ಅಲ್ಲು ನಟನೆಯ 'ರಾಕಾ' ನಿರ್ದೇಶಕ ಅಟ್ಲೀ ಕುಟುಂಬಕ್ಕೆ ಮಹಾಲಕ್ಷ್ಮಿ ಆಗಮನ; 'ಕಂಗ್ರ್ಯಾಟ್ಸ್​​ ಬಡ್ಡಿ' ಎಂದು ಹರಸಿದ ಸಿನಿ ತಾರೆಯರು..Atlee

ನಮ್ಮ ಕುಟುಂಬಕ್ಕೆ ಪುಟ್ಟ ದೇವತೆಯ ಆಗಮನವಾಗಿದೆ, ನಾವು ತುಂಬಾ ಧನ್ಯರಾಗಿದ್ದೇವೆ ಎನ್ನುವ ಅಟ್ಲೀ ಕುಮಾರ್​ರ ಪೋಸ್ಟ್​ ಹಂಚಿಕೊಂಡಿದ್ದಾರೆ. ದಂಪತಿಗೆ ಈಗಾಗಲೇ 'ಮೀರ್' ಎಂಬ ಗಂಡು ಮಗುವಿದ್ದು, ಈಗ ಹೆಣ್ಣು ಮಗುವಿನ ಆಗಮನದಿಂದ ಅವರ ಮನೆ ಪೂರ್ಣಗೊಂಡಂತಾಗಿದೆ.

ಅಟ್ಲೀ ಮತ್ತು ಪ್ರಿಯಾ ಅವರು ಎಂಟು ವರ್ಷಗಳ ಕಾಲ ಪ್ರೀತಿಸಿ 2014ರಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. 2023ರಲ್ಲಿ ಇವರಿಗೆ ಮೊದಲ ಮಗು ಮೀರ್ ಜನಿಸಿದನು. ಈಗ ಹೆಣ್ಣು ಮಗುವಿನ ಜನನದೊಂದಿಗೆ ಅಟ್ಲೀ ಕುಟುಂಬದಲ್ಲಿ ಸಂತೋಷ ಇಮ್ಮಡಿಯಾಗಿದೆ.

ರಾಜ-ರಾಣಿ ಅಟ್ಲೀ ಕುಮಾರ್​ ಅವರ ಮೊದಲ ನಿರ್ದೇಶನದಚಿತ್ರ. ಇಂದಿಗೂ ಈ ಸಿನಿಮಾಗೆ ಅದರದ್ದೇ ಆದ ಫ್ಯಾನ್​ ಬೇಸ್​ ಉಂಟು. ಇನ್ನು ವಿಜಯ್​ ಅವರು ಅಭಿನಯಿಸಿರುವ ಬಿಗಿಲ್, ತೆರಿ, ಮೆರ್ಸಲ್​ ಸಿನಿಮಾಗಳು ಸಖತ್​ ಹಿಟ್​ ಕಂಡಿದ್ದವು. ಶಾರುಖ್​ ಖಾನ್​ ಅಭಿನಯದ ಜವಾನ್​ ಹಿಂದಿಯಲ್ಲಿ ತೆರೆ ಕಂಡಿತ್ತು. ಇದಯ 1100 ಕೋಟಿಗೂ ಹೆಚ್ಚು ಕಲೆಕ್ಷನ್​ ಗಿಟ್ಟಿಸಿಕೊಂಡಿತ್ತು. ಸದ್ಯ ರಾಕಾ ಟಾಲಿವುಡ್​ನಲ್ಲಿ ರಾಕಾ ಸಿನಿಮಾ ನಿರ್ದೇಶಿಸುತ್ತಿದ್ದಾರೆ. ಅಲ್ಲು ಅರ್ಜುನ್​, ರಶ್ಮಿಕಾ ಮಂದಣ್ಣ, ದೀಪಿಕಾ ಪಡುಕೋಣೆ ಸೇರಿದಂತೆ ಪ್ರತಿಭಾನ್ವಿತ ತಾರಾಬಣವೇ ಈ ಸಿನಿಮಾದಲ್ಲಿದೆ, (ಏಜೆನ್ಸೀಸ್).