ಸಾಫ್ಟ್​ವೇರ್​ ಹುಡುಗನ ರಾಯಲ್​ ಮೆಕ್ : ಐಟಿ ಉದ್ಯೋಗಿಗಳ ಕಥೆ-ವ್ಯಥೆ

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು:

ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಸಾಫ್ಟ್​ವೇರ್​ ಉದ್ಯೋಗದಲ್ಲಿ ಭದ್ರಾವತಿ ಮೂಲದ ಧನುಷ್​, ಇದೀಗ ನಾಯಕನಾಗಿ ಸ್ಯಾಂಡಲ್​ವುಡ್​ ಡೆಬ್ಯೂ ಮಾಡಿದ್ದಾರೆ. ಚಿತ್ರದ ಹೆಸರು "ರಾಯಲ್​ ಮೆಕ್​'. ಅದಕ್ಕೆ "ಲೈಫ್​ ಅಂದ್ಕೊಂಡಷ್ಟು ರಾಯಲ್​ ಅಲ್ಲ' ಎಂಬ ಅಡಿಬರಹವಿದೆ. ನಟಿ ರೇಖಾ ದಾಸ್​ ಅವರ ಬಳಿ ಅಭಿನಯದ ತರಬೇತಿ ಪಡೆದು, ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿರುವ ಧನುಷ್​ ನಾಯಕನಾಗಿಯೂ ನಟಿಸಿದ್ದಾರೆ. ಚಿತ್ರಕ್ಕೆ ನಾಗಭೂಷಣ್​ ಜೆ.ಎಚ್​.ಎಂ ಮತ್ತು ಡಾ. ಜಯದೇವ ಹಾಸನ್​ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ.

ಇದನ್ನೂ ಓದಿ : ಬಾಕ್ಸ್​ ಆಫೀಸ್​ನಲ್ಲಿ ಘರ್ಜಿಸಿದ ‘ಗದರ್​ 2’; ಒಟ್ಟು ಕಲೆಕ್ಷನ್​ ಎಷ್ಟು ಗೊತ್ತಾ?

ಇತ್ತೀಚೆಗಷ್ಟೆ ಚಿತ್ರದ ಟ್ರೇಲರ್​ ಮತ್ತು ಹಾಡುಗಳನ್ನು ರಿಲೀಸ್​ ಮಾಡಲಾಯಿತು. ಮಾಜಿ ಸಚಿವ ರೇಣುಕಾಚಾರ್ಯ ಮತ್ತು ರೇಖಾ ದಾಸ್​ ಆಗಮಿಸಿ ಚಿತ್ರತಂಡಕ್ಕೆ ಶುಭಹಾರೈಸಿದರು. "ಹಲವು ತೊಂದರೆಗಳನ್ನು ಎದುರಿಸುವ ಇಂಜಿನಿಯರ್​ ಒಬ್ಬ ುಡ್​ ಡೆಲಿವರಿ ಬಾಯ್​ಆಗಿ ಕೆಲಸ ಮಾಡುತ್ತಿರುತ್ತಾನೆ. ಆದರೆ, ಏನಾದರೂ ಸಾಧಿಸುವ ಛಲದೊಂದಿಗೆ ಮುನ್ನಡೆಯುವ ಆತ, ಯಶಸ್ಸು ಗಳಿಸುತ್ತಾನಾ? ಎಂಬುದೇ ಚಿತ್ರದ ಕಥೆ' ಎಂದು ಮಾಹಿತಿ ನೀಡುತ್ತಾರೆ ಧನುಷ್​.

ಇದನ್ನೂ ಓದಿ : ಮೊಣಕಾಲು ಶಸ್ತ್ರಚಿಕಿತ್ಸೆಗೆ ಒಳಗಾದ ನಟ ಮೆಗಾಸ್ಟಾರ್​ ಚಿರಂಜೀವಿ!

ಧನುಷ್​ಗೆ ಇಬ್ಬರು ನಾಯಕಿಯರಿದ್ದು ಶ್ರಾವ್ಯಾ ರಾವ್​, ಗೌತಮಿ ಜಯರಾಂ ನಟಿಸಿದ್ದಾರೆ. ನಿರ್ದೇಶಕನ ಪಾತ್ರದಲ್ಲಿ ರಾವೇಂದ್ರ ರಾಜಕುಮಾರ್​ ಸೇರಿ ರಮೇಶ್​ ಭಟ್​, ವಿನಯ ಪ್ರಸಾದ್​, ನೀನಾಸಂ ಅಶ್ವತ್ಥ್​, ಕುರಿ ಪ್ರತಾಪ್​, ಪವನ್​ ಕುಮಾರ್​, ರೇಖಾದಾಸ್​ ತಾರಾಗಣದಲ್ಲಿದ್ದಾರೆ. ಸೆಪ್ಟೆಂಬರ್​ನಲ್ಲಿ ಸಿನಿಮಾ ರಿಲೀಸ್​ ಮಾಡುವ ಆಲೋಚನೆ ಚಿತ್ರತಂಡದ್ದು.

https://www.vijayavani.net/actor-nagabhushan-speaks-about-tagarupalya-movie