`ನಿಜಕ್ಕೂ ಸುಭಾಷ್ ಘಾಯ್ ನನಗೆ ತುಂಬಾ ಕಾಟ ಕೊಟ್ಟರು. ಆಗ ನಾನು ಚಿತ್ರರಂಗಕ್ಕೆ ಹೊಸಬಳಾಗಿದ್ದೆ. ಏನು ಮಾಡಬೇಕು ಎಂದು ಗೊತ್ತಾಗದೇ ಕಂಗಾಲಾಗಿದ್ದೆ. ನನಗೆ, `ಪರದೇಸ್' ಮೂಲಕ ಬ್ರೇಕ್ ಕೊಟ್ಟಿದ್ದು ಅವರು. ಆದರೆ, ಬೇರೆಯವರ ಜತೆಗೆ ಕೆಲಸ ಮಾಡಬಾರದು ಎಂದು ಕಾಟಕೊಟ್ಟರು. ಕೇಳಿದರೆ, ತಮ್ಮ ಬಳಿ ಅಗ್ರೀಮೆಂಟ್ ಇದೆ ಎನ್ನುತ್ತಿದ್ದರು. ಅಷ್ಟೇ ಅಲ್ಲ, ಎಲ್ಲಾ ನಿರ್ಮಾಪಕರಿಗೂ, ನನ್ನ ಜತೆಗೆ ಕೆಲಸ ಮಾಡಬಾರದು ಎಂದು ಹೇಳಿದ್ದರು. ಸಾಲದ್ದಕ್ಕೆ ಟ್ರೇಡ್ ಗೈಡ್ ಮ್ಯಾಗಜೀನ್ನಲ್ಲಿ ಒಂದು ಜಾಹೀರಾತು ಕೊಟ್ಟಿದ್ದರು. ಯಾರಾದರೂ ನನ್ನ ಜತೆಗೆ ಕೆಲಸ ಮಾಡಬೇಕು ಎಂದಿದ್ದರೆ, ಮೊದಲು ತಮ್ಮ ಅನುಮತಿ ಪಡೆಯಬೇಕು ಎಂದಿದ್ದರು. ಇದರಿಂದ ನನ್ನ ವೃತ್ತಿ ಜೀವನಕ್ಕೆ ದೊಡ್ಡ ಪೆಟ್ಟು ಬಿತ್ತು' ಎಂದು ಅವರು ಹೇಳಿಕೊಂಡಿದ್ದಾರೆ.
