ಅದಕ್ಕೆಲ್ಲ ‘ಪೊಗರು’ ಉತ್ತರ ಕೊಡಲಿದೆ ಎಂಬ ವಿಶ್ವಾಸದಲ್ಲಿದ್ದಾರೆ ನಂದಕಿಶೋರ್. ‘ನನ್ನ ಸಿನಿಮಾ ಯಶಸ್ವಿಯಾದಾಗ ಅದು ರಿಮೇಕ್ ಎಂದರು. ನನ್ನ ಮೊದಲ ಚಿತ್ರವೇ ಸ್ವಮೇಕ್ ಆಗಿತ್ತು. ಆದರೂ ಸಿಗಬೇಕಾದ ಮಾನ್ಯತೆ, ಸಂಭಾವನೆ ಯಾವುದೂ ಸಿಕ್ಕಿಲ್ಲ. ಹಾಗಾಗಿ ಎಲ್ಲವೂ ಈ ಚಿತ್ರದ ಮೇಲೆ ನಿಂತಿದೆ. ಭಯದಿಂದ ಎದುರು ನೋಡುತ್ತಿದ್ದೇನೆ’ ಎನ್ನುತ್ತಾರೆ ನಂದಕಿಶೋರ್. ಇದೊಂದು ಮಾಸ್ ಚಿತ್ರ ಎನ್ನುವುದಕ್ಕಿಂತ ಫ್ಯಾಮಿಲಿ ಡ್ರಾಮಾ ಎನ್ನುವ ಅವರು, ‘ಮಾಸ್ ಅಂಶಗಳು ಇದೆ ಎಂದು ಮೇಲ್ನೋಟಕ್ಕೆ ಅನಿಸಬಹುದು. ಆದರೆ, ಇದೊಂದು ಪಕ್ಕಾ ಫ್ಯಾಮಿಲಿ ಚಿತ್ರ. ಧ್ರುವ ಅವರ ಸಹಕಾರವಿಲ್ಲದಿದ್ದರೆ ಈ ಚಿತ್ರ ಸಾಧ್ಯವಾಗುತ್ತಿರಲಿಲ್ಲ. ಸಂಪೂರ್ಣವಾಗಿ ಚಿತ್ರದಲ್ಲಿ ತೊಡಗಿಸಿಕೊಂಡಿರುವ ಅವರು, ಈ ಚಿತ್ರಕ್ಕಾಗಿ ಮೂರು ವರ್ಷ ಎತ್ತಿಟ್ಟಿದ್ದಾರೆ. ಮೂರು ವರ್ಷದಿಂದ ಧ್ರುವ ಚಿತ್ರ ಬಂದಿಲ್ಲ ಎಂಬ ಅಭಿಮಾನಿಗಳ ಕೊರಗನ್ನು ಈ ಸಿನಿಮಾ ನೀಗಿಸಲಿದೆ’ ಎಂಬುದು ನಂದಕಿಶೋರ್ ಅಭಿಪ್ರಾಯ. ‘ಪೊಗರು’ ಚಿತ್ರದಲ್ಲಿ ಧ್ರುವಗೆ ನಾಯಕಿಯಾಗಿ ರಶ್ಮಿಕಾ ನಟಿಸಿದ್ದು, ಧನಂಜಯ್, ರಾಘವೇಂದ್ರ ರಾಜಕುಮಾರ್, ಪವಿತ್ರಾ ಲೋಕೇಶ್ ತಾರಾಗಣದಲ್ಲಿದ್ದಾರೆ. ಗಂಗಾಧರ್ ನಿರ್ವಿುಸಿರುವ ಈ ಚಿತ್ರಕ್ಕೆ ಚಂದನ್ ಶೆಟ್ಟಿ ಸಂಗೀತ ಸಂಯೋಜಿಸಿದ್ದಾರೆ.
