ಗಣರಾಜ್ಯೋತ್ಸವದಂದು ಶಕ್ತಿಧಾಮ ಮಕ್ಕಳ ಜೊತೆ ಸ್ಕೂಲ್ ಬಸ್​ನಲ್ಲಿ ಜಾಲಿ ರೈಡ್! ಶಿವಣ್ಣ ವಿಡಿಯೋ ವೈರಲ್...

ಇಂದು ದೇಶದಲ್ಲಿ 73ನೇ ಗಣರಾಜ್ಯೋತ್ಸವವನ್ನು ಆಚರಣೆ ಮಾಡಲಾಗುತ್ತದೆ. ಹೌದು, ಧ್ವಜಾರೋಹಣ ಮಾಡಿ, ರಾಷ್ಟ್ರ ಗೀತೆ ಹಾಡಿ, ಎಲ್ಲಾ ರಾಜ್ಯಗಳ ಕಲೆಯನ್ನು ಗೌರವಿಸಿ, ದೇಶಕ್ಕಾಗಿ ಶ್ರಮಿಸಿದ ಎಲ್ಲರನ್ನೂ ಸ್ಮರಿಸುವ ದಿನ ಇದಾಗಿದೆ. ಹಾಗಾಗಿ, ಈ ಸಂದರ್ಭದಲ್ಲಿ ಸೆಂಚುರಿ ಸ್ಟಾರ್ ನಟ ಶಿವರಾಜ್​ಕುಮಾರ್​ ಅವರು ಮೈಸೂರಿನ ಶಕ್ತಿಧಾಮದಲ್ಲಿ ಪತ್ನಿ ಗೀತಾ ಶಿವರಾಜ್​ಕುಮಾರ್ ಜೊತೆ ಸೇರಿ ಧ್ವಜಾರೋಹಣ ಮಾಡಿದ್ದಾರೆ.

ಈ ಸಮಯದಲ್ಲಿ ಧ್ವಜಾರೋಹಣಕ್ಕೆ ನಟ ಗುರುದತ್, ಶಕ್ತಿಧಾಮ ಆಶ್ರಮದ ಮಕ್ಕಳು ಹಾಗೂ ಸಿಬ್ಬಂದಿ ಭಾಗಿಯಾಗಿದ್ದರು. ಬಳಿಕ, ಶಿವಣ್ಣ ಅನಾಥ ಮಕ್ಕಳಿಗೆ ಸಿಹಿ ಹಂಚಿದರು. ನಂತರ ಮಕ್ಕಳ ಜೊತೆ ಒಂದಷ್ಟು ಹೊತ್ತು ಕಾಲ ಕಳೆದಿದ್ದಾರೆ ಶಿವಣ್ಣ, ಗೀತಾ ಶಿವರಾಜ್​ಕುಮಾರ್. ತಮ್ಮ ಸಿನಿಮಾಗಳ ಶೂಟಿಂಗ್ ಕೆಲಸದಲ್ಲಿ ಬ್ಯೂಸಿ ಇದ್ದರು, ಇಂದು ಗಣರಾಜ್ಯೋತ್ಸವದ ಪ್ರಯುಕ್ತ ಬಿಡುವು ಮಾಡಿಕೊಂಡು ಆಶ್ರಮದ ಮಕ್ಕಳಿಗಾಗಿ ಈ ದಿನವನ್ನು ಮೀಸಲಿಟ್ಟರು ಶಿವಣ್ಣ.

ಇದಿಷ್ಟೇ ಅಲ್ಲದೇ, ಆಶ್ರಮದ ಮಕ್ಕಳ ಜೊತೆ ಶಿವಣ್ಣ ಸ್ಕೂಲ್ ಬಸ್​​ ಅನ್ನು ಸ್ವತಃ ಅವರೇ ಡ್ರೈವ್ ಮಾಡುವ ಮೂಲಕ ಮಕ್ಕಳ ಆಸೆಯನ್ನ ಪೂರೈಸಿದ್ದಾರೆ. ಶಿವಣ್ಣ ಮತ್ತು ಮಕ್ಕಳ ಈ ಜಾಲಿ ರೈಡ್​ನ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಇಂದು ಶಿವಣ್ಣನ ಅವರ ಜೊತೆ ಬೆರೆತ ಶಕ್ತಿಧಾಮದ ಮಕ್ಕಳು ಕೂಡ ಖುಷಿಖುಷಿಯಾಗಿ ಕಾಲ ಕಳೆದರು. 

https://www.vijayavani.net/james-team-releases-special-poster-of-puneeth-rajkumar-on-the-occasion-of-republic-day-2022/

https://www.vijayavani.net/famous-writer-taslima-nasreen-strongly-opposes-surrogacy-parenthood-of-celebrities/