ತಾಂಡವ್ ವೆಬ್ ಸೀರಿಸ್ ವಿವಾದ: ಹಿಂದೂಗಳ ಕ್ಷಮೆ ಕೇಳಿದ ಅಮೆಜಾನ್

ಮುಂಬೈ: ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ ದಕ್ಕೆ ತಂದಿದ್ದಾರೆ ಎಂಬ ಆರೋಪ ಹೊತ್ತು ತೀವ್ರ ವಿವಾದಕ್ಕೆ ಈಡಾಗಿದ್ದ ತಾಂಡವ್ ವೆಬ್​ ಸೀರಿಸ್ ಬಗ್ಗೆ ಒಟಿಟಿ ವೇದಿಕೆಯಾದ ಅಮೆಜಾನ್ ಪ್ರೈಂ ವಿಡಿಯೋ ಕ್ಷಮೆ ಕೇಳಿದೆ.

ಮಂಗಳವಾರ ಪ್ರಕಟಣೆ ಹೊರಡಿಸಿರುವ ಅಮೆಜಾನ್ ಪ್ರೈಂ ಇಂಡಿಯಾ ವಿಭಾಗದ ಕಂಟೆಂಟ್ ಮುಖ್ಯಸ್ಥೆ ಅಪರ್ಣಾ ಪುರೋಹಿತ್ ಅವರು ಈ ವಿಷಯ ಪ್ರಕಟಿಸಿದ್ದಾರೆ. ಅಲಹಾಬಾದ್ ಹೈಕೋರ್ಟ್​ ತಾಂಡವ್ ವಿವಾದಕ್ಕೆ ಸಂಬಂಧಿಸಿದಂತೆ ಅಪರ್ಣಾ ಪುರೋಹಿತ್ ಸಲ್ಲಿಸಿದ್ದ ಜಾಮೀನು ಅರ್ಜಿಯನ್ನು ವಜಾಗೊಳಿಸಿದ ಬೆನ್ನಲ್ಲೇ ಅಮೇಜಾನ್ ಪ್ರೈಂ ವಿಡಿಯೋದಿಂದ ಈ ಪ್ರಕಟಣೆ ಹೊರ ಬಿದ್ದಿದೆ.

ತಾಂಡವ್ ವೆಬ್ ಸೀರಿಸ್ ನಲ್ಲಿ ಹಿಂದೂಗಳ ಭಾವನೆಯನ್ನು ಗಾಸಿಗೊಳಿಸಿದ್ದಕ್ಕೆ ಅಮೆಜಾನ್ ಪ್ರೈಂ ಭೇಷರತ್ ಕ್ಷಮೆ ಕೇಳಿದೆ. ಚಿತ್ರತಂಡದ ವಿರುದ್ಧ ದೇಶದ ವಿವಿದೆಡೆ 14 ಎಫ್​ಐಆರ್ ದಾಖಲಾಗಿದ್ದವು. ‘ತಾಂಡವ್‌ ವೆಬ್‌ಸರಣಿಯ ಕೆಲವು ದೃಶ್ಯಗಳು ವೀಕ್ಷಕರ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡಿರುವ ಬಗ್ಗೆ ಅಮೆಜಾನ್‌ ಪ್ರೈಮ ತೀವ್ರ ವಿಷಾದ ವ್ಯಕ್ತಪಡಿಸುತ್ತದೆ. ಚಿತ್ರದಲ್ಲಿನ ಆಕ್ಷೇಪಾರ್ಹ ಸನ್ನಿವೇಶಗಳನ್ನು ಈಗಾಗಲೇ ತೆಗೆದು ಹಾಕಲಾಗಿದೆ. ವೀಕ್ಷಕರ ನಂಬಿಕೆಗಳನ್ನು ನಾವು ಗೌರವಿಸುತ್ತೇವೆ. ಆ ದೃಶ್ಯಗಳಿಂದ ನೋವುಂಟಾಗಿದ್ದರೆ ಕ್ಷಮೆ ಇರಲಿ ಎಂದು ಜನರಲ್ಲಿ ಕೇಳಿಕೊಂಡಿದೆ.

ಅಲಿ ಅಬ್ಬಾಸ್ ಜಾಫರ್ ಅವರ ನಿರ್ದೇಶನದ ತಾಂಡವ್ ವೆಬ್ ಸೀರಿಸ್​ನಲ್ಲಿ ಸೈಫ್ ಅಲಿ ಖಾನ್, ಟ್ವಿಂಕಲ್ ಖನ್ನಾ ಸೇರಿದಂತೆ ಅನೇಕರು ನಟಿಸಿದ್ದಾರೆ.

https://www.vijayavani.net/it-raid-on-taapsee-pannu-anurag-kashyap/