ಈ ಕುರಿತು 'ವಿಜಯವಾಣಿ' ಜತೆಗೆ ಮಾತನಾಡಿದ ಶ್ರೇಯಸ್. 'ಕರೊನಾ ಸಮಯದಲ್ಲಿ ಸುಮ್ಮನೆ ಮನೆಯಲ್ಲಿ ಕುಳಿತಾಗ, ಕೆಲಸ ಎಷ್ಟು ಮುಖ್ಯ ಎಂದು ಗೊತ್ತಾಯಿತು. ಹಾಗಾಗಿ, ಇದೇ ನನ್ನ ಕೊನೆಯ ಚಿತ್ರ ಎಂಬಂತೆ ಕೆಲಸ ಮಾಡಿದ್ದೇನೆ. ಮೊದಲ ಚಿತ್ರ ಮಾಡಿದ್ದು ಅಷ್ಟು ಗೊತ್ತಾಗಲಿಲ್ಲ. ಬಹಳ ಸುಲಭವಾಗಿ ಆ ಚಿತ್ರ ಮುಗಿದು ಹೋಯ್ತು. ಅದಾಗಿ ಮೂರೂವರೆ ವರ್ಷಗಳ ನಂತರ ಇನ್ನೊಂದು ಚಿತ್ರದ ಬಿಡುಗಡೆಗಾಗಿ ಕಾದಿದ್ದೇನೆ. ಚಿತ್ರಮಂದಿರದ ಎದುರು ನನ್ನ ಕಟೌಟ್ ಯಾವಾಗ ನಿಲ್ಲಿಸಲಾಗುತ್ತದೆ ಎಂದು ಕಾಯುತ್ತಿದ್ದೇನೆ. ಮುಂಚೆ ನನಗೆ ಇದರ ಮಹತ್ವ ಗೊತ್ತಾಗುತ್ತಿರಲಿಲ್ಲ. ಆದರೆ, ಕರೊನಾ ಮತ್ತು ಮೂರೂವರೆ ವರ್ಷಗಳ ಗ್ಯಾಪ್ನಿಂದಾಗಿ ಸಮಯ, ಕೆಲಸ ಮತ್ತು ಕಟೌಟ್ನ ಬೆಲೆ ಅರ್ಥವಾಗಿದೆ' ಎನ್ನುತ್ತಾರೆ ಶ್ರೇಯಸ್.
