'ಸಲ್ಮಾನ್​ ಖಾನ್​ನನ್ನು ಮದುವೆಯಾಗುವುದೇ ಜೀವನದ ಏಕೈಕ ಗುರಿಯಾಗಿತ್ತು, ಅದಕ್ಕಾಗೇ ಫ್ಲೋರಿಡಾದಿಂದ ಹಾರಿ ಬಂದೆ'

ಮುಂಬೈ: ಬಾಲಿವುಡ್​ ನಟ ಸಲ್ಮಾನ್​ ಖಾನ್​ರನ್ನು ಮದುವೆಯಾಗುವುದನ್ನೇ ನನ್ನ ಜೀವನದ ಏಕೈಕ ಗುರಿಯಾಗಿತ್ತು ಎಂದು ಬಾಲಿವುಡ್​ನ ಮಾಜಿ ನಟಿಯೊಬ್ಬರು ಹೇಳಿದ್ದಾರೆ. ನನಗೆ ನಟಿಯಾಗುವ ಆಸೆಯೇ ಇರಲಿಲ್ಲ, ಆದರೆ ಸಲ್ಮಾನ್​ರನ್ನು ಮದುವೆಯಾಗಬೇಕೆನ್ನುವ ಕಾರಣಕ್ಕೇ ನಟನೆಗೆ ಇಳಿದೆ ಎಂದು ಆಕೆ ಹೇಳಿಕೊಂಡಿದ್ದಾರೆ.

ಈ ರೀತಿಯ ಹೇಳಿಕೆ ಕೊಟ್ಟಿರುವುದು ಬಾಲಿವುಡ್​ನಲ್ಲಿ ಮಿಂಚಿ ಮರೆಯಾದ ನಟಿ ಸೋಮಿ ಅಲಿ. 1991ರಲ್ಲಿ ಬಾಲಿವುಡ್​ ಬದುಕನ್ನು ಆರಂಭಿಸಿದ್ದ ಆಕೆ 1992ರಲ್ಲಿ ಸಲ್ಮಾನ್​ ಖಾನ್​ ಜತೆ ಡೇಟಿಂಗ್​ ಮಾಡಿದ್ದರು ಕೂಡ. ಅವರ ಮೂಲ ಉದ್ದೇಶದ ಕುರಿತಾಗಿ ಇದೀಗ ಬಾಯಿಬಿಟ್ಟಿದ್ದಾರೆ.

ಸೋಮಿ ಪಾಕಿಸ್ತಾನದ ಕರಾಚಿಯಲ್ಲಿ ಹುಟ್ಟಿದಾಕೆ. ಆಕೆಯ ತಾಯಿ ಇರಾನ್​ ಮೂಲದವರಾದರೆ ತಂದೆ ಪಾಕಿಸ್ತಾನದವರಂತೆ. ಸೋಮಿಗೆ 12 ವರ್ಷವಿರುವಾಗ ಆಕೆಯ ತಾಯಿ ಮಗ ಮತ್ತು ಮಗಳನ್ನು ಕರೆದುಕೊಂಡು ಹೋಗಿಒ ಫ್ಲೋರಿಡಾದಲ್ಲಿ ವಾಸವಾರಂಭಿಸಿದರು. 16 ವರ್ಷದವರಾಗಿದ್ದಾಗ ಆಕೆ ಮೈನೆ ಪ್ಯಾರ್​ ಕಿಯಾ ಸಿನಿಮಾ ನೋಡಿದರಂತೆ. ಆಗ ಅವರಿಗೆ ಸಲ್ಮಾನ್​ ಖಾನ್ ಮೇಲೆ ಪ್ರೀತಿ ಹುಟ್ಟಿತಂತೆ. ತಕ್ಷಣ ತಾಯಿ ಬಳಿ ಹೋಗಿ, ನಾನು ಸಲ್ಮಾನ್​ನನ್ನೇ ಮದುವೆಯಾಗುವುದು, ಅದಕ್ಕೆಂದೇ ನಾನು ಭಾರತಕ್ಕೆ ಹೋಗಲಿದ್ದೇನೆ ಎಂದು ಹೇಳಿದರಂತೆ.

ತಂದೆಗೆ ಕರೆ ಮಾಡಿ, ಮುಂಬೈನಲ್ಲಿರುವ ಸಂಬಂಧಿಕರನ್ನು ಭೇಟಿ ಮಾಡಲೆಂದು ಭಾರತಕ್ಕೆ ಹೋಗುತ್ತೇನೆಂದರಂತೆ.

ಅದರಂತೆ 16ನೇ ವಯಸ್ಸಿಗೆ ಮುಂಬೈಗೆ ಸಲ್ಮಾನ್​ ಕನಸು ಕಟ್ಟಿಕೊಂಡು ಬಂದ ಸೋಮು ಮೊದಲಿಗೆ ಮಾಡೆಲಿಂಗ್​ ಕ್ಷೇತ್ರದಲ್ಲಿ ಗುರುತಿಸಿಕೊಂಡರು. ನಂತರ ಬಾಲಿವುಡ್​ಗೆ ಎಂಟ್ರಿ ಕೊಟ್ಟು, ಸಲ್ಮಾನ್​ರೊಂದಿಗೆ ಸ್ನೇಹ ಬೆಳೆಸಿಕೊಂಡರು. ಬಾಲಿವುಡ್​ನಲ್ಲಿ 1991ರಿಂದ 1998ರವರೆಗೆ ಸಕ್ರಿಯವಾಗಿದ್ದ ಆಕೆ, ಆಂಥ್ (1994) ಕ್ರಿಶನ್ ಅವತಾರ್ (1993) ಮತ್ತು ಅಯೋ ಪ್ಯಾರ್ ಕರೆನ್ (1994) ಸೇರಿ ಅನೇಕ ಸಿನಿಮಾಗಳಲ್ಲಿ ಕಾಣಿಸಿಕೊಂಡರು. 1994ರಲ್ಲಿ ಸಲ್ಮಾನ್​ ಮತ್ತು ಸೋಮಿ ನಡುವಿನ ಸಂಬಂಧ ಹಳಸಿತ್ತು. ಇದರಿಂದ ಬೇಸರಗೊಂಡ ಆಕೆ ಬಾಲಿವುಡ್​ಗೆ ಬೈ ಹೇಳಿ, ಅಮೆರಿಕಕ್ಕೆ ತೆರಳಿ ವಿದ್ಯಾಭ್ಯಾಸ ಮುಂದುವರಿಸಿದರು.

ನಾನು ಸಿನಿಮಾ ಕ್ಷೇತ್ರಕ್ಕೆ ಒಗ್ಗುವವಳೇ ಅಲ್ಲ. ಸಲ್ಮಾನ್​ಗಾಗಿ ನಾನು ಅಲ್ಲಿ ಬರಬೇಕಾಯಿತಷ್ಟೇ ಎಂದು ಆಕೆ ಇತ್ತೀಚೆಗೆ ಹೇಳಿಕೊಂಡಿದ್ದಾರೆ.(ಏಜೆನ್ಸೀಸ್​)

https://www.vijayavani.net/stormy-daniels-reveals-secreat-about-trump/

https://www.vijayavani.net/couple-jumps-to-narmada-river/