ಸೆಕ್ಯುರಿಟಿ ಗಾರ್ಡ್​ ಆದ ನಟ-ನಿರ್ದೇಶಕ ಶ್ರೀನಾಥ್​ ವಸಿಷ್ಠ!

ಕನ್ನಡದ ಅನೇಕ ಸಿನಿಮಾ ಮತ್ತು ಧಾರಾವಾಹಿಗಳಲ್ಲಿ ನಟಿಸಿರುವ ಮತ್ತು ನಿರ್ದೇಶಕರಾಗಿಯೂ ಗುರುತಿಸಿಕೊಂಡಿರುವ 'ಪಾ.ಪ. ಪಾಂಡು' ಖ್ಯಾತಿಯ ಶ್ರೀನಾಥ್​ ವಸಿಷ್ಠ, ಕಳೆದ ಕೆಲವು ದಿನಗಳಿಂದ ಸೆಕ್ಯುರಿಟಿ ಗಾರ್ಡ್​ ಆಗಿ ಕೆಲಸ ಮಾಡುತ್ತಿದ್ದಾರೆ.

ಸುದ್ದಿ ಕೇಳಿದರೆ ಶಾಕ್​ ಆಗುವುದು ನಿಜ. ಅದರಲ್ಲೂ ಕರೊನಾದಿಂದ ಬಹಳಷ್ಟು ಕಲಾವಿದರು ಮತ್ತು ತಂತ್ರಜ್ಱರು ಕೆಲಸ ಇಲ್ಲದೆ ಪರದಾಡುತ್ತಿದ್ದಾರೆ. ಹೀಗಿರುವಾಗ ಕೆಲವರು ಬೇರೆಬೇರೆ ಕೆಲಸಗಳನ್ನು ಹುಡುಕಿಕೊಳ್ಳುತ್ತಿದ್ದಾರೆ. ಶ್ರೀನಾಥ್​ ಸಹ ಅಂಥದ್ದೊಂದು ಹೆಜ್ಜೆ ಇಟ್ಟರಾ ಎಂಬ ಪ್ರಶ್ನೆ ಬರುವುದು ಸಹಜ.

ಇದನ್ನೂ ಓದಿ: ನಟಿ ಸಾರಾ ಅಲಿಖಾನ್ ಡ್ರೈವರ್​ಗೆ ಕರೊನಾ; ಆತಂಕದಲ್ಲಿ ಸೈಫ್​ ಅಲಿಖಾನ್​ ಕುಟುಂಬ

ಹಾಗೇನಿಲ್ಲ. ಶ್ರೀನಾಥ್​ ವಸಿಷ್ಠ ಸೆಕ್ಯುರಿಟಿ ಗಾರ್ಡ್​ ಆಗಿ ಕೆಲಸ ಮಾಡುತ್ತಿರುವುದು, ಕೆಲಸ ಇಲ್ಲ ಎಂದಲ್ಲ. ತಮ್ಮ ಅಪಾರ್ಟ್​ಮೆಂಟ್​ನ ಸೆಕ್ಯುರಿಟಿ ಗಾರ್ಡ್​ಗೆ ಕರೊನಾ ಸೋಂಕು ತಗುಲಿದೆ. ಮಿಕ್ಕ ಕೆಲವರು ಕ್ವಾರಂಟೈನ್​ನಲ್ಲಿದ್ದಾರೆ. ಹೀಗಾಗಿ ಸೆಕ್ಯುರಿಟಿ ಗಾರ್ಡ್​ ಕೆಲಸವನ್ನು ಅಪಾರ್ಟ್​ಮೆಂಟ್​ ನಿವಾಸಿಗಳೇ ಮಾಡುತ್ತಿದ್ದಾರೆ.

ಈ ಹಿನ್ನೆಲೆಯಲ್ಲಿ ಶ್ರೀನಾಥ್​ ವಸಿಷ್ಠ ಸಹ ಸರದಿಯ ಪ್ರಕಾರ ಸೆಕ್ಯುರಿಟಿ ಗಾರ್ಡ್​ ಕೆಲಸ ಮಾಡುವುದಕ್ಕೆ ಒಪ್ಪಿಕೊಂಡಿದ್ದಾರೆ. ಮುಂದಿನ ಹತ್ತು ದಿನಗಳ ಕಾಲ ಮಧ್ಯಾಹ್ನ 2 ಗಂಟೆಯಿಂದ ರಾತ್ರಿ 10 ಗಂಟೆಯವರೆಗೂ ಅವರು ಸೆಕ್ಯುರಿಟಿ ಗಾರ್ಡ್​ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ಇದನ್ನೂ ಓದಿ: ಸುಶಾಂತ್‌ ಸಾವಿಗೆ ಒಂದು ತಿಂಗಳು: ಡಿಪಿ ಚೇಂಜ್‌ ಮಾಡಿದ ಗೆಳತಿ

ಈ ಕುರಿತು, ಫೇಸ್​ಬುಕ್​ನಲ್ಲಿ ಪೋಸ್ಟ್​ ಹಾಕಿಕೊಂಡಿರುವ ಅವರು, ಸೆಕ್ಯುರಿಟಿ ಗಾರ್ಡ್​ ಇಲ್ಲದ ಕಾರಣ, ಅಪಾರ್ಟ್​ಮೆಂಟ್​ ನಿವಾಸಿಗಳೇ ಸೆಕ್ಯುರಿಟಿ ನೋಡಿಕೊಳ್ಳುವುದಕ್ಕೆ ಮುಂದೆ ಬಂದಿದ್ದಾಗೆ ಹೇಳುತ್ತಾರೆ. ಈ ನಿಟ್ಟಿನಲ್ಲಿ ಅವರು ಸಹ ಮುಂದಿನ ಕೆಲವು ದಿವಸಗಳ ಕಾಲ ಮಧ್ಯಾಹ್ನದಿಂದ ರಾತ್ರಿಯವರೆಗೂ ಸೆಕ್ಯುರಿಟಿ ಗಾರ್ಡ್​ ಆಗಿ ಕೆಲಸ ನಿರ್ವಹಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಇದೊಂದು ಹೊಸ ಅನುಭವ ಎಂದು ಶ್ರೀನಾಥ್ ವಸಿಷ್ಠ ಹೇಳಿದ್ದಾರೆ.

ಬರೀ ಅವರಷ್ಟೇ ಅವರ ಪುತ್ರ ಋತ್ವಿಕ್ ವಸಿಷ್ಠ ಸಹ ಸೆಕ್ಯೂರಿಟಿ ಗಾರ್ಡ್ ಮಾಡಲಿದ್ದಾರೆ.

https://www.vijayavani.net/amitabh-bachchan-fans-in-kolkata-start-non-stop-yagna/