ಪ್ಯಾರಾನೋಯಾ ಒಂದು ವಿಚಿತ್ರ ಖಾಯಿಲೆಯಿಂ. ಅದರಿಂದ ಬಳಲುತ್ತಿರುವವರು ಸದಾ ಎಲ್ಲರ ಮೇಲೆ ಅನುಮಾನ ಪಡುತ್ತಾರಂತೆ. ಎಲ್ಲರೂ ತನ್ನನ್ನು ದ್ವೇಷಿಸುತ್ತಿದ್ದಾರೆ, ಎಲ್ಲರೂ ತಮ್ಮ ವಿರುದ್ಧ ಪಿತೂರಿ ಮಾಡುತ್ತಿದ್ದಾರೆ ಎಂದು ಅನಿಸುತ್ತದಂತೆ. ಅಷ್ಟೇ ಅಲ್ಲ, ಒಬ್ಬರೇ ಇದ್ದಾಗ, ಯಾರೋ ತಮ್ಮನ್ನು ಕೊಲ್ಲುವುದಕ್ಕೆ ಬರುತ್ತಿದ್ದಾರೆ ಎಂದು ನಂಬುವುದೂ ಉಂಟಂತೆ. ಇನ್ನು ಬೈಪೋಲಾರ್ ಡಿಸ್ಆರ್ಡರ್ನಿಂದ ಬಳಲುತ್ತಿರುವವರ ಮೂಡ್ ಪದೇಪದೇ ಬದಲಾಗುತ್ತಿರುತ್ತದಂತೆ. ಕೆಲವೊಮ್ಮೆ ವಿಪರೀತ ಸ್ಟ್ರೆಸ್ನಲ್ಲಿ ಇದ್ದರೆ, ಇನ್ನೂ ಕೆಲವೂ ಅಪರಿಮಿತ ಆತ್ಮವಿಶ್ವಾಸದಿಂದ ಇರುತ್ತಾರಂತೆ. ಆ ನಂತರ, ಯಾರ ಜತೆಗೂ ಮಾತನಾಡದೆ ಹತಾಶರಾಗಿ ಕೂರುತ್ತಾರಂತೆ. ಈ ಖಾಯಿಲೆಗಳಿಂದ ಬಳಲುತ್ತಿರುವವರು ತಮ್ಮನ್ನು ತಾವು ಕಂಟ್ರೋಲ್ನಲ್ಲಿ ಇಟ್ಟುಕೊಳ್ಳುವುದಕ್ಕೆ ಸಾಧ್ಯವಿಲ್ಲ, ಯಾವ ಹೊತ್ತಿನಲ್ಲಿ ಯಾವ ತೀರ್ಮಾನ ಬೇಕಾದರೂ ತೆಗೆದುಕೊಳ್ಳಬಹುದು ಎಂದು ಹೇಳಲಾಗುತ್ತಿದೆ.
