ಆಗಲೇ ಐಶ್ವರ್ಯಾ ಬಗ್ಗೆ ಕೆಲವು ಮಾತುಗಳನ್ನಾಡಿದ್ದರಂತೆ ಸಂಜಯ್. ಆಕೆ ಚಿತ್ರರಂಗಕ್ಕೆ ಬರಬಾರದು ಎಂದು ಆಸೆಪಟ್ಟಿದ್ದರಂತೆ. ‘ಈ ಗ್ಲಾಮರ್ ಲೋಕ ಎಲ್ಲರನ್ನೂ ಬದಲಾಯಿಸಿ ಬಿಡುತ್ತದೆ.ಮುಗ್ಧತೆಯನ್ನು ಹಾಳು ಮಾಡಿಬಿಡುತ್ತದೆ. ಒಳ್ಳೆಯತನ ಹೊರಟುಹೋಗುತ್ತದೆ. ಏಕೆಂದರೆ, ಒಮ್ಮೆ ಇಲ್ಲಿ ಕಾಲಿಟ್ಟ ನಂತರ, ನಾನು ಅವರಿಗಿಂಥ ಚೆನ್ನಾಗಿ ಕಾಣಿಸಿಕೊಳ್ಳಬೇಕು, ಚೆನ್ನಾಗಿ ನಟಿಸಬೇಕು, ಇನ್ನಷ್ಟು ಮೇಲೆ ಹೋಗಬೇಕು ಎಂದು ಸ್ಪರ್ಧೆ ಶುರುವಾಗಿಬಿಡುತ್ತದೆ. ಎರಡು ಹೆಜ್ಜೆ ಮುಂದಿಟ್ಟರೆ, ಐದು ಹೆಜ್ಜೆ ಹಿಂದೆ ಇಡುವಷ್ಟು ಜನ ಕಾಲೆಳೆಯುತ್ತಾರೆ. ಆಗ ಮನಸ್ಸು ಕಲ್ಲಾಗಿ, ಒಳ್ಳೆಯ ಗುಣಗಳೆಲ್ಲಾ ನಾಶವಾಗುತ್ತವೆ. ಹಾಗಾಗಿ ಐಶ್ವರ್ಯರಂಥವರು ಚಿತ್ರರಂಗಕ್ಕೆ ಬರಬಾರದು ಎಂದು ಹೇಳಿದ್ದೆ’ ಎಂದು ಸಂದರ್ಶನದಲ್ಲಿ ನೆನಪಿಸಿಕೊಂಡಿದ್ದಾರೆ ಸಂಜಯ್.
