ನಟ, ನಿರ್ದೇಶಕ ರಿಷಬ್ ಶೆಟ್ಟಿ ಸದ್ಯ ಕರೊನಾ ಲಾಕ್ಡೌನ್ ಹಿನ್ನೆಲೆಯಲ್ಲಿ ಇಷ್ಟು ಮನೆಯಲ್ಲಿಯೇ ಮುದ್ದು ಮಗನೊಂದಿಗೆ ಕಾಲಕಳೆದಿದ್ದರು. ಇದೀಗ ಸಿನಿಮಾ ಸಂಬಂಧಿ ಸಣ್ಣಪುಟ್ಟ ಕೆಲಸಗಳಿಗೆ ಚಾಲನೆ ನೀಡಿದ್ದು, ಶೂಟಿಂಗ್ಗೆ ಪ್ಲಾನ್ ಮಾಡಿಕೊಳ್ಳುತ್ತಿದ್ದಾರೆ. ಈ ನಡುವೆ ಶ್ರೀ ಕೃಷ್ಣ ಜನ್ಮಾಷ್ಟಮಿಯನ್ನೂ ಅಷ್ಟೇ ಅದ್ಧೂರಿಯಾಗಿ ಆಚರಿಸುತ್ತಿದ್ದಾರೆ. ಈ ವರ್ಷ ಈ ಜನ್ಮಾಷ್ಟಮಿಗೆ ಪುತ್ರ ರಣ್ವಿತ್ಗೆ ಕೃಷ್ಣನ ವೇಷ ಹಾಕಿ, ಸಂಭ್ರಮಿಸಿದ್ದಾರೆ. ಆ ಬಾಲ ಕೃಷ್ಣನ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲೂ ಶೇರ್ ಮಾಡಿಕೊಂಡಿರುವ ರಿಷಬ್, ಎಲ್ಲರಿಗೂ ಜನ್ಮಾಷ್ಟಮಿ ಶುಭಾಶಯ ಕೋರಿದ್ದಾರೆ. ಆ ಪುಟಾಣಿಯ ಮುದ್ದಾದ ಫೋಟೋಗಳು ಇಲ್ಲಿವೆ.