ಬಿಡುಗಡೆಗೆ ಸಾಲುಸಾಲು ಚಿತ್ರಗಳು: ‘100’ ಚಿತ್ರದಿಂದ ಪ್ರಾರಂಭಿಸಿ, ರಚಿತಾ ಅಭಿನಯದ ಸಾಕಷ್ಟು ಚಿತ್ರಗಳು ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿವೆ. ‘ಲಾಕ್ಡೌನ್ ಮುಂಚೆ ಕೆಲವು ಚಿತ್ರಗಳನ್ನು ಒಪ್ಪಿದ್ದೆ. ಎರಡು ವರ್ಷಗಳ ಕಾಲ ಯಾವ ಚಿತ್ರವೂ ಬಿಡುಗಡೆಯಾಗದ ಕಾರಣ, ಅವೆಲ್ಲ ಈಗ ಒಂದರ ಹಿಂದೊಂದು ಬಿಡುಗಡೆಯಾಗುತ್ತಿವುದರಿಂದ ಸಿಕ್ಕಾಪಟ್ಟೆ ಚಿತ್ರಗಳನ್ನು ಮಾಡುತ್ತಿದ್ದೇನೆ ಎಂದನಿಸುತ್ತದೆ. ನನಗೆ ವಿಭಿನ್ನ ಪಾತ್ರಗಳನ್ನು, ಪ್ರಯೋಗಗಳನ್ನು ಮಾಡುವಾಸೆ. ಅದೇ ಕಾರಣಕ್ಕೆ, ಒಳ್ಳೆಯ ಪಾತ್ರ ಮತ್ತು ಚಿತ್ರ ಬಂದರೆ ತಕ್ಷಣ ಒಪ್ಪಿಕೊಳ್ಳುತ್ತೇನೆ. ಮಿಸ್ ಆದರೆ, ಬೇರೆಯವರಿಗೆ ಹೊರಟುಹೋಗುತ್ತದೆ ಎಂಬ ಸ್ವಾರ್ಥ. ಅವಕಾಶ ಸಿಕ್ಕಿದಾಗ, ಯಾಕೆ ಮಾಡಬಾರದು ಎಂದು ಒಪ್ಪಿಕೊಳ್ಳುತ್ತೇನೆ’ ಎನ್ನುತ್ತಾರೆ ರಚಿತಾ ರಾಮ್.
