ಮೊದಲು ಕನ್ನಡದಲ್ಲಿ ಬಿಡುಗಡೆಯಾಗಲಿ: ಇನ್ನು, ಪರಭಾಷೆಯ ಚಿತ್ರಗಳಿಂದ ಚಿತ್ರಮಂದಿರಕ್ಕೇನಾದರೂ ಸಮಸ್ಯೆ ಎದುರಾಗಿದೆಯಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ‘ಪರಭಾಷೆಗಳ ಪೈಪೋಟಿ ಇಂದು ನಿನ್ನೆಯದಲ್ಲ. ಬಹಳ ವರ್ಷಗಳಿಂದ ಎದುರಿಸುತ್ತಿದ್ದೇವೆ. ಈ ನಿಟ್ಟಿನಲ್ಲಿ ಚಿತ್ರರಂಗವಷ್ಟೇ ಅಲ್ಲ, ಸರ್ಕಾರ ಸಹ ಸಹಕಾರ ಕೊಡಬೇಕಾಗುತ್ತದೆ. ಯಾವುದೇ ಸಿನಿಮಾ ಬಂದರೂ ಮೊದಲು ಕನ್ನಡದಲ್ಲಿ ಬರಲಿ ಎಂಬುದು ನನ್ನ ಆಸೆ. ಮೊದಲು ಕನ್ನಡದಲ್ಲಿ ಡಬ್ ಮಾಡಿ ಬಿಡುಗಡೆ ಮಾಡಿ, ಆ ನಂತರ ಮೂಲ ಭಾಷೆಯ ಚಿತ್ರವನ್ನು ಬಿಡುಗಡೆ ಮಾಡಬೇಕು ಎಂಬುದು ನನ್ನ ಬೇಡಿಕೆ. ಈ ಕುರಿತು ಒಂದು ಕಾನೂನು ತರಬೇಕು’ ಎನ್ನುತ್ತಾರೆ ಗಣೇಶ್. ಗಣೇಶ್ ಜತೆಯಲ್ಲಿ ನಿರ್ದೇಶಕ ಸುನಿ, ನಾಯಕಿ ನಿಶ್ವಿಕಾ ನಾಯ್ಡು, ಕಾರ್ಯಕಾರಿ ನಿರ್ವಪಕ ಸುಪ್ರೀತ್ ಮುಂತಾದವರಿದ್ದು, ಎಲ್ಲರೂ ಚಿತ್ರ ಯಶಸ್ವಿಯಾಗಿ ಪ್ರದರ್ಶನವಾಗುತ್ತಿದೆ ಎಂದು ಖುಷಿ ವ್ಯಕ್ತಪಡಿಸಿದರು.
