ್ಕಾಗಿ ಪ್ರವೇಶ ಪಡೆಯುತ್ತಾಳೆ. ಆಕೆಗೆ ನಿಜವಾಗಿಯೂ ಅಲೌಕಿಕ ಶಕ್ತಿ ಇರುತ್ತದೆ.
ಭಾವನಾತ್ಮಕ ಆಕರ್ಷಣೆ
ಆಕೆ ತನ್ನ ತಂದೆ-ತಾಯಿಯನ್ನು ಪತ್ತೆ ಹಚ್ಚಲು ಸೂರಿ ಸಹಾಯ ಬೇಕಾಗುತ್ತದೆ. ಮೊದಲಿಗೆ ಆಕೆಯ ವಿಶೇಷ ಮ್ಯಾಜಿಕ್ ಅನ್ನು ದುರುಪಯೋಗಪಡಿಸಿಕೊಳ್ಳುವ ಆತ, ನಂತರ ಬಾಲಕಿಯ ಕಷ್ಟ ತಿಳಿದು ಜೊತೆಯಾಗುತ್ತಾನೆ. ಪೋಷಕರಿಗೆ ಹುಡುಕಾಡುವಾಗ ಸಾಕಷ್ಟು ವಿಚಾರಗಳು ಬೆಳಕಿಗೆ ಬರುತ್ತದೆ. ಆಕೆಯೊಂದಿಗಿನ ಭಾವನಾತ್ಮಕ ಸಂಬಂಧವು ಹೆಚ್ಚು ಗಮನ ಸೆಳೆಯುವಂತೆ ಮಾಡುತ್ತದೆ.
ಸಿನಿಮಾದ ಟ್ರೇಲರ್ ತೆಲುಗು, ಮಲಯಾಳಂ ಮತ್ತು ತಮಿಳು ಭಾಷೆಗಳಲ್ಲಿ ಬಿಡುಗಡೆಯಾಗಿದೆ. ಮಲಯಾಳಂ ಆವೃತ್ತಿಯಲ್ಲಿ ಮೋಹನ್ ಲಾಲ್ ಧ್ವನಿ ನೀಡಿದ್ದರೆ, ತಮಿಳು ಆವೃತ್ತಿಗೆ ಕಮಲ್ ಹಾಸನ್ ಧ್ವನಿ ನೀಡಿದ್ದಾರೆ. ತೆಲುಗು ಆವೃತ್ತಿಯಲ್ಲಿ ಬಾಲಯ್ಯ ಅವರ ಧ್ವನಿ ಇದೆ. ಬಾಲಯ್ಯ ನಿರೂಪಣೆಯ ಟ್ರೇಲರ್ ಫ್ಯಾನ್ಸ್ನಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿದೆ.
