ಇಷ್ಟರಲ್ಲಿ ಅಜೇಯ್ ಅಭಿನಯದ 2 ಚಿತ್ರಗಳು ಬಿಡುಗಡೆಯಾಗಿರಬೇಕಿತ್ತು. ‘ಕೃಷ್ಣ ಟಾಕೀಸ್’ ಮತ್ತು ‘ಶೋಕಿವಾಲಾ’. ಆದರೆ, ಲಾಕ್ಡೌನ್ನಿಂದ ಚಿತ್ರಗಳ ಬಿಡುಗಡೆ ಮುಂದಕ್ಕೆ ಹೋಗಿವೆ. ‘ನನ್ನ ಚಿತ್ರಗಳು ಬಿಡುಗಡೆ ಯಾಗಬೇಕು ಎನ್ನುವುದಕ್ಕಿಂತ ಚಿತ್ರರಂಗ ರಿವೈವ್ ಆಗಬೇಕು. ಏಕೆಂದರೆ, ಚಿತ್ರರಂಗದ ಮೇಲೆ ನಮ್ಮ ಭವಿಷ್ಯ ಇದೆ. ಚಿತ್ರೀಕರಣ ಯಾವಾಗ ಪ್ರಾರಂಭವಾಗುತ್ತದೆ, ಚಿತ್ರ ಪ್ರದರ್ಶನ ಯಾವಾಗಿನಿಂದ ಶುರುವಾಗುತ್ತದೆ, ಶುರುವಾದರೂ ಜನ ಚಿತ್ರ ನೋಡುತ್ತಾರಾ ಎಂಬ ವಿಷಯಗಳ ಬಗ್ಗೆ ಸದ್ಯಕ್ಕೆ ಯಾರಲ್ಲೂ ಕ್ಲಾರಿಟಿ ಇಲ್ಲ. ಎಲ್ಲರಂತೆ ನಾನು ಸಹ ಕಾಯುತ್ತಿದ್ದೇನೆ. ಮೊದಲು ನಿರ್ವಪಕರು ಉಳಿಯಬೇಕು’ ಎಂಬುದು ಅಜೇಯ್ ಅಭಿಪ್ರಾಯ. ಇನ್ನು ಲಾಕ್ಡೌನ್ ಸಂದರ್ಭದಲ್ಲಿ ಅವರನ್ನು ಕಾಪಾಡಿದ್ದು, ಅವರ ಮಗಳಂತೆ. ‘ಈ ಸಮಯದಲ್ಲಿ ಏನು ಮಾಡಬೇಕು ಎಂಬುದು ಗೊತ್ತಿರಲಿಲ್ಲ. ನಮ್ಮನ್ನು ಕಾಪಾಡಿದ ತಾಯಿ ಅವಳು. ಒಂದೂವರೆ ವರ್ಷ ಅವಳಿಗೆ. ಅವಳ ಜತೆ ಕಾಲ ಕಳೆದು, ಬಿಟ್ಟಿರೋದೇ ಕಷ್ಟವಾಗಿದೆ. ಕೆಲಸದ ವಿಷಯ ಆಫೀಸಿಗೆ ಹೋದರೂ, ಯಾವಾಗ ಮನೆಗೆ ಹೋಗುತ್ತೀನಿ ಅಂತ ಅನಿಸಿ ಬಿಡುತ್ತದೆ’ ಎನ್ನುತ್ತಾರೆ ಅಜೇಯ್.
