ಮತ್ತಷ್ಟು ರೋಮಾಂಚಕ ಫೋಟೋಗಳು: 'ಮೆಹೆಂದಿ'ಯಲ್ಲಿ ಮೂಡಿಬಂದ 'ವಿಕತ್ರಿನಾ' ಕೆಮಿಸ್ಟ್ರಿ!

ಮುಂಬೈ: ಬಾಲಿವುಡ್​ನ ಹಾಟ್​ ಕಪಲ್​ 'ವಿಕತ್ರಿನಾ' ಇಂದು ತಮ್ಮ ಮದುವೆಯ ಮತ್ತಷ್ಟು ರಸಮಯ ಚಿತ್ರಗಳನ್ನು ಬಿಡುಗಡೆ ಮಾಡಿದ್ದಾರೆ. ಅಗ್ನಿಯ ಸುತ್ತಲ ಏಳು ಸುತ್ತುಗಳ ಚಿತ್ರಗಳಾದವು, ಅರಿಶಿನ ಶಾಸ್ತ್ರದ್ದಾದವು, ಇದೀಗ ಮೆಹೆಂದಿ ಸಮಾರಂಭದ ಸರದಿ. ವಿಕಿ ಕೌಶಲ್​ ಮತ್ತು ಕತ್ರೀನಾ ಕೈಫ್​ ಮೆಹೆಂದಿ ಸಮಾರಂಭದಲ್ಲಿ ಮನಬಿಚ್ಚಿ ನರ್ತಿಸಿರುವ ದೃಶ್ಯಗಳನ್ನು ತಂತಮ್ಮ ಇನ್​​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಕತ್ರಿನಾರ ಕೈಗಳಿಗೆ ಇಬ್ಬರು ಕಲಾವಿದರು ಮೆಹೆಂದಿ ಹಾಕುತ್ತಿರುವಾಗ ವಿಕಿ, ಅವರ ಕಾಲುಗಳ ಮೇಲೆ ಒರಗಿರುವುದು, ಮತ್ತೆ ನೃತ್ಯದ ನಡುವೆ ಕೈಯಲ್ಲಿ ಹೂವುಗಳನ್ನು ಹಿಡಿದು ಮಂಡಿಯೂರಿ ಬಾಲಿವುಡ್​ ಸ್ಟೈಲ್​ನಲ್ಲಿ ಕತ್ರಿನಾಗೆ ಪ್ರಪೋಸ್​ ಮಾಡುತ್ತಿರುವುದು, ಇಬ್ಬರೂ ಜೋಡಿಯಾಗಿ ಹಾಡಿಗೆ ಹೆಜ್ಜೆ ಹಾಕಿರುವುದು - ಹೀಗೆ ಹಲವಾರು ವಿಶೇಷ ಕ್ಷಣಗಳ ಆಕರ್ಷಕ ಚಿತ್ರಗಳನ್ನು ನಾವು ಕಾಣಬಹುದು. 'ವಿಕತ್ರಿನಾ'ರ ಕೆಮಿಸ್ಟ್ರಿ ಕಾಣುತ್ತಿರುವ ಈ ಚಿತ್ರಗಳು ಭಾರೀ ವೇಗದಲ್ಲಿ ವೈರಲ್ ಆಗುತ್ತಿವೆ.

ಇನ್ನು, ಕತ್ರಿನಾ, ವಿಕಿ ತಂದೆ ಹಾಗೂ ತಮ್ಮ ಮಾವ ಶಾಂ ಕೌಶಲ್​ರೊಂದಿಗೆ ಡ್ಯಾನ್ಸ್​​ ಮಾಡುತ್ತಿರುವುದು, ವಿಕಿ-ಕತ್ರಿನಾರನ್ನು ಸಂಬಂಧಿಕರು ಹೆಗಲುಗಳ ಮೇಲಕ್ಕೆತ್ತಿ ಕೂರಿಸಿಕೊಂಡಿರುವುದು, ವಿಕಿ ಸೋದರನೊಂದಿಗೆ ಬಾಂಗ್ರಾ ಮಾಡುತ್ತಿರುವುದು, ಸುಂದರವಾದ ಲೆಹಂಗಾ-ಚೋಲಿಯಲ್ಲಿ ಸಜ್ಜಾಗಿರುವ ಕತ್ರೀನಾ ಹೂನಗೆ ಸೂಸಿರುವುದು - ಹೀಗೆ ಇನ್ನೂ ಅನೇಕ ಚಿತ್ರಗಳು ಹೈಬಜೆಟ್​ ಸಿನಿಮಾ ದೃಶ್ಯಗಳಂತೆ ಗಮನ ಸೆಳೆದಿವೆ. (ಏಜೆನ್ಸೀಸ್)

https://www.vijayavani.net/decked-up-woman-serves-food-in-middle-of-night-gets-praises/

https://www.vijayavani.net/see-vicky-katrinas-haldi-ceremony-pictures/