ಆ ಪ್ರಕರಣ ತನಿಖಾ ಹಂತದಲ್ಲಿದೆ ; ರಂಗಭೂಮಿ ಪ್ರತಿಭೆಗಳ ಕ್ರೈಮ್​​ ಜಾನರ್​ ಸಿನಿಮಾ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

ರಂಗಭೂಮಿಯಲ್ಲಿ ಹಲವು ವರ್ಷಗಳ ಕಾಲ ಅನುಭವ ಪಡೆದ ಪ್ರತಿಭಾನ್ವಿತರ ತಂಡವೊಂದು ಸೇರಿ ಮಾಡಿರುವ ಸಿನಿಮಾ "ಪ್ರಕರಣ ತನಿಖಾ ಹಂತದಲ್ಲಿದೆ'. ಸುಂದರ್​ ಎಸ್​ ಈ ಚಿತ್ರಕ್ಕೆ ಆ್ಯಕ್ಷನ್​-ಕಟ್​ ಹೇಳುತ್ತಿದ್ದು, ಇತ್ತೀಚೆಗಷ್ಟೆ ಚಿತ್ರದ ಟೈಟಲ್​ ಟ್ರ್ಯಾಕ್​​ ಬಿಡುಗಡೆ ಮಾಡಲಾಗಿದೆ. ಇದೊಂದು ಕ್ರೈಮ್​​ ಜಾನರ್​ ಚಿತ್ರವಾಗಿದ್ದು, ಶೀರ್ಷಿಕೆಯೇ ಹೇಳುವಂತೆ ಒಂದು ಪ್ರಕರಣದ ತನಿಖೆಯ ಸುತ್ತ ಕಥೆ ಸಾಗುತ್ತದೆ.

ಇಂತಹ ಕಥೆಗಳು ಈ ಹಿಂದೆ ಹಲವು ಬಂದಿದ್ದರೂ, ಭಿನ್ನ ಅಂಶಗಳನ್ನು ಸೇರಿಸಿ ಹೊಸ ರೀತಿಯಲ್ಲಿ ಸಿನಿಮಾ ಮಾಡುವ ಪ್ರಯತ್ನ ನಿರ್ದೇಶಕ ಸುಂದರ್​ ಮತ್ತು ತಂಡದ್ದು. ಚಿತ್ರಕ್ಕೆ ಮಹೀನ್​ ಕುಬೇರ್​ ನಾಯಕನಾಗಿದ್ದು, ಮುತ್ತುರಾಜ್​, ರಾಜ್​ ಗಗನ್​, ಚಿಂತನ್​ ಕಂಬಣ್ಣ ಪ್ರಮುಖ ತಾರಾಗಣದಲ್ಲಿ ನಟಿಸಿದ್ದಾರೆ. ಉಳಿದಂತೆ ಚಿತ್ರಕ್ಕೆ ಮೋಹನ್​ ಮತ್ತು ಜಗದೀಶ್​ ಛಾಯಾಗ್ರಹಣ, ಶಿವೋಹಂ ಸಂಗೀತ ನಿರ್ದೇಶನ, ನಾನಿ ಕೃಷ್ಣ ಸಂಕಲನ, ಲಕ್ಷಿ$್ಮಪತಿ ವಿಎಫ್​​ಎಕ್ಸ್​ ಇರಲಿದೆ.

ಬೆಂಗಳೂರು ಮತ್ತು ಕನಕಪುರ ಸುತ್ತಮುತ್ತ "ಪ್ರಕರಣ ತನಿಖಾ ಹಂತದಲ್ಲಿದೆ' ಶೂಟಿಂಗ್​ ನಡೆಸಲಾಗಿದೆ. ಸದ್ಯ ಶೀರ್ಷಿಕೆ ಗೀತೆ ಬಿಡುಗಡೆ ಮಾಡಿರುವ ಚಿತ್ರತಂಡ ಪ್ರಚಾರದ ಕೆಲಸ ಪ್ರಾರಂಭಿಸಿದ್ದು, ಕೆಲವೇ ದಿನಗಳಲ್ಲಿ ಟ್ರೇಲರ್​ ರಿಲೀಸ್​ ಮಾಡಿ ಯೋಜನೆ ಹಾಕಿಕೊಂಡಿದೆ.