‘ನನ್ನ ಸಿನಿಮಾ ಕೆರಿಯರ್ ಡೆಡ್ ಎಂಡ್ನಲ್ಲಿತ್ತು. ಇತ್ತ ಆರೇಳು ವರ್ಷದ ಪ್ರೀತಿ. ಅವಳಿಗೋಸ್ಕರವಾದ್ರೂ ಏನಾದರೂ ಮಾಡಬೇಕೆಂದು ನಿರ್ಧರಿಸಿದಾಗ, ‘ಲವ್ ಮಾಕ್ಟೇಲ್’ ಶುರುವಾಯಿತು. ಅಪ್ಪನ ಹತ್ತಿರ 4 ಲಕ್ಷ ಸಾಲ ಪಡೆದೆ. ಮಿಲನಾ ಸಹ ಜತೆಗೆ ನಿಂತಳು. ಕಡಿಮೆ ಖರ್ಚಿನಲ್ಲಿ ಸಿನಿಮಾ ಮಾಡಬೇಕಿತ್ತು. ನಾನೇ ನಿರ್ದೇಶಕ, ಕೊನೆಗೆ ನಾನೇ ಸ್ಟಂಟ್ ಮಾಸ್ಟರ್ ಆಗಿ ಕೆಲಸ ಮಾಡಿದೆ. ಸಿನಿಮಾ ಬಿಡುಗಡೆ ಆಯಿತು. ಚೆನ್ನಾಗಿದ್ದರೂ, ಚಿತ್ರಮಂದಿರಲಲ್ಲಿ ನಿಲ್ಲಲಿಲ್ಲ. ಆತ್ಮಹತ್ಯೆಗೆ ನಿರ್ಧರಿಸಿದೆ. ಆಗ ಮಿಲನಾ ಮುಖ ಕಣ್ಮುಂದೆ ಬಂದಿತು. ದೇವರಿಗೇ ಚಾಲೆಂಜ್ ಹಾಕಿ ಕೊನೆಗೆ ಗೆಲುವು ದಕ್ಕಿಸಿಕೊಂಡೆ ...’ ಹೀಗೆ ಹಳೆಯ ಕಥೆಯನ್ನು ಹೇಳಿದ ಕೃಷ್ಣ, ಹೊಸ ‘ಮಾಕ್ಟೇಲ್’ ಪ್ರೇಕ್ಷಕರಿಗೆ ಮನರಂಜನೆಯಲ್ಲಿ ಮೋಸ ಮಾಡುವುದಿಲ್ಲ ಎಂದರು.
