'ರಾಣ', 'ದಿಲ್​ ಪಸಂದ್​' ... ಈ ವಾರ ಆರು ಚಿತ್ರಗಳ ಬಿಡುಗಡೆ

ಬೆಂಗಳೂರು: ನವೆಂಬರ್​ ತಿಂಗಳು ಕನ್ನಡ ಚಿತ್ರರಂಗದ ಪಾಲಿಗೆ ವಿಶೇಷವಾದ ತಿಂಗಳು ಎಂದರೆ ತಪ್ಪಿಲ್ಲ. ಇದೊಂದೇ ತಿಂಗಳು 20ಕ್ಕೂ ಹೆಚ್ಚು ಚಿತ್ರಗಳು ಬಿಡುಗಡೆಗೆ ಸಜ್ಜಾಗುತ್ತಿರುವ ವಿಷಯ ಗೊತ್ತೇ ಇದೆ. ಅದರಲ್ಲಿ ಇದೊಂದೇ ವಾರ ಆರು ಕನ್ನಡ ಚಿತ್ರಗಳು ಮತ್ತು ಒಂದು ಡಬ್ಬಿಂಗ್​ ಚಿತ್ರ ಬಿಡುಗಡೆಯಾಗುವುದಕ್ಕೆ ತಯಾರಿ ನಡೆಸಿದೆ. ಇದೆಲ್ಲದರ ಜತೆಗೆ ಒಂದು ಹಳೆಯ ಚಿತ್ರ ಸಹ ಬಿಡುಗಡೆಯಾಗುತ್ತಿದೆ.

ಇದನ್ನೂ ಓದಿ: ವಿಶಾಲ ಕಾಶಿ; ಪುಣ್ಯಸ್ಥಳಕ್ಕೆ ಭೇಟಿ ನೀಡಿದ ತಮಿಳು ನಟ

ಅಂದಹಾಗೆ, ಈ ವಾರ ಕೃಷ್ಣ, ನಿಶ್ವಿಕಾ ನಾಯ್ಡು ಮತ್ತು ಮೇಘನಾ ಶೆಟ್ಟಿ ಅಭಿನಯದ 'ದಿಲ್​ ಪಸಂದ್​', ಶ್ರೇಯಸ್​ ಮಂಜು ಮತ್ತು ರಿಷಿಕಾ ನಾಣಯ್ಯ ಅಭಿನಯದ 'ರಾಣ', ಮಿಲನಾ ನಾಗರಾಜ್​ ಮತ್ತು ಅಮೃತಾ ಅಯ್ಯಂಗಾರ್​ ಅಭಿನಯದ 'ಓ', ಹೊಸಬರ 'ಎಲ್ಲೋ ಗ್ಯಾಂಗ್​', 'ಹುಬ್ಬಳ್ಳಿ ಡಾಬಾ' ಮತ್ತು 'ದಿ ಫಿಲಂಮೇಕರ್​' ಎಂಬ ಚಿತ್ರಗಳು ಬಿಡುಗಡೆಯಾಗುತ್ತಿವೆ. ಈ ನಾಲ್ಕೂ ಚಿತ್ರಗಳು ವಿಭಿನ್ನ ಜಾನರ್​ಗಳಿಗೆ ಸೇರಿದೆ ಸಿನಿಮಾಗಳಾಗಿವೆ.

ಸಮಂತಾ ಅಭಿನಯದ 'ಯಶೋದ' ಎಂಬ ತೆಲುಗು ಚಿತ್ರವು ಕನ್ನಡಕ್ಕೆ ಡಬ್​ ಆಗಿ ಬಿಡುಗಡೆಯಾಗುತ್ತಿದೆ. ಬರೀ ಕನ್ನಡವಷ್ಟೇ ಅಲ್ಲ, ಈ ಚಿತ್ರವು ತಮಿಳು, ಹಿಂದಿ ಮತ್ತು ಮಲಯಾಳಂನಲ್ಲೂ ಏಕಕಾಲಕ್ಕೆ ಬಡುಗಡೆಯಾಗುತ್ತಿರುವ ಪ್ಯಾನ್​ ಇಂಡಿಯಾ ಚಿತ್ರವಾಗಿದೆ.

ಇದನ್ನೂ ಓದಿ: ‘ಗಂಧದಗುಡಿ’ಯಿಂದ ಸಿಹಿಸುದ್ದಿ: ಪುನೀತ್ ಮಹತ್ವಾಕಾಂಕ್ಷೆಯ ಸಿನಿಮಾ ಟಿಕೆಟ್​ ದರದಲ್ಲಿ ಭಾರಿ ಇಳಿಕೆ!

ಇದಲ್ಲದೆ, ಈ ವಾರ ಡಾ. ರಾಜಕುಮಾರ್​ ಅವರ ಸೂಪರ್​ ಹಿಟ್​ ಚಿತ್ರವಾದ 'ಭಾಗ್ಯವಂತರು' ಹೊಸ ತಂತ್ರಜ್ನಾನದೊಂದಿಗೆ ಬಿಡುಗಡೆಯಾಗುತ್ತಿದೆ. ಈ ಚಿತ್ರವನ್ನು ವಿತರಕ ಮುನಿರಾಜು ಕಳೆದ ವರ್ಷವೇ ಬಿಡುಗಡೆ ಮಾಡುವುದಕ್ಕೆ ಮುಂದಾಗಿದ್ದರು. ಆದರೆ, ಸ್ವಲ್ಪ ತಡವಾಗಿ ಈ ವಾರ ಬಿಡುಗಡೆಯಾಗುತ್ತಿದೆ.

https://www.vijayavani.net/vijayananda-to-release-on-9th-december/