ಶಿಲ್ಪ ಶೆಟ್ಟಿ ಕುಟುಂಬಕ್ಕೆ ಹೊಸ ಸದಸ್ಯೆ ಸೇರ್ಪಡೆ: ವಿಶೇಷವಾಗಿದೆ ಆಕೆಯ ಹೆಸರು

ಮುಂಬೈ: ಬಾಲಿವುಡ್​ನ ಹೆಸರಾಂತ ನಟಿ ಶಿಲ್ಪಾ ಶೆಟ್ಟಿ ದಂಪತಿ ಹೆಣ್ಣು ಮಗುವಿನ ಪೋಷಕರಾಗಿದ್ದಾರೆ. ಈ ಸಂತಸವನ್ನು ನಟಿ ತಮ್ಮ ಇನ್​ಸ್ಟಾಗ್ರಾಂ​ನಲ್ಲಿ ಹಂಚಿಕೊಂಡಿದ್ದಾರೆ.

ನಟಿ ಶಿಲ್ಪಾ ಶೆಟ್ಟಿಯ ಪತಿ ರಾಜ್​ ಕುಂದ್ರಾ ದಂಪತಿಗೆ ಫೆ.15ರಂದು ಹೆಣ್ಣು ಮಗು ಹುಟ್ಟಿದೆ. ಸರೋಗಸಿ ಮೂಲಕ ಹುಟ್ಟಿರುವ ಈ ಮಗುವಿಗೆ ವಿಶೇಷವಾದ ಹೆಸರನ್ನಿಡಲಾಗಿದೆ. ಸಮಿಷಾ ಎನ್ನುವ ವಿಶೇಷವಾದ ಹೆಸರನ್ನಿಡಲಾಗಿದ್ದು ಅದರ ವಿಶೇಷತೆಯನ್ನೂ ಸಹ ನಟಿ ಹಂಚಿಕೊಂಡಿದ್ದಾರೆ.

ಸ ಎಂದರೆ ಸಂಸ್ಕೃತದಲ್ಲಿ ಹೊಂದುವುದು ಎಂದರ್ಥ, ಹಾಗೆಯೇ ಮಿಷಾ ಎಂದರೆ ರಷ್ಯನ್​ ಭಾಷೆಯಲ್ಲಿ ದೇವರಂತವರು ಎಂದರ್ಥ. ಎಂದರೆ ನಮ್ಮನೆಗೆ ಲಕ್ಷ್ಮಿ ದೇವರೇ ಈ ಹೆಣ್ಣು ಮಗುವಿನ ರೂಪದಲ್ಲಿ ಬಂದಿದ್ದಾರೆಂದು ಅರ್ಥ ಎಂದು ನಟಿ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ.

2009ರಲ್ಲಿ ರಾಜ್​ ಕುಂದ್ರಾ ಜತೆ ದಾಂಪತ್ಯ ಜೀವನವನ್ನು ಆರಂಭಿಸಿದ ನಟಿಗೆ ವಿಯಾನ್​ ಹೆಸರಿನ ಮಗನಿದ್ದಾನೆ. 13 ವರ್ಷಗಳ ಕಾಲ ಸಿನಿಮಾ ರಂಗದಿಂದ ಹೊರಗುಳಿದಿದ್ದ ನಟಿ ಸಬ್ಬೀರ್​ ಖಾನ್​ ಅವರ ನಿಕಮ್ಮ ಚಿತ್ರದೊಂದಿಗೆ ಬಾಲಿವುಡ್​ಗೆ ಮರಳುತ್ತಿದ್ದಾರೆ. ಅಭಿಮನ್ಯು ದಸ್ಸಾನಿ ಮತ್ತು ಯೂಟ್ಯೂಬ್​ ಸ್ಟಾರ್​ ಶೆರ್ಲಿ ಸೆಟಿಯಾ ನಟಿಸಿರುವ ಈ ಚಿತ್ರ ಇದೇ ಜೂನ್​ ತಿಂಗಳಿನಲ್ಲಿ ಬಿಡುಗಡೆಯಾಗಲಿದೆ. (ಪಿಟಿಐ)