ಮಾಸ್​ ಮಹಾರಾಜನ ಜೊತೆ ಮಿಂಚಿದ ಶ್ರೀಲೀಲಾ: ಹೊಸ ಪೋಸ್ಟರ್ ವೈರಲ್...

ಕನ್ನಡದ ನಟಿ ಶ್ರೀಲೀಲಾ ಇತ್ತೀಚೆಗೆ ತೆಲುಗು ಸಿನಿರಂಗದಲ್ಲಿ ಸಿನಿಮಾ ಅವಕಾಶಗಳ ಮೇಲೆ ಅವಕಾಶಗಳನ್ನು ಬಾಚಿಕೊಳ್ಳುತ್ತಿದ್ದಾರೆ. ಮುದ್ದು ಮುಖದ ನಟಿ ಈಗಾಗಲೇ ತಮ್ಮ ಮೊದಲ ತೆಲುಗು ಸಿನಿಮಾ 'ಪೆಳ್ಳಿ ಸಂದಡಿ' ಮೂಲಕ ಸಿಕ್ಕಾಪಟ್ಟೆ ಹೆಸರು ಮಾಡಿದ್ದಾರೆ. ಇದೀಗ, ಟಾಲಿವುಡ್​ನ ಮಾಸ್ ಮಹಾರಾಜ ನಟ ರವಿತೇಜ ಅವರ 'ಧಮಾಕಾ' ಸಿನಿಮಾದಲ್ಲಿ ಶ್ರೀಲೀಲಾ ಅವರು ನಾಯಕಿಯಾಗಿ ನಟಿಸಿದ್ದಾರೆ. ಇನ್ನು, ಪ್ರೇಮಿಗಳ ದಿನದ ವಿಶೇಷವಾಗಿ ಇಂದು ಈ ಸಿನಿಮಾದ ಪೋಸ್ಟರ್​ವೊಂದನ್ನು ಬಿಡುಗಡೆ ಮಾಡಲಾಗಿದೆ.

ಈ ಪೋಸ್ಟರ್​ನಲ್ಲಿ ನಟ ರವಿತೇಜ ಹಾಗೂ ನಟಿ ಶ್ರೀಲೀಲಾ ಮಾತನಾಡಿಕೊಳ್ಳುತ್ತಿರುವ ಒಂದು ಫೋಟೋ ಕಾಣಿಸಿಕೊಂಡಿದೆ. ಈ ಪೋಸ್ಟರ್ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗ ತೊಡಗಿದೆ. ಮತ್ತೊಂದೆಡೆ, ನಟಿ ಶ್ರೀಲೀಲಾ ಅವರು ನಟ ಜೂ.ಎನ್​.ಟಿ.ಆರ್ ಅವರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ. ಆದರೆ, ಇದರ ಬಗ್ಗೆ ಇನ್ನೂ ಅಧಿಕೃತ ಮಾಹಿತಿ ಇಲ್ಲ. ಅದೇನೇ ಇರಲಿ, ನಟಿ ಶ್ರೀ ಲೀಲಾ ತೆಲುಗಿನಲ್ಲಿ ಇಷ್ಟು ಬ್ಯೂಸಿಯಾಗಿರುವುದು ಅವರ ಅಭಿಮಾನಿಗಳಿಗೂ ಸಂತಸ ತಂದಿದೆ. 

https://www.vijayavani.net/pooja-hegde-celebrates-mothers-60th-birthday-in-maldives-with-family/

https://www.vijayavani.net/rakshith-shetty-turns-a-poet-on-twitter-and-receives-huge-applause-from-audience/