ತಮ್ಮ ರಣಬಾಲಿ ಸಿನಿಮಾ ಪ್ರಚಾರಕ್ಕಾಗಿ ಪ್ರಖರ್ ಗುಪ್ತಾ ಅವರ ಪಾಡ್ಕಾಸ್ಟ್ಗೆ ನೀಡಿದ ಸಂದರ್ಶನದಲ್ಲಿ ವಿಜಯ್ ದೇವರಕೊಂಡ ತಮ್ಮಿಬ್ಬರ ಬಾಂಧವ್ಯದ ಹಾದಿಯನ್ನು ವಿವರಿಸಿದ್ದಾರೆ. ತಮಗೆ ರಶ್ಮಿಕಾ ಪರಿಚಯವಾಗಿ ಬರೋಬ್ಬರಿ ಎಂಟು ವರ್ಷಗಳಾಗಿವೆ ಎಂದು ವಿಜಯ್ ತಿಳಿಸಿದ್ದಾರೆ. ಮೊದಲಿಗೆ ಇಬ್ಬರೂ ಸಹನಟರಾಗಿ ಪ್ರಯಾಣ ಆರಂಭಿಸಿದರು, ನಂತರ ಉತ್ತಮ ಸ್ನೇಹಿತರಾದರು, ಕಾಲಕ್ರಮೇಣ ಆ ಸ್ನೇಹ ಪ್ರೀತಿಯಾಗಿ ಬದಲಾಯಿತು. ಕೊನೆಗೆ ದೀರ್ಘಕಾಲದ ಒಡನಾಟದ ಬಳಿಕ ರಶ್ಮಿಕಾ ಈಗ ತಮ್ಮ ಜೀವನ ಸಂಗಾತಿಯಾಗಿದ್ದಾರೆ (ಹೆಂಡತಿಯಾಗಿದ್ದಾರೆ) ಎಂದು ವಿಜಯ್ ಖುಷಿಯಿಂದ ಹಂಚಿಕೊಂಡಿದ್ದಾರೆ.
ಪ್ರೀತಿ ಮುಚ್ಚಿಡಲು ಕಾರಣವೇನು?
ತಮ್ಮ ಪ್ರೀತಿಯನ್ನು ಬಹಿರಂಗಪಡಿಸದೆ ದೀರ್ಘಕಾಲ ಮುಚ್ಚಿಟ್ಟಿದ್ದೇಕೆ ಎಂಬ ಪ್ರಶ್ನೆಗೆ ವಿಜಯ್ ಸ್ಪಷ್ಟನೆ ನೀಡಿದ್ದಾರೆ. ಯಾರ ಕಣ್ಣಿಗೂ ಸಿಕ್ಕಿಹಾಕಿಕೊಳ್ಳಬಾರದು ಎಂಬ ಕಾರಣಕ್ಕೆ ನಮ್ಮ ಪ್ರೀತಿಯನ್ನು ಮುಚ್ಚಿಡಲಿಲ್ಲ ಎಂದಿರುವ ವಿಜಯ್, ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಎಲ್ಲರಿಗೂ ಪ್ರತ್ಯೇಕವಾಗಿ ಹೇಳಿಕೊಳ್ಳುವ ಅಗತ್ಯ ಇದೆ ಎಂದು ನನಗೆ ಅನಿಸಲಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಅನಾವಶ್ಯಕ ಗಾಸಿಪ್‌ಗಳು ಮತ್ತು ಗದ್ದಲದಿಂದ ದೂರ ಉಳಿದು ತಮ್ಮ ಬಾಂಧವ್ಯವನ್ನು ಖಾಸಗಿಯಾಗಿಡಲು ಇಷ್ಟಪಟ್ಟಿರುವುದಾಗಿ ವಿಜಯ್ ಅವರು ತಿಳಿಸಿದ್ದಾರೆ.
ಪ್ರೀತಿಯು ಮನರಂಜನೆಯಲ್ಲ
ನಟಿ ರಶ್ಮಿಕಾ ಮಂದಣ್ಣ ಮಾತನಾಡಿ, ತಮ್ಮಿಬ್ಬರ ಬಾಂಧವ್ಯ ಅಥವಾ ಪ್ರೀತಿ ಎನ್ನುವುದು ಸಾರ್ವಜನಿಕರಿಗೆ ಮನರಂಜನೆ ನೀಡುವುದಕ್ಕಲ್ಲ ಎಂದು ಖಡಕ್ ಆಗಿ ನುಡಿದಿದ್ದಾರೆ. ಆ ಸಂಬಂಧ ಕೇವಲ ಅವರಿಬ್ಬರಿಗೆ ಮಾತ್ರ ಸೇರಿದ್ದು. ತಮ್ಮ ಖಾಸಗಿ ವಿಚಾರಗಳನ್ನು ಹೊರಗಿನವರಿಗೆ ಹೇಳಲೇಬೇಕು ಎಂದೇನಿಲ್ಲ, ಯಾವುದನ್ನು ಮುಚ್ಚಿಡಬೇಕು ಅಥವಾ ಗುಟ್ಟಾಗಿಡಬೇಕು ಎಂಬುದು ತಮಗೆ ಬಿಟ್ಟದ್ದು ಎಂದು ರಶ್ಮಿಕಾ ದಿಟ್ಟವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.
ಅಂತಿಮವಾಗಿ ರಶ್ಮಿಕಾ ಮತ್ತು ವಿಜಯ್ ವರ್ಷಗಳ ಕಾಲ ತಮ್ಮ ಪ್ರೀತಿಯನ್ನು ಗುಟ್ಟಾಗಿ ಇಡಲು ಕಾರಣ ಏನೆಂಬುದನ್ನುಕೊನೆಗೂ ಬಹಿರಂಗಪಡಿಸಿದ್ದಾರೆ.
