ಈ ಚಿತ್ರವು ‘ಶಿವಾಜಿ ಸುರತ್ಕಲ್’ನ ಮುಂದುವರೆದ ಭಾಗವಾಗಲಿದೆ ಎನ್ನುತ್ತಾರೆ ಆಕಾಶ್. ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ‘ಅದು ಎರಡು ಕಾಲಘಟ್ಟದಲ್ಲಿ ನಡೆಯುವ ಕಥೆಯಾಗಿತ್ತು. ಇಲ್ಲಿ ಮೂರು ಬೇರೆ ಕಾಲಘಟ್ಟಗಳಿವೆ. ಶಿವಾಜಿಗೆ ಇನ್ನೊಂದು ರೋಚಕ ಕೇಸ್ ಎದುರಾಗಲಿದ್ದು, ಅದನ್ನು ಹೇಗೆ ಬಗೆಹರಿಸುತ್ತಾರೆ ಎಂಬುದೇ ಹೈಲೈಟ್. ಜತೆಗೆ, ಶಿವಾಜಿ ಸುರತ್ಕಲ್ ಎಂಬ ಹೆಸರಿನ ಬಗ್ಗೆ ಸಾಕಷ್ಟು ಪ್ರಶ್ನೆಗಳು ಕೇಳಿಬಂದಿದ್ದವು. ಅವಕ್ಕೆಲ್ಲ ಈ ಚಿತ್ರದಲ್ಲಿ ಉತ್ತರ ಸಿಗಲಿದೆ. ಜತೆಗೆ ’ ಎನ್ನುತ್ತಾರೆ ಆಕಾಶ್. ಮೊದಲ ಚಿತ್ರ ಮಾಡಿದ ತಂಡವೇ ಈ ಚಿತ್ರವನ್ನೂ ಮುಂದುವರೆಸುತ್ತಿದೆ. ರೇಖಾ ಕೆ.ಎನ್ ಹಾಗೂ ಅನೂಪ್ ನಿರ್ವಿುಸಿದರೆ, ಆಕಾಶ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿದ್ದಾರೆ. ಗುರುಪ್ರಸಾದ್ ಇಲ್ಲೂ ಛಾಯಾಗ್ರಹಣದ ಜವಾಬ್ದಾರಿ ಹೊತ್ತಿದ್ದು, ರಮೇಶ್ ಅಲ್ಲದೆ ಆ ಚಿತ್ರದಲ್ಲಿ ನಟಿಸಿದ್ದ ರಾಧಿಕಾ ನಾರಾಯಣ್, ರಘು ರಾಮನಕೊಪ್ಪ ಮತ್ತು ವಿದ್ಯಾಮೂರ್ತಿ ಇಲ್ಲೂ ಮುಂದುವರೆಯಲಿದ್ದಾರೆ.
