ಪುನೀತ್ ಹುಟ್ಟುಹಬ್ಬಕ್ಕೆ ಅಭಿಮಾನಿಯಿಂದ 'ಅಪ್ಪು ಕಥಾಗಾನಂ' …

ಬೆಂಗಳೂರು: ಪುನೀತ್​ ರಾಜಕುಮಾರ್ ನಿಧನರಾದ ಮೇಲೆ ಅವರ ನೆನಪಿನಲ್ಲಿ ಹಲವು ಹಾಡುಗಳನ್ನು ಬಿಡುಗಡೆ ಮಾಡಲಾಗಿದೆ. ಈಗ ಮಹಿ ಶಿವಶಂಕರ್​ ಎಂಬ ಪುನೀತ್​ ಅಭಿಮಾನಿಯೂ, ತಮ್ಮ ಮೆಚ್ಚಿನ ನಟನ ನೆನಪಲ್ಲಿ 'ಅಪ್ಪು ಕಥಾಗಾನಂ' ಎಂಬ ಒಂದು ಹಾಡು ಹೊರತಂದಿದ್ದಾರೆ. ಆ ಹಾಡನ್ನು ಪುನೀತ್​ ಹುಟ್ಟುಹಬ್ಬವಾದ (ಮಾ.17) ಯೂಟ್ಯೂಬ್​ನ ಬಿವಿಎಂ ಕ್ರಿಯೇಷನ್ಸ್​ ಎಂಬ ಚಾನಲ್​ನಲ್ಲಿ ಬಿಡುಗಡೆ ಮಾಡಿದ್ದಾರೆ.

ಇದನ್ನೂ ಓದಿ: ಜಿನೀವಾದಲ್ಲಿ ಕಾಂತಾರ ವಿಶೇಷ ಪ್ರದರ್ಶನ; ಜಾಗತಿಕ ದಿಗ್ಗಜರೊಂದಿಗೆ ರಿಷಭ್ ಶೆಟ್ಟಿ!

ಮಹಿ ಶಿವಶಂಕರ್​ ಮೂಲತಃ ಆಂಧ್ರದವರು. ಬೆಂಗಳೂರಿನಲ್ಲಿ ತಮ್ಮ ಜೀವನ ಕಟ್ಟಿಕೊಂಡವರು. ಪುನೀತ್​ ರಾಜಕುಮಾರ್​ ಅಭಿಮಾನಿಯಾಗಿರುವ ಶಿವಶಂಕರ್​, ಅವರ ಅಗಲಿಕೆಯ ನೋವನ್ನು ಹಾಡೊಂದರ ಮೂಲಕ ಹಿಡಿದಿಟ್ಟಿದ್ದಾರೆ. 'ಎಲ್ಲಿ ಹೋದೆಯೋ ನೀನೆಲ್ಲಿ ಇರುವೆಯೋ' ಎಂದು ಸಾಗುವ ಈ ಹಾಡನ್ನು ರಾಜೇಶ್​ ಕೃಷ್ಣನ್​ ಮತ್ತು ಜಯಶ್ರೀ ಹಾಡಿದ್ದಾರೆ. ಕನ್ನಡ ಮತ್ತು ತೆಲುಗಿನಲ್ಲಿ ತಯಾರಾಗಿರುವ ಈ ಹಾಡಿಗೆ ಚರಣ್​ ಅರ್ಜುನ್​ ಸಂಗೀತ ಸಂಯೋಜಿಸಿದ್ದರು, ಸೋಹನ್​ ಅಭರಾಮ್​ ಎನ್ನುವವರು ನಿರ್ದೇಶಿಸಿದ್ದಾರೆ. ಇನ್ನು, ಶಿವಶಂಕರ್​ ಅವರೇ ಈ ಹಾಡಿನಲ್ಲಿ ಕಾಣಿಸಿಕೊಂಡಿದ್ದಾರೆ.

ಮೂಲತಃ ನಿರ್ಮಾಪಕರೂ ಆಗಿರುವ ಶಿವಶಂಕರ್​ಗೆ ಈ ಹಾಡನ್ನು ತಮ್ಮ ಹೊಸ ಚಿತ್ರದಲ್ಲೂ ಬಳಸಿಕೊಳ್ಳುವ ಯೋಚನೆ ಇದೆಯಂತೆ. ಈಗಾಗಲೇ ಬಿವಿಎಂ ಪ್ರೊಡಕ್ಷನ್ಸ್ ಎಂಬ ಸಂಸ್ಥೆಯನ್ನು ಆರಂಭಿಸಿ ಅದರ ಮೂಲಕ ಎರಡು ತೆಲುಗು ಚಿತ್ರಗಳನ್ನೂ ನಿರ್ಮಿಸಿದ್ದಾರೆ. ಈಗ ಕನ್ನಡದಲ್ಲಿ ತಮ್ಮ ಮೂರನೇ ಚಿತ್ರವನ್ನು ನಿರ್ಮಿಸಲು ಅವರು ಸಜ್ಜಾಗಿದ್ದು, ಈ ಹಾಡನ್ನು ಆ ಚಿತ್ರದಲ್ಲಿ ಬಳಸಿಕೊಳ್ಳಲಾಗುತ್ತದಂತೆ.

ಇದನ್ನೂ ಓದಿ: ಏಪ್ರಿಲ್​ 7ಕ್ಕೆ ಬಿಡುಗಡೆಯಾಗಲಿದೆ ಐದು ಕಥೆಗಳ ಆಂಥಾಲಜಿ ಚಿತ್ರ ‘ಪೆಂಟಗನ್’ …

ಈ ಕುರಿತು ಮಾತನಾಡುವ ಶಿವಶಂಕರ್​, 'ನಾನು ಅಪ್ಪು ಅವರ ಅಪ್ಪಟ ಅಭಿಮಾನಿ. ನನ್ನ ಮನದ ಭಾವನೆಯನ್ನು ಈ ಹಾಡಿನ ಮೂಲಕ ವ್ಯಕ್ತಪಡಿಸಿದ್ದೇನೆ. ಈ ಹಾಡನ್ನು ನೋಡಿ ರಾಘಣ್ಣ, ಪೂರ್ಣಿಮಾ ರಾಮ್ ಕುಮಾರ್ ಅವರು ಮೆಚ್ಚಿಕೊಂಡಿದ್ದಾರೆ. ಮೇನಲ್ಲಿ ಹೊಸ ಚಿತ್ರವನ್ನು ಪ್ರಾರಂಭಿಸುತ್ತಿದ್ದೇವೆ. ಅದರಲ್ಲಿ ಈ ಹಾಡನ್ನೂ ಬಳಸಿಕೊಳ್ಳುತ್ತಿದ್ದೇವೆ. ಸಾಧನೆ ಮಾಡಲು ಹೊರಟಾಗ ಹತ್ತಾರು ಅಡ್ಡದಾರಿಗಳಿರುತ್ತವೆ. ಒಳ್ಳೆಯ ದಾರಿ ತೋರಿಸುವ ಒಬ್ಬ ಗಾಡ್​ಫಾದರ್ ಇದ್ದರೆ ಆ ಹಾದಿ ಸುಗಮವಾಗಿರುತ್ತೆ ಎಂದು ಈ ಚಿತ್ರದ ಮೂಲಕ ಹೇಳಹೊರಟಿದ್ದೇವೆ' ಎನ್ನುತ್ತಾರೆ ಮಹಿ ಶಿವಶಂಕರ್​,

https://www.vijayavani.net/first-day-collection-of-kabzaa-is-54-crores/