ಭಾರತೀಯ ಸಂಸ್ಕೃತಿಯಿಂದ ಬಾಲಿವುಡ್ ದೂರ: ಉತ್ತರ ಭಾರತದಲ್ಲಿ ವಿಶಾಲ್ ಚಿತ್ರೀಕರಣ ಮಾಡುತ್ತಿರುವಾಗ ನೂರಾರು ಮಂದಿ ಅವರ ಜತೆ ಸೆಲ್ಪೀ ಕ್ಲಿಕ್ಕಿಸಿಕೊಂಡರಂತೆ. ‘ನನ್ನ ಮಾರುಕಟ್ಟೆ ವಿಸ್ತರಿಸುತ್ತಿದೆ. ಉತ್ತರ ಭಾರತೀಯರು ನನ್ನ ಸಿನಿಮಾಗಳನ್ನು ನೋಡಿ, ಗುರುತಿಸಿ, ನನ್ನ ಸಿನಿಮಾ, ನಟನೆ ಬಗ್ಗೆ ಮಾತನಾಡಿದರು. ಫೋಟೋಗಳನ್ನು ತೆಗೆದುಕೊಂಡರು. ಜತೆಗೆ ಕಡಿಮೆ ಅಂದರೆ ಹತ್ತು ಜನರಾದರೂ ಬಾಲಿವುಡ್ ಬಗ್ಗೆ ನಮ್ಮ ಭಾರತೀಯ ಆಚಾರ, ವಿಚಾರ, ಸಂಸ್ಕೃತಿಯಿಂದ ದೂರಾಗಿರುವುದೇ ಹಿಂದಿ ಚಿತ್ರರಂಗ ಹಿಂದುಳಿಯಲು ಕಾರಣ ಎಂದರು. ಹಾಗಂತ ಬೇರೆಲ್ಲ ಚಿತ್ರರಂಗಗಳಲ್ಲು ಎಲ್ಲ ಸಿನಿಮಾಗಳು ಗೆಲ್ಲುತ್ತಿವೆ ಅಂತಲ್ಲ. ಸೋಲು, ಗೆಲುವು ಇದ್ದೇ ಇರುತ್ತದೆ. ಆದರೆ ನಮ್ಮ ಆಚರಣೆ, ಸಂಸ್ಕೃತಿಯನ್ನು ಬಿಂಬಿಸುವ ನೆಲದ ಕಥೆಗಳನ್ನು ನೋಡಲು ಜನ ಇಷ್ಟಪಡುತ್ತಾರೆ. ದಕ್ಷಿಣದ ಇಂಡಸ್ಟ್ರಿಗಳು ಕಂಟೆಂಟ್ ವಿಷಯದಲ್ಲು ಮುಂದಿವೆ’ ಎಂದು ಹೇಳಿಕೊಳ್ಳುತ್ತಾರೆ.
