ಅಮೆರಿಕಾದಲ್ಲಿ ಹೆಚ್ಚಾಯ್ತು ದಳಪತಿ ವಿಜಯ್​ ಕ್ರೇಜ್​; 24 ಗಂಟೆಯೊಳಗೆ ಸೇಲಾಯ್ತು 10,000ಕ್ಕೂ ಅಧಿಕ ಟಿಕೆಟ್!

ಅಮೆರಿಕಾ: ತಮಿಳು ಚಿತ್ರರಂಗದ ದಳಪತಿ ವಿಜಯ್ ಮತ್ತು ನಟಿ ತ್ರಿಶಾ ಕೃಷ್ಣ್​ ಅಭಿನಯದ ಬಹುನಿರೀಕ್ಷಿತ ಆಕ್ಷನ್, ಡ್ರಾಮಾ 'ಲಿಯೋ' ಚಿತ್ರದ ಮುಂಗಡ ಬುಕ್ಕಿಂಗ್ ಅಮೆರಿಕಾದಲ್ಲಿ ಈಗಾಗಲೇ ಪ್ರಾರಂಭವಾಗಿದ್ದು, ಕಳೆದ 24 ಗಂಟೆಯೊಳಗೆ ಬರೋಬ್ಬರಿ 10,000ಕ್ಕೂ ಅಧಿಕ ಟಿಕೆಟ್​ ಖರೀದಿಯಾಗಿದೆ. ಸದ್ಯ ಈ ಸಂಗತಿ ದಳಪತಿ ಅಭಿಮಾನಿಗಳಿಗೆ ಭಾರೀ ಸಂತಸ ನೀಡಿದೆ.

ಇದನ್ನೂ ಓದಿ: ರಾತ್ರಿಯ ವೇಳೆ ಅತಿಯಾದ ಬೆವರುವಿಕೆ ಕ್ಯಾನ್ಸರ್​ ಲಕ್ಷಣವೇ? ಇಲ್ಲಿದೆ ಆಘಾತಕಾರಿ ಮಾಹಿತಿ…

ಕಳೆದ ಎರಡು ತಿಂಗಳಿನಿಂದ ವಿಜಯ್​ ನಟನೆಯ 'ಲಿಯೋ' ಚಿತ್ರದ ಬಗ್ಗೆ ಅಭಿಮಾನಿಗಳು ಮತ್ತು ಸಿನಿಪ್ರೇಕ್ಷಕರು ಹೊಸ ಅಪ್ಡೇಟ್​ಗಾಗಿ ಸಾಕಷ್ಟು ಕುತೂಹಲದಿಂದ ಕಾಯುತ್ತಿದ್ದರು. ಅದರಂತೆಯೇ ಇತ್ತೀಚೆಗಷ್ಟೇ ಚಿತ್ರತಂಡ ರಿಲೀಸ್​ ದಿನಾಂಕವನ್ನು ಘೋಷಿಸಿದ್ದು, ಚಿತ್ರವು ಇದೇ ಅಕ್ಟೋಬರ್​ 19 ರಂದು ಅಧಿಕೃತವಾಗಿ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ. ಸದ್ಯ ಯುಎಸ್​ ಮುಂಗಡ ಬುಕ್ಕಿಂಗ್ಸ್​ನಲ್ಲಿ ಹೊಸ ಮೈಲಿಗಲ್ಲು ಸಾಧಿಸಲು ಕಾರಣರಾದ ಟಿಕೆಟ್​ ಖರೀದಿದಾರರಿಗೆ ಚಿತ್ರತಂಡ ಧನ್ಯವಾದ ತಿಳಿಸಿದೆ.

ಚಿತ್ರವು ಕಳೆದ 24 ಗಂಟೆಗಳಲ್ಲಿ 10,000ಕ್ಕೂ ಹೆಚ್ಚು ಟಿಕೆಟ್‌ಗಳನ್ನು ಅಮೆರಿಕಾದಲ್ಲಿ ಮಾರಾಟ ಮಾಡಿದೆ. ಈ ಬಗ್ಗೆ ಸಂತಸ ವ್ಯಕ್ತಪಡಿಸಿದ ನಿರ್ದೇಶಕ ಲೋಕೇಶ್ ಕನಕರಾಜ್, ಟಿಕೆಟ್​ ಖರೀದಿ ಮಾಡುವ ಮುಖೇನ ಸಿನಿಮಾ ಮತ್ತು ದಳಪತಿ ವಿಜಯ್​ ಅವರ ಮೇಲಿಟ್ಟಿರುವ ಪ್ರೀತಿಗೆ ಧನ್ಯವಾದ ಎಂದು ಟ್ವೀಟ್ ಮಾಡಿ ತಿಳಿಸಿದ್ದಾರೆ.

ಇದನ್ನೂ ಓದಿ: 🔴LIVE: G20 Summit 2023: PM Modi Receives World Leaders At Bharat Mandapam | New Delhi

ಸದ್ಯ 'ಲಿಯೋ' ಬಗ್ಗೆ ಇದೀಗ ಸಾಕಷ್ಟು ನಿರೀಕ್ಷೆಗಳು ಮೂಡಿದ್ದು, ಭಾರತೀಯ ಚಿತ್ರರಂಗದಲ್ಲಿ ವಿಜಯ್​ ಸಿನಿಮಾ ಹೊಸ ದಾಖಲೆ ಬರೆಯಲಿದೆ,(ಏಜೆನ್ಸೀಸ್)

https://www.vijayavani.net/when-is-salaar-going-to-be-released