ದೇವಸ್ಥಾನಕ್ಕೆ ಚಡ್ಡಿ, ಬನಿಯನ್ ಧರಿಸಿ ಬಂದ ವರುಣ್ ಧವನ್: ‘ನೀವು ಜಿಮ್​ಗೆ ಬಂದಿಲ್ಲ' ಎಂದು ನೆಟ್ಟಿಗರಿಂದ ಕ್ಲಾಸ್..Varun Dhawan

Varun Dhawan temple visit: ಭಾರತೀಯ ಹಿಂದೂ ಧರ್ಮದಲ್ಲಿ ದೇವಸ್ಥಾನ ಎಂದರೆ ಅದೊಂದು ಪ್ರವಿತ್ರ ಸ್ಥಳ. ಕ್ಷೇತ್ರಗಳಿಗೆ ಭೇಟಿ ನೀಡುವಾಗ ಅದರದ್ದೇ ಆದ ಡ್ರೆಸ್​ ಕೋಡ್​ ಇರಬೇಕು ಎನ್ನುವುದು ಹಲವರ ಬೇಡಿಕೆ.  ಆದರೆ. ಇತ್ತೀಚೆಗೆ ನಟ ವರುಣ್​ ಧವನ್​ ಅವರು ಚಡ್ಡಿ ಬನಿಯನ್​ ಧರಿಸಿ,  ದೇವರ ದರ್ಶನ ಪಡೆದಿರುವ ಬಗ್ಗೆ ನೆಟ್ಟಿಗರು ಭಾರೀ ಟೀಕೆ ವ್ಯಕ್ತಪಡಿಸಿದ್ದಾರೆ. 

ವರುಣ್​ ಧವನ್​ ಅವರ ನಟಿಸಿರುವ ಬಹುನಿರೀಕ್ಷಿತ ಸಿನಿಮಾ ‘ಹೈ ಜವಾನಿ ತೋ ಇಷ್ಕ್ ಹೋನಾ ಹೈ’  ಜೂನ್​5ರಂದು ತೆರೆಗೆ ಬರುತ್ತಿದೆ. ಅವರು ಈ ಸಿನಿಮಾದ ಪ್ರಚಾರದ ಬ್ಯುಸಿಯಾಗಿದ್ದಾರೆ. ಆದರೆ ಈ ಮಧ್ಯೆ ಮುಂಬೈನ ಪ್ರಸಿದ್ಧ ದೇವಸ್ಥಾನವೊಂದಕ್ಕೆ ಹಾಫ್​ ಶಾರ್ಟ್ಸ್​,  ಬನಿಯನ್​ ಧರಿಸಿ ಭೇಟಿ ನೀಡಿರುವುದು ನೆಟ್ಟಗರ ಕೆಂಗಣ್ಣಿಗೆ ಗುರಿಯಾಗಿದೆ. 

ದೇವಸ್ಥಾನದಂತಹ ಪವಿತ್ರ ಸ್ಥಳಕ್ಕೆ ಬರುವಾಗ ಇಂತಹ ಉಡುಪು ಧರಿಸಿರುವುದನ್ನು ಹಲವರು ಖಂಡಿಸಿದ್ದಾರೆ."ಯಾವುದಾದರೂ ಒಳ್ಳೆಯ ಬಟ್ಟೆ ಧರಿಸಿ ಬರಬಾರದಿತ್ತೇ? ದೇವಸ್ಥಾನಕ್ಕೆ ಬಂದಿದ್ದೀರಾ ಆದರೆ ಅದು ಜಿಮ್​ಗೆ ಬಂದಂತೆ ಕಾಣಿತ್ತಿದೆ" ಎಂದು ನೇರವಾಗಿ ಪ್ರಶ್ನಿಸಿದ್ದಾರೆ.

ಇನ್ನೊಬ್ಬರು, "ಇದು ದೇವಸ್ಥಾನವೇ ಹೊರತು ಜಿಮ್ ಅಲ್ಲ" ಎಂದು ವ್ಯಂಗ್ಯವಾಡಿದ್ದಾರೆ. ಸೆಲೆಬ್ರಿಟಿಗಳಿಗೆ ದೇವಸ್ಥಾನಕ್ಕೆ ಹೋಗುವಾಗ ಎಂತಹ ಬಟ್ಟೆ ಧರಿಸಬೇಕು ಎಂಬ ಕನಿಷ್ಠ ಜ್ಞಾನವೂ ಇರುವುದಿಲ್ಲವೇ?ಎಂದು ಪ್ರಶ್ನೆ ಮಾಡಿದ್ದಾರೆ.