ಉಪ್ಪಿಗೆ ಪೋಸ್ಟರ್ ಟೀಸರ್ ಉಡುಗೊರೆ: ಉಪೇಂದ್ರ ಬರ್ತ್ಡೇ ಪ್ರಯುಕ್ತ ‘ಕಬ್ಜ’ ಚಿತ್ರದಿಂದ ಮೋಷನ್ ಪೋಸ್ಟರ್ ರಿಲೀಸ್ ಆಗಿದೆ. ಅಷ್ಟೇ ಅಲ, ದೀಪಾವಳಿಗೆ ಚಿತ್ರದ ಟೀಸರ್ ಬರಲಿದೆ ಎಂಬ ಸುಳಿವು ನೀಡಿದ್ದಾರೆ ನಿರ್ದೇಶಕ ಚಂದ್ರು. ಇದಲ್ಲದೆ, ಓಂಪ್ರಕಾಶ್ ರಾವ್ ನಿರ್ದೇಶನದ ‘ತ್ರಿಶೂಲಂ’, ‘ಬುದ್ಧಿವಂತ’ ತೆಲುಗಿನ ‘ಗಣಿ’ ಸೇರಿ ಹಲವು ಸಿನಿಮಾ ತಂಡಗಳಿಂದ ಪೋಸ್ಟರ್ ಬಿಡುಗಡೆ ಆಗಿದೆ. ಉಪೇಂದ್ರ ಅಭಿನಯದಲ್ಲಿ ರಾಮ್ಗೋಪಾಲ್ ವರ್ಮ ಒಂದು ಚಿತ್ರ ನಿರ್ದೇಶಿಸುತ್ತಾರೆ ಎಂಬ ಸುದ್ದಿ ಇತ್ತು. ಅದನ್ನು ಒಪ್ಪಿಕೊಂಡಿರುವ ಆರ್ಜಿವಿ, ಸದ್ಯದಲ್ಲೇ ಉಪೇಂದ್ರ ಜತೆಗೆ ಒಂದು ಆಕ್ಷನ್ ಸಿನಿಮಾ ಮಾಡುತ್ತಿರುವುದಾಗಿ ಸೋಷಿಯಲ್ ಮೀಡಿಯಾದಲ್ಲಿ ಅಧಿಕೃತವಾಗಿ ಘೋಷಿಸಿದ್ದಾರೆ.
