ಸುಖಮಯ ವೈವಾಹಿಕ ಜೀವನಕ್ಕೆ ನಟ ರಿತೇಶ್​ ದೇಶ್​ಮುಖ್​ ಕೊಟ್ಟಿರುವ ಸಲಹೆ ಇದು

ನವದೆಹಲಿ: ಬಾಲಿವುಡ್​ ನಟಿ ಜೆನಿಲಿಯಾ ಡಿಸೋಜಾ ಅವರನ್ನು ಮದುವೆಯಾಗಿರುವ ನಟ ರಿತೇಶ್​ ದೇಶ್​ಮುಖ್​ ಲಾಕ್​ಡೌನ್​ ಅವಧಿಯಲ್ಲಿ ತಮ್ಮ ದಾಂಪತ್ಯದ ತಮಾಷೆಯ ಕ್ಷಣಗಳ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿ ಅಭಿಮಾನಿಗಳನ್ನು ಸಂತೈಸುತ್ತಿದ್ದಾರೆ.

ಇದೀಗ ಅವರು ಪ್ರತಿಯೊಬ್ಬರ ವೈವಾಹಿಕ ಜೀವನ ನೆಮ್ಮದಿ ಹಾಗೂ ಸುಖಮಯವಾಗಿ ಇರಬೇಕೆಂದರೆ ಏನು ಮಾಡಬೇಕು ಎಂಬ ಸಲಹೆಯೊಂದಿಗೆ ಸಣ್ಣದೊಂದು ವಿಡಿಯೋ ತುಣಕನ್ನು ಸಾಮಾಜಿಕ ಜಾಲತಾಣ ಇನ್​ಸ್ಟಾಗ್ರಾಂನಲ್ಲಿ ಹರಿಬಿಟ್ಟಿದ್ದಾರೆ. ಇದು ಭಾರಿ ವೈರಲ್​ ಆಗುತ್ತಿದೆ.

ಇದನ್ನೂ ಓದಿ: ಫೋನ್​​ನಲ್ಲಿ ಕೇಳಿಬರುವ ಕರೊನಾ ಕಾಲರ್​ ಟ್ಯೂನ್​ಗೆ ಕನ್ನಡದಲ್ಲಿ ಧ್ವನಿ ಕೊಟ್ಟವರು ಇವರೇ ನೋಡಿ…

ಈ ವಿಡಿಯೋ ತುಣುಕಿನಲ್ಲಿ ರಿತೇಶ್​ ಸೋಫಾದ ಮೇಲೆ ಕುಳಿತಿದ್ದರೆ, ಜೆನಿಲಿಯಾ ಮಲಗಿಕೊಂಡು ಕಾಲನ್ನು ಪತಿಯ ಮೇಲೆ ಹಾಕಿದ್ದಾರೆ. ರಿತೇಶ್​ ಪತ್ನಿಯ ಕಾಲನ್ನು ಒತ್ತುತ್ತಿದ್ದಾರೆ. ಜತೆಗೆ, ವೈವಾಹಿಕ ಜೀವನ ನೆಮ್ಮದಿಯ ಹಾಗೂ ಸುಖಮಯವಾಗಿರಬೇಕು ಎಂದರೆ, ಪತಿಯಾದವನು ಪತ್ನಿಯ ಕಾಲುಗಳನ್ನು ಒತ್ತುತ್ತಾ ಆಕೆಯ ಸೇವೆ ಮಾಡಬೇಕು ಎಂದು ಪುಕ್ಕಟ್ಟೆ ಸಲಹೆಯನ್ನೂ ಕೊಟ್ಟಿದ್ದಾರೆ.

ಅವರ ಈ ವಿಡಿಯೋ ತುಣುಕಿನ ಬಗ್ಗೆ ಅವರ ಅಭಿಮಾನಿಗಳಿಂದ ಪರ ಹಾಗೂ ವಿರೋಧ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಆದರೆ ರಿತೇಶ್​ ಮಾತ್ರ ಅವುಗಳ ಬಗ್ಗೆ ತಲೆಕೆಡಿಸಿಕೊಳ್ಳದೇ ಪತ್ನಿಯ ಸೇವೆ ಮುಂದುವರಿಸಿದ್ದಾರಂತೆ!

https://www.vijayavani.net/single-people-advised-to-find-sex-buddy-for-lockdown/