‘ಘೋಸ್ಟ್’ ಚಿತ್ರೀಕರಣದ ವೇಳೆ ಬೀದಿ ನಾಯಿಮರಿಯೊಂದು ಓಡಾಡುತ್ತಿತ್ತಂತೆ. ಅದಕ್ಕೆ ಘೋಸ್ಟ್ ಎಂದು ನಾಮಕರಣ ಮಾಡಿರುವ ಚಿತ್ರತಂಡದವರು, ಮನೆಗೆ ಕರೆದೊಯ್ದು ಸಾಕಿಕೊಂಡಿದ್ದಾರೆ. ಘಟನೆ ಕುರಿತು ನಿರ್ದೇಶಕ ಶ್ರೀನಿ, ‘ಎಚ್ಎಂಟಿಯಲ್ಲಿ ಸಾಹಸ ಸನ್ನಿವೇಶಗಳ ಚಿತ್ರೀಕರಣ ಮಾಡುತ್ತಿದ್ದೆವು. ಅಲ್ಲಿ ಪುಟ್ಟ ನಾಯಿಮರಿಯೊಂದು ಓಡಾಡುತ್ತಿತ್ತು. ಅದಕ್ಕೆ ಘೋಸ್ಟ್ ಎಂದು ಹೆಸರಿಟ್ಟು ಸಾಕುತ್ತಿದ್ದೇವೆ. ಬೀದಿಯಲ್ಲಿದ್ದ ಆ ನಾಯಿಮರಿ ಈಗ ನಮ್ಮ ತಂಡದಲ್ಲಿರುವ ಶ್ರೀಧರ್ ಅವರ ಮನೆಯ ಸದಸ್ಯ. ಬ್ರೀಡ್ ನಾಯಿಗಳನ್ನು ಹಣ ಕೊಟ್ಟು ಖರೀದಿ ಮಾಡುತ್ತೇವೆ. ಆದರೆ, ನಮ್ಮ ದೇಸೀ ತಳಿಗಳ ಬಗ್ಗೆ ಯಾರೂ ಹೆಚ್ಚು ಗಮನ ಹರಿಸುವುದಿಲ್ಲ. ದೇಸೀ ತಳಿಯ ನಾಯಿಗಳನ್ನೂ ದತ್ತು ಪಡೆಯಬೇಕು’ ಎಂದು ಮಾಹಿತಿ ನೀಡುತ್ತಾರೆ ಶ್ರೀನಿ.
