ಕೋವಿಡ್ ಮತ್ತು ಲಾಕ್ಡೌನ್ನಿಂದ ಅವಕಾಶಗಳು ಕೈತಪು್ಪತ್ತವೆ ಎಂಬ ಅಳುಕಿತ್ತು. ಆದರೆ, ಹಾಗಾಗಲಿಲ್ಲ. ಕೋವಿಡ್ ನಡುವೆಯೂ ನಮ್ಮ ‘ಕೃಷ್ಣ ಟಾಕೀಸ್’ ಸಿನಿಮಾ ಬಿಡುಗಡೆ ಆಯಿತು. ‘ಪೆಂಟಗನ್’ ಚಿತ್ರದಲ್ಲಿ ನಟಿಸಿದೆ. ‘ಪುರುಷೋತ್ತಮ’ ಮುಗಿದು, ದೀಪಾವಳಿಗೆ ಬರಲಿದೆ. ‘ಕಾಲಾಪತ್ಥರ್’ ಚಿತ್ರೀಕರಣ ಪ್ರಾರಂಭವಾಗಿವೆ. ಆದರೆ, ನಾವೇನು ಮಾಡಿದ್ದೇವೆ ಎಂದು ಗೊತ್ತಾಗ ಬೇಕಾದರೆ, ಚಿತ್ರಗಳು ಬಿಡುಗಡೆಯಾಗಬೇಕು. ಥಿಯೇಟರ್ ಮುಂದಿನ ಆ ಸಂಭ್ರಮ, ಪ್ರೇಕ್ಷಕರ ಜೈಕಾರ, ಪಟಾಕಿ ಸದ್ದು ... ಹೀಗೆ ಸಿನಿಮಾ ಕ್ಷೇತ್ರದ ಆ ದಿನಗಳು ಮತ್ತೆ ಮರುಕಳಿಸಬೇಕೆಂದರೆ ಇನ್ನೂ ಒಂದು ವರ್ಷ ಬೇಕೇ ಬೇಕು. ಒಟಿಟಿಯಲ್ಲಿ ಸಿನಿಮಾ ಬಂದಿದೆ ಅಲ್ಲಿಯೇ ನೋಡಿದರಾಯಿತು ಎಂದು ನೋಡಿದರೂ, ಚಿತ್ರಮಂದಿರ ಕೊಡುವ ಅನುಭವವೇ ಬೇರೆ. ನಾನು ಒಬ್ಬ ನಟಿಯಾಗಷ್ಟೇ ಅಲ್ಲ, ಒಬ್ಬ ಪ್ರೇಕ್ಷಕಳಾಗಿಯೂ ಇನ್ನಷ್ಟು ಚಿತ್ರಗಳು ಬಿಡುಗಡೆಯಾಗಲಿ ಎಂದು ಕಾಯುತ್ತಿದ್ದೇನೆ.
