ಭಾಯ್​, ನನ್ನ ಗರ್ಲ್​ಫ್ರೆಂಡ್​ಗೆ ಐಫೋನ್ ಬೇಕಂತೆ, ಕೊಡಸ್ತೀರಾ?; ನೆಟ್ಟಿಗನ ಪ್ರಶ್ನೆಗೆ ಸೋನು ಸೂದ್ ಉತ್ತರ ನೋಡಿ..

ಮುಂಬೈ: ನಟ ಸೋನು ಸೂದ್ ಸಾಮಾಜಿಕ ಕೆಲಸದ ಜತೆಗೆ ದೇಶದ ಜನರ ಮನಗೆದ್ದಿದ್ದಾರೆ. ಬೇಡಿದವರಿಗೆ ಕೈಲಾದ ಮಟ್ಟಿಗೆ ಸೇವೆ ಒದಗಿಸುತ್ತಿದ್ದಾರೆ. ಸೋನು ಸೂದ್ ಫೌಂಡೇಷನ್ ಮೂಲಕ ಎಲ್ಲರಿಗೂ ನೆರವಾಗುತ್ತಿದ್ದಾರೆ. ಇದೆಲ್ಲದರ ಜತೆಗೆ ಆಗಾಗ ಸೋಷಿಯಲ್ ಮೀಡಿಯಾದಲ್ಲಿ ಕೆಲವರ ಕಮೆಂಟ್​ಗಳಿಗೆ ಅಷ್ಟೇ ಚೆನ್ನಾಗಿ ತಮಾಷೆಯ ಉತ್ತರವನ್ನೂ ನೀಡುತ್ತಿರುತ್ತಾರೆ.

ಇದನ್ನೂ ಓದಿ: 24 ವರ್ಷಗಳ ಹಿಂದಿನ ಫೋಟೋ ಈಗ ವೈರಲ್​ ಆಗ್ತಿದೆ …

ಬಾಲಕಿಯೊಬ್ಬಳ ಆರೋಗ್ಯ ಸಮಸ್ಯೆಗೆ ಕ್ಷಿಪ್ರಗತಿಯಲ್ಲಿ ಸೋನು ಸೂದ್ ನೆರವಾಗಿದ್ದರು. ಬಳಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸಿ ಬಾಲಕಿಯನ್ನು ಡಿಸ್ಚಾರ್ಜ್​ ಸಹ ಮಾಡಲಾಗಿತ್ತು. ನಿಮ್ಮ ಸಹಾಯಕ್ಕೆ ತುಂಬು ಹೃದಯದ ಧನ್ಯವಾದ ಎಂದೂ ಆ ಕುಟುಂಬ ಟ್ವಿಟ್ ಮೂಲಕ ಸೋನುಗೂ ಹೇಳಿತ್ತು. ಅದಕ್ಕೆ ಪ್ರತಿಯಾಗಿ ‘ಮತ್ತೇನಾದರೂ ಸೇವೆ ಇದ್ದರೆ ತಿಳಿಸಿ’ ಎಂದು ಸೋನು ಪ್ರತಿಕ್ರಿಯೆ ನೀಡಿದ್ದರು. ಹೀಗಿರುವಾಗಲೇ ಆ ಪೋಸ್ಟ್​ಗೆ ಇಂಜಿನಿಯರ್ ಲಡ್ಕಾ ಹೆಸರಿನ ಟ್ವಿಟರ್​ ಖಾತೆಯಿಂದ ಬೇಡಿಕೆಯೊಂದು ತೇಲಿ ಬಂದಿತ್ತು. ಅದಕ್ಕೆ ಅಷ್ಟೇ ಹಾಸ್ಯಭರಿತವಾಗಿ ಉತ್ತರ ನೀಡಿದ್ದಾರೆ ಸೋನು.

‘ಭಾಯ್, ನನ್ನ ಗರ್ಲ್​​ಫ್ರೆಂಡ್​ ಐಫೋನ್​ ಕೇಳುತ್ತಿದ್ದಾಳೆ. ಅದಕ್ಕೆ ನೀವೇನಾದರೂ ಸಹಾಯ ಮಾಡಲು ಸಾಧ್ಯವೇ?’ ಎಂದು ಯುವಕ ಬೇಡಿಕೆ ಇಟ್ಟಿದ್ದ. ಅದಕ್ಕೆ ಉತ್ತರಿಸಿದ ಸೋನು ಸೂದ್, ‘ನನಗದು ಗೊತ್ತಿಲ್ಲ, ಆದರೆ, ನಾನು ಐಫೋನ್ ನೀಡಿದರೆ, ಅದರಿಂದ ನಿನಗೇನು ಅನುಕೂಲವಿಲ್ಲ’ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ಸದ್ಯ ಈ ಉತ್ತರಕ್ಕೆ ಒಂದಷ್ಟು ನೆಟ್ಟಿಗರು ಗಹಗಹಿಸಿ ನಕ್ಕಿದ್ದಾರೆ. ಮತ್ತೆ ಕೆಲವರು, ಇಂಥ ಸಮಯದಲ್ಲಿ ಈ ಥರಹದ ಬೇಡಿಕೆ ಬೇಕಿತ್ತಾ ಎಂದು ಖಾರವಾಗಿಯೂ ಆತನಿಗೆ ಹೇಳಿದ್ದಾರೆ. 

ಇದನ್ನೂ ಓದಿ: ಪತ್ಮಿಯ ಜನ್ಮದಿನ ಪ್ರಯುಕ್ತ ಕಾರ್ಮಿಕರ ಒಕ್ಕೂಟಕ್ಕೆ 10 ಲಕ್ಷ ರೂಪಾಯಿ ದೇಣಿಗೆ ಕೊಟ್ಟ ಶಿವಣ್ಣ

ಕಳೆದ ವರ್ಷವೂ ಲಾಕ್​ಡೌನ್​ ಸಮಯದಲ್ಲಿ ಈ ರೀತಿಯ ಸಾವಿರಾರು ಬೇಡಿಕೆಗಳು ಸೋನು ಸೂದ್​ಗೆ ಆಗಮಿಸಿದ್ದವು. ಅವುಗಳಿಗೆ ಅಷ್ಟೇ ಹಾಸ್ಯಾಸ್ಪದವಾಗಿಯೇ ಉತ್ತರ ನೀಡಿ ಮೆಚ್ಚುಗೆ ಗಿಟ್ಟಿಸಿಕೊಂಡಿದ್ದರು. 

https://www.vijayavani.net/sanchari-bijay-clarifies-that-he-did-not-have-any-problems/