ಒಂದು ಪಕ್ಷ ಎಲ್ಲಾ ಕೂಡಿಬಂದು, 'ಸಿಂಧೂರ ಲಕ್ಷ್ಮಣ' ಚಿತ್ರವನ್ನು ನಿರ್ದೇಶಿಸುವಂತಾದರೆ, ಅದು ತಮ್ಮ ಪಾಲಿಗೆ ಡಬ್ಬಲ್ ಧಮಾಕಾ ಎನ್ನುತ್ತಾರೆ ತರುಣ್. 'ಮೊದಲಿಗೆ ಇದೊಂದು ಐತಿಹಾಸಿಕ ಚಿತ್ರ. ಒಬ್ಬ ನಿರ್ದೇಶಕನಾಗಿ ಇಂಥದ್ದೊಂದು ಚಿತ್ರ ಮಾಡುವುದು ನಿಜಕ್ಕೂ ಖುಷಿಯ ವಿಚಾರ. ಇನ್ನೊಂದು ಖುಷಿ ಎಂದರೆ, ಇದು ದರ್ಶನ್ ಅವರ ಚಿತ್ರ. ಹಾಗಾಗಿ ಎಲ್ಲಾ ಕೂಡಿಬಂದರೆ, ನನಗಿಂಥ ಖುಷಿಪಡುವವರು ಬೇರೆ ಯಾರೂ ಇಲ್ಲ. ಆದರೆ, ಸದ್ಯಕ್ಕೆ ಈ ಸಿನಿಮಾ ಆಗುವುದು ಕಷ್ಟ. ಶುರುವಾದರೂ ಎರಡ್ಮೂರು ವರ್ಷಗಳಾದರೂ ಬೇಕು. ದರ್ಶನ್ ಇನ್ನೂ ಎರಡ್ಮೂರು ಚಿತ್ರಗಳಲ್ಲಿ ನಟಿಸಬೇಕಿರುವುದರಿಂದ, ಅವೆಲ್ಲಾ ಮುಗಿದ ಮೇಲಷ್ಟೇ ಈ ಚಿತ್ರ ಪ್ರಾರಂಭವಾಗಬಹುದು' ಎನ್ನುತ್ತಾರೆ ತರುಣ್.
