ಮೈಬಣ್ಣದ ವಿಚಾರವಾಗಿ ಮಗಳಿಂದಲೇ ಟ್ರೋಲ್​ ಆದ ಶಾರುಖ್​ ಖಾನ್​!

ಮುಂಬೈ: ಬಾಲಿವುಡ್​ ಬಾದ್ಶಾ ಶಾರುಖ್​ ಖಾನ್​ ಮಗಳ ಮೈಕಾಂತಿಯ ವಿಚಾರವಾಗಿ ಟ್ರೋಲ್​​ಗೆ ಆಹಾರವಾಗಿದ್ದಾರೆ. ಫೇರ್​ನೆಸ್​ ಕ್ರೀಮ್​ ಬಗ್ಗೆ ಜಾಹೀರಾತು ಮಾಡುವ ಮುನ್ನ ಮಗಳ ಮೈಕಾಂತಿಯನ್ನೂ ನೋಡಿ ಎಂದು ನೆಟ್ಟಿಗರು ಶಾರುಖ್​ ಖಾನ್​ಗೆ ಪ್ರಶ್ನೆ ಮಾಡಿದ್ದಾರೆ.

ಇದನ್ನೂ ಓದಿ: ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ ಸುಶಾಂತ್​ ‘ದಿಲ್ ಬೇಚಾರಾ’

ಅಷ್ಟಕ್ಕೂ ಈ ರೀತಿಯ ಚರ್ಚೆ ಶುರುವಾಗಲು ಕಾರಣ ಶಾರುಖ್​ ಪುತ್ರಿ ಸುಹಾನಾ ಖಾನ್​ ಹಾಕಿದ ಫೋಟೋಗಳು. ಹೌದು, ಸೋಷಿಯಲ್​ ಮೀಡಿಯಾದಲ್ಲಿ ಸುಹಾನಾ ಫೋಟೋಗಳಿಗೆ ಕಪ್ಪು ಸುಂದರಿ ಎಂಬಂಥ ಕಮೆಂಟ್​ಗಳು ಸಂದಾಯವಾಗುತ್ತಿವೆ. ‘ಕಾಲಾ’, ‘ಕಾಳಿ’, ನೀನು ಸುಂದರಿಯಲ್ಲ, ಯಾವಾಗ ಇವಳು ಸುಂದರಿಯಾಗುತ್ತಾಳೆ? ನಿಜಕ್ಕೂ ಆಕೆಯ ಮೈಬಣ್ಣ ತುಂಬ ಕಪ್ಪಾಗಿದೆ ಎಂಬರ್ಥದಲ್ಲಿ ಕಮೆಂಟ್ ಹಾಕುತ್ತಿದ್ದಾರೆ.

ಇದೆಲ್ಲವನ್ನು ಹೇಳಿಕೊಳ್ಳಲು ಸೋಷಿಯಲ್​ ಮೀಡಿಯಾದಲ್ಲಿ ವಿವರವಾದ ಪೋಸ್ಟ್ ಹಾಕಿರುವ ಸುಹಾನಾ, ‘ನಾವು ಭಾರತೀಯರು. ಬ್ರೌನ್​ ಬಣ್ಣ ಸಹಜ. 5 ಅಡಿ 7 ಇಂಚು ಎತ್ತರ ಮತ್ತು ಅಂದವಾಗಿಲ್ಲ ಇಲ್ಲ ಎಂದ ಮಾತ್ರಕ್ಕೆ ನೀನು ಸುಂದರಿ ಅಲ್ಲ ಎಂಬುದು ಸುಳ್ಳು. ನಾನು 5 ಅಡಿ 3 ಇಂಚು ಎತ್ತರ ಇದ್ದೇನೆ. ನೋಡಲು ಕಪ್ಪಗಿದ್ದೇನೆ. ಆದರೆ, ನಾನು ತುಂಬ ಸಂತೋಷವಾಗಿದ್ದೇನೆ’ ಎಂಬರ್ಥದಲ್ಲಿ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ: ನಟಿಯರ ಬಳಿಕ ಇದೀಗ ಬಾಲಿವುಡ್​ನ ಹೀರೋಗಳಿಗೆ ಎನ್​ಸಿಬಿ ಸಮನ್ಸ್

ಇದೆಲ್ಲ ಒಂದೆಡೆಯಾದರೆ, ಈ ರೀತಿಯ ಪೋಸ್ಟ್ ಹಾಕುತ್ತಿದ್ದಂತೆ, ಒಂದಷ್ಟು ನೆಟ್ಟಿಗರು ನೇರವಾಗಿ ಶಾರುಖ್​ ಖಾನ್​ ಅವರನ್ನೇ ಟಾರ್ಗೆಟ್​ ಮಾಡಿದ್ದಾರೆ. ‘ಮೈಕಾಂತಿ ಹೆಚ್ಚಿಸಿಕೊಳ್ಳುವ ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುವುದನ್ನು ಶಾರುಖ್​ ನಿಲ್ಲಿಸಲಿ ಎಂದು ಕೆಲವರು ಪ್ರತಿಕ್ರಿಯಿಸಿದರೆ, ಭಾರತೀಯರ ಮನಸ್ಥಿತಿ ಬದಲಿಸುವ ಮುನ್ನ ನಿಮ್ಮ ತಂದೆಯ ಮನಸ್ಥಿತಿ ಬದಲಿಸಿ. ಅವರನ್ನು ಕೋಟ್ಯಂತರ ಮಂದಿ ಫಾಲೋ ಮಾಡುತ್ತಾರೆ. ಏಕೆಂದರೆ, ಅವರೇ ಈ ಫೇರ್​ನೆಸ್​ ಕ್ರೀಮ್​ ಅನ್ನು ಪ್ರಚುರಪಡಿಸುತ್ತಿದ್ದಾರೆ’ ಎಂದೂ ಹೇಳಿದ್ದಾರೆ. (ಏಜೆನ್ಸೀಸ್​)

https://www.vijayavani.net/ms-dhoni-and-wife-sakshi-dhoni-to-start-a-new-innings-in-entertainment-industry/