'ಅರೇಬಿಕ್ ಕುತ್ತು' ಸಾಂಗ್ ನೋಡಿದ ದಳಪತಿ ಅಭಿಮಾನಿಗಳು ಸೆಮ್ಮ ಹಾಟ್ ಎಂದಿದ್ದಾರೆ! ವಿಡಿಯೋ ವೈರಲ್...

ತಮಿಳು ನಟ ದಳಪತಿ ವಿಜಯ್ ಮತ್ತು ನಟಿ ಪೂಜಾ ಹೆಗ್ಡೆ ಅವರ ಮುಂಬರುವ 'ಬೀಸ್ಟ್' ಚಿತ್ರದ 'ಅರೇಬಿಕ್ ಕುತ್ತು' ಹಾಡು ಪ್ರೇಮಿಗಳ ದಿನದಂದು ರಿಲೀಸ್ ಆಗಿದೆ. ಈ ಹಾಡಿನಲ್ಲಿ ತಮ್ಮ ಡ್ಯಾನ್ಸ್ ಮತ್ತು ಉಡುಪುಗಳ ಮೂಲಕ ವಿಜಯ್ ಮತ್ತು ಪೂಜಾ ಅವರ ಅಭಿಮಾನಿಗಳ ನಿದ್ದೆಗೆಡಿಸಿದ್ದಾರೆ. 'ಅರೇಬಿಕ್ ಕುತ್ತು' ಸಾಂಗ್ ಬಿಡುಗಡೆಯಾದ ಕೇವಲ 24 ಗಂಟೆಗಳಲ್ಲಿ ಯೂಟ್ಯೂಬ್‌ನಲ್ಲಿ 17 ಮಿಲಿಯನ್ ಅಂದರೆ 1.7 ಕೋಟಿ ವೀಕ್ಷಣೆಗಳನ್ನು ಗಿಟ್ಟಿಸಿಕೊಂಡಿದೆ. ಜೆತೆಗೆ, 2 ಮಿಲಿಯನ್ ಲೈಕ್ಸ್ ಅನ್ನು 24 ಗಂಟೆ ಒಳೆಗೆ ಪಡೆದಿದ್ದು ದಾಖಲೆ ಬರೆದಿದೆ.

ಈ ಹಾಡಗೆ ಶಿವಕಾರ್ತಿಕೇಯನ್ ಸಾಹಿತ್ಯ ಬರೆದಿದ್ದು, ಸಂಗೀತ ಸಂಯೋಜಯನ್ನು ಅನಿರುದ್ಧ್ ರವಿಚಂದರ್ ಮಾಡಿದ್ದಾರೆ. ಹಾಡನ್ನು ಜೋನಿಟ ಗಾಂಧಿ ಮತ್ತು ಅನಿರುದ್ಧ್ ರವಿಚಂದರ್ ಹಾಡಿದ್ದಾರೆ. ಇನ್ನು, 1.70 ಲಕ್ಷ ಕಾಮೆಂಟ್​ಗಳು ಈ ಹಾಡುಗೆ ಲಭಿಸಿವೆ. ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ 'ಬೀಸ್ಟ್' ಚಿತ್ರದ 'ಅರೇಬಿಕ್ ಕುತ್ತು' ಸಾಂಗ್ ಬಿಡುಗಡೆಗೂ ಮುನ್ನವೇ ಸಖತ್ ಚರ್ಚೆಗೆ ಗ್ರಾಸವಾಗಿತ್ತು. ಹೌದು, ಇದೇ ಹಾಡಿನ ಪ್ರೋಮೋಗೆ ವಿಜಯ್ ಅಭಿಮಾನಿಗಳು ಫಿದಾ ಆಗಿದ್ದರು ಎನ್ನುವುದರಲ್ಲಿ ಎರಡನೇ ಮಾತಿಲ್ಲ.

ಈ ಹಾಡಿನಲ್ಲಿ ವಿಜಯ್ ಮತ್ತು ಪೂಜಾ ಅವರ ಲುಕ್, ಪೆಪ್ಪಿ ಟ್ಯೂನ್, ಡ್ಯಾನ್ಸ್ ಸ್ಟೆಪ್ಸ್ ತಕ್ಷಣವೇ ಅಭಿಮಾನಿಗಳಲ್ಲಿ ಫೇವರೇಟ್ ಆದವು. ನೆಟ್ಟಿಗರಂತೂ ತಮ್ಮ ಉತ್ಸಾಹವನ್ನು ಹಂಚಿಕೊಳ್ಳಲು ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಲು ಆರಂಭಿಸಿದ್ದು, ವಿಜಯ್ ಮತ್ತು ಪೂಜಾರನ್ನು ಸೂಪರ್ ಹಾಟ್ ಎಂದು ಕರೆದಿದ್ದಾರೆ. ಈ ಸಾಂಗ್​ನ ಮತ್ತೊಂದು ವಿಶೇಷವೆಂದರೆ ಸಾಂಗ್​ನಲ್ಲಿ ಗಿಬ್ಬಿಶ್ ಸಾಹಿತ್ಯವೂ ಕೇಳಿಬರುತ್ತೆ. ನೆಲ್ಸನ್ ದಿಲೀಪ್‌ಕುಮಾರ್ ಅವರ ಈ 'ಬೀಸ್ಟ್' ಚಿತ್ರವನ್ನು ಸನ್ ಪಿಕ್ಚರ್ಸ್ ಅಡಿಯಲ್ಲಿ ನಿರ್ಮಿಸಿಲಾಗಿದೆ.

'ಅರೇಬಿಕ್ ಕುತ್ತು' ಈಗ ಯೂಟ್ಯೂಬ್​ನ 'ಟ್ರೆಂಡಿಂಗ್ ನೌ' ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ವಿಜಯ್ ಅವರ ಈ ಹಾಡು ಇನ್ನಷ್ಷು ದಾಖಲೆಗಳನ್ನು ಬರೆಯುವುದರಲ್ಲಿ ಡೌಟಿಲ್ಲಾ ಎಂದು ಅಭಿಮಾನಿಗಳು ಅಭಿಪ್ರಾಯಪಟ್ಟಿದ್ದಾರೆ. ಈ ಸಿನಿಮಾ ಏಪ್ರಿಲ್ 14 ರಂದು ಥಿಯೇಟರ್‌ಗಳಲ್ಲಿ ರಿಲೀಸ್ ಆಗಲಿದೆ. 'ಬೀಸ್ಟ್'ನಲ್ಲಿ ಸೆಲ್ವರಾಘವನ್, ಯೋಗಿ ಬಾಬು, ಅಪರ್ಣಾ ದಾಸ್, ರೆಡಿನ್ ಕಿಂಗ್ಸ್ಲಿ ಮತ್ತು ಶೈನ್ ಟಾಮ್ ಚಾಕೊ ಹಾಗೂ ಹಲವರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 

https://www.vijayavani.net/sonam-kapoor-husband-anand-ahuja-accused-of-tax-evasion-by-a-e-commerce-website/

https://www.vijayavani.net/come-on-come-on-kalavathi-song-from-sarkaaru-vaari-pata-movie-of-mahesh-babu-trends-on-youtubes-music-video-section/