ರಾಕಾ ಪದದ ಅರ್ಥವೇನು? ಅಲ್ಲು-ಅಟ್ಲೀ ಕಾಂಬೋದ ಹೊಸ ಸಿನಿಮಾ ಟೈಟಲ್​ ಹಿಂದಿದೆ ಈ ಗೂಢಾರ್ಥ! Raaka

Raaka : ತೆಲುಗು ಚಿತ್ರರಂಗದ ಸ್ಟೈಲಿಶ್​ ಹಾಗೂ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಅವರು ಇಂದು 44ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ಸ್ಟಾರ್​ಗಳ ಹುಟ್ಟುಹಬ್ಬ ಅಂದರೆ ಸಹಜವಾಗಿಯೇ ಹೊಸ ಸಿನಿಮಾಗಳ ಅಪ್​ಡೇಟ್​ ಇದ್ದೇ ಇರುತ್ತದೆ. ಅದರಂತೆಯೇ ಅಲ್ಲು ಅರ್ಜುನ್​ ಅವರ ಬಹುನಿರೀಕ್ಷಿತ ಚಿತ್ರದ ಅಪ್​ಡೇಟ್​ ಹೊರಬಿದ್ದಿದೆ. ಹೊಸ ಸಿನಿಮಾದ ಅಪ್​ಡೇಟ್​ ಎಷ್ಟರಮಟ್ಟಿಗೆ ಕ್ರೇಜ್​ ಹುಟ್ಟುಹಾಕಿದೆ ಅಂದರೆ, ಸಾಮಾಜಿಕ ಜಾಲತಾಣದಲ್ಲಿ ಆ ಸಿನಿಮಾದ್ದೇ ಚರ್ಚೆಯಾಗಿದೆ.

ಹೌದು, ತಮಿಳು ಚಿತ್ರರಂಗದ ಸ್ಟಾರ್​ ಡೈರೆಕ್ಟರ್​ ಅಟ್ಲೀ ಮತ್ತು ಅಲ್ಲು ಅರ್ಜುನ್​ ಕಾಂಬೋದಲ್ಲಿ ಬಿಗ್​ ಬಜೆಟ್​ ಸಿನಿಮಾ ಮೂಡಿಬರಲಿದೆ. ಈಗಾಗಲೇ ಶೂಟಿಂಗ್​ ನಡೆಯುತ್ತಿದೆ. ಆದರೆ, ಸಿನಿಮಾದ ಟೈಟಲ್​ ಮಾತ್ರ ಇನ್ನೂ ಬಹಿರಂಗವಾಗಿರಲಿಲ್ಲ. ಇದೀಗ ಅಲ್ಲು ಅರ್ಜುನ್​ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಸಿನಿಮಾದ ಟೈಟಲ್​ ಘೋಷಣೆಯಾಗಿದೆ. ಬನ್ನಿ-ಅಟ್ಲೀ ಕಾಂಬಿನೇಷನ್​ನ ಬಹುನಿರೀಕ್ಷಿಯ ಸಿನಿಮಾಗೆ "ರಾಕಾ" ಎಂದು ಹೆಸರಿಡಲಾಗಿದೆ.

ಅಲ್ಲು ಅರ್ಜುನ್​ ಸಿನಿಮಾಗೆ ಇಂಥದ್ದೊಂದು ಟೈಟಲ್​ ಇಡುತ್ತಾರೆ ಅಂತಾ ಯಾರೂ ಕೂಡ ಊಹೆ ಮಾಡಿರಲಿಲ್ಲ. ಯಾವಾಗ ಟೈಟಲ್​ ರಿವೀಲ್​ ಆಯಿತೋ ಇದೀಗ ಎಲ್ಲರ ಗಮನ ರಾಕಾ ಟೈಟಲ್​ ಮೇಲಿದೆ. ಇದೇನಿದು ವಿಚಿತ್ರವಾಗಿದೆಯಲ್ಲ? ರಾಕಾ ಎಂದರೆ ಏನು ಅರ್ಥ ಎಂಬ ಹುಡಕಾಟದಲ್ಲಿದ್ದಾರೆ ಅಭಿಮಾನಿಳು. ಅಷ್ಟಕ್ಕೂ ರಾಕಾ ಎಂದರೇನು? ಈ ಪ್ರಶ್ನೆಗೆ ಉತ್ತರ ಇಲ್ಲಿದೆ.

ಈ ಟೈಟಲ್​ ಹಿಂದಿನ ಅರ್ಥದ ವಿಶ್ಲೇಷಣೆ ಇದೀಗ ಆರಂಭವಾಗಿದೆ. ಈ 'ರಾಕಾ' 'ರಾಕ್ಷಸುಡು' ಮತ್ತು 'ರಾಕಸಿ' ಪದಗಳ ಮೂಲದಿಂದ ಹುಟ್ಟಿಕೊಂಡಿದೆ ಎಂದು ಹೇಳಲಾಗುತ್ತಿದೆ. ಈ ಹೆಸರನ್ನು ಮನುಷ್ಯನಲ್ಲಿರುವ ಮೃಗೀಯ ಸ್ವಭಾವ ಅಥವಾ ವಿನಾಶಕಾರಿ ಶಕ್ತಿಯನ್ನು ಸೂಚಿಸಲು ವಿನ್ಯಾಸಗೊಳಿಸಲಾಗಿದೆ. ಟೈಟಲ್​ ಮತ್ತು ಪೋಸ್ಟರ್​ ನೋಡಿದರೆ ಇದು ಸ್ಪಷ್ಟವಾಗಿ ಗೋಚರವಾಗುತ್ತದೆ.

ಖಳನಾಯಕನ ಪಾತ್ರವೇ ಹೀಗಿರುವಾಗ ಇನ್ನು ಹೀರೋ ಪಾತ್ರ ಹೇಗಿರಬಹುದು ಎಂದು ಅಭಿಮಾನಿಗಳು ಅಂದಾಜು ಮಾಡುತ್ತಿದ್ದಾರೆ. ಮೂಲಗಳ ಪ್ರಕಾರ, ನಾಯಕನ ಪಾತ್ರವು ಅಲ್ಟ್ರಾ ಸ್ಟೈಲಿಶ್ ಆಗಿರುತ್ತದೆ. ಐಕಾನ್ ಸ್ಟಾರ್‌ ಸಖತ್​ ಸ್ಟೈಲಿಶ್​ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಪ್ರಸ್ತುತ, ತನ್ನ 'ರಾಕಾ' ಲುಕ್‌ನಿಂದ ಸಾಮಾಜಿಕ ಜಾಲತಾಣದಲ್ಲಿ ಕುತೂಹಲ ಸೃಷ್ಟಿಸಿರುವ ಬನ್ನಿ, ತಮ್ಮ ನಾಯಕನ ಲುಕ್​ನಿಂದ ಯಾವಾಗ ದರ್ಶನ ಕೊಡುತ್ತಾರೆ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ. ಒಟ್ಟಾರೆಯಾಗಿ, ಅಲ್ಲು ಅರ್ಜುನ್ ತಮ್ಮ 22 ನೇ ಚಿತ್ರದೊಂದಿಗೆ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಲು ಸಿದ್ಧರಾಗಿದ್ದಾರೆ, (ಏಜೆನ್ಸೀಸ್​).