'ಮಾ ಇಂಟಿ ಬಂಗಾರಂ' ರಿಲೀಸ್​​ಗೂ ಮುನ್ನ ಸ್ಯಾಮ್​ ಟೆಂಪಲ್​ ರನ್​; ಪತಿ, ಸಿನಿ ತಂಡದ ಜೊತೆ ತಿರುಪತಿ ತಿಮ್ಮಪ್ಪನ ದರ್ಶನ..Samantha

ಇಂದು(ಜೂ.18) ಮಾ ಇಂಟಿ ಬಂಗಾರಂ ಸಿನಿಮಾ ರಿಲೀಸ್​ಗೂ ಮುನ್ನ ತಿರುಮಲ ತಿರುಪತಿಯ ದರ್ಶನ ಪಡೆದುಕೊಂಡಿದ್ದಾರೆ. ಅವರು ನಿರ್ದೇಶಕ ರಾಜ್​ ನಿಡಿಮೋರು, ಮಾ ಇಂಟಿ ಬಂಗಾರಂ ಸಿನಿಮಾದ ನಿರ್ದೇಶಕಿ ನಂದಿನಿ ರೆಡ್ಡಿ, ಸಮಂತಾ, ನಟಿ ಶ್ರೀ ಮುಖಿ ಕಾಣಿಸಿಕೊಂಡಿದ್ದಾರೆ.

ನಂದಿನಿ ರೆಡ್ಡಿ ಅವರು ನಿರ್ದೇಶಿಸಿರುವ ಈ ಸಿನಿಮಾದಲ್ಲಿ ಸಮಂತಾ ಅವರನ್ನು ಒಳ್ಳೆಯ ಫೈಟರ್​ ಆಗಿ ತೋರಿಸಿದ್ದಾರೆ. ಮೊದಲು ಈ ಸಿನಿಮಾ ಸ್ಪೈ ಕತೆಯನ್ನಾಧರಿಸಿದ್ದು ಎನ್ನಲಾಗಿತ್ತು. ಆದರೆ, ನಿರ್ದೇಶಕಿ ಸ್ಪಷ್ಟನೆ ಕೊಟ್ಟಿದ್ದು, ಇದು ಒಬ್ಬ ಮಹಿಳೆ ತನ್ನ ಕುಟುಂಬ ಎಂದು ಬಂದಾಗ ಎಷ್ಟೆಲ್ಲ ರಕ್ಷಣೆಗೆ ನಿಲ್ಲುತ್ತಾಳೆ ಎನ್ನುವುದು ಕತೆಯಹಂದರ ಎನ್ನಲಾಗಿದೆ.

ಇದೊಂದು ಸಸ್ಪೆನ್ಸ್​ ಥ್ರಿಲ್ಲರ್​, ಕಾಮಿಡಿ ಎಂಟರ್​ಟೇನ್​ಮೆಂಟ್​ ಸಿನಿಮಾವಾಗಿದೆ. ಕಥಾ ನಾಯಕಿ ತನ್ನ ಹಿಂದಿನ ದಿನಗಳ ರಹಸ್ಯವನ್ನು ಬಚ್ಚಿಟ್ಟು, ಹೊಸಜೀವನವನ್ನು ಆರಂಭಿಸುತ್ತಾರೆ. ಸಾಧಾರಣ ಗೃಹಿಣಿಯಾಗಿ ಬದುಕುವ ಹೊತ್ತಲ್ಲಿ ಎದುರಾಗುವ ಸವಾಲು, ಕುಟುಂಬದ ರಕ್ಷಣೆ ಹೇಗೆ ಮಾಡುತ್ತಾಳೆ ಎನ್ನುವುದು ಇದರ ಕತೆಯಾಗಿದೆ.

ಸಿನಿಮಾದಲ್ಲಿ ಸಮಂತಾ ಅವರು ನಟಿಸಿದ್ದಾರೆ. ನಾಯಕ ಕನ್ನಡದ ದೂದ್​ಪೇಡ ದಿಗಂತ್​ ಅವರು ನಟಿಸಿದ್ದಾರೆ. ಗೌತಮಿ, ಶ್ರೀಮುಖಿ, ಗುಲ್ಶನ್​ ದೇವಯ್ಯ ಸೇರಿದಂತೆ ಹೆಸರಾಂತ ನಟರು ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ. ಸಿನಿಮಾ ರಿಲೀಸ್​​ಗೂ ಮುನ್ನವೇ ಮಲಯಾಳಮ ನಟಿ ಪಾರ್ವತಿ ಸೇರಿದಂತೆ ಟಾಲಿವುಡ್​, ಕಾಲಿವುಡ್​ ನಟ ನಟಿಯರು ಶುಭಾಷಯ ಕೋರಿದ್ದಾರೆ.

ಈ ಸಿನಿಮಾವನ್ನು ಸಾಯಿಪಲ್ಲವಿ ಅವರನ್ನು ಮನಸ್ಸಿನಲ್ಲಿಟ್ಟುಕೊಂಡು ಕತೆ ಬರೆಯಲಾಗಿತ್ತು. ಆದರೆ, ಕಾರಣಾಣತರಗಳಿಂದ ಸಿನಿಮಾದಲ್ಲಿ ಸಾಯಿಪಲ್ಲವಿ ನಟಿಸಲಾಗಲಿಲ್ಲ ಎಂದು ಸಮಂತಾ ಅವರು ಹೇಳಿಕೊಂಡಿದ್ದರು. ಇದನ್ನು ಉಲ್ಲೇಖಿಸಿ ಸಾಯಿಪಲ್ಲವಿ ಅವರು ಪೋಸ್ಟ್​ ಹಂಚಿಕೊಂಡಿದ್ದರು ಶೀಘ್ರದಲ್ಲೇ ಒಟ್ಟಾಗಿ ಕೆಲಸ ಮಾಡೋಣ ಎಂದಿದ್ದರು. ಓ ಬೇಬಿ ಸಿನಿಮಾದ ನಂತರ ನಂದಿನಿ ರೆಡ್ಡಿಯವರ ಜೊತೆಗೆ ಸಮಂತಾ ಕೆಲಸ ಮಾಡಿರುವ ಎರಡನೇ ಸಿನಿಮಾ ಇದಾಗಿದೆ,(ಏಜೆನ್ಸೀಸ್).