ಇನ್ನು, ‘ಅಂತಿಮ್ ಚಿತ್ರದ ಬಿಡುಗಡೆಗೂ ಮುನ್ನ ನಡೆದ ಸಮಾರಂಭದಲ್ಲಿ ಅವರನ್ನು ಸಿಕ್ಕಾಪಟ್ಟೆ ಹೊಗಳಿದ್ದರು ಸಲ್ಮಾನ್ ಖಾನ್. ಈ ಬಗ್ಗೆ ಮಾತನಾಡಿರುವ ರವಿ, ‘ನಿಜ ಹೇಳಬೇಕೆಂದರೆ, ನನ್ನ ಮತ್ತು ಸಲ್ಮಾನ್ ಅವರ ಭೇಟಿಯಾಗಿದ್ದೇ ವೇದಿಕೆಯ ಮೇಲೆ. ಅದಕ್ಕೂ ಮುನ್ನ ಅವರ ಭೇಟಿ ಮಾಡಿರಲಿಲ್ಲ. ನನ್ನ ಕೆಲಸ ಎಲ್ಲೋ ಅವರಿಗೆ ಇಷ್ಟವಾಗಿರಬಹುದು. ಹಾಗಾಗಿ, ಒಳ್ಳೆಯ ಮಾತಾಡಿದ್ದಾರೆ. ಸ್ಟೇಜ್ ಮೇಲೆ ಮಾತಾಡಿದ್ದಷ್ಟೇ. ಆಮೇಲೆ ಮಾತಾಡಲಿಲ್ಲ. ತಕ್ಷಣ ಹೊರಟು ಬಂದೆ. ಇಲ್ಲವಾದರೆ ‘ಮದಗಜ’ ಬಿಡುಗಡೆಯಾಗುತ್ತಿರಲಿಲ್ಲ. ಪರಿಸ್ಥಿತಿ ಹೇಗಿದೆಯೆಂದರೆ, ಸ್ವಲ್ಪ ತಡವಾದರೂ ನಿರ್ವಪಕರಿಗೆ ತೊಂದರೆಯಾಗುತ್ತದೆ. ಹಾಗಾಗಿ, ಒಂದರ ಹಿಂದೊಂದು ಕೆಲಸ ಮಾಡುತ್ತಿದ್ದೇನೆ’ ಎನ್ನುತ್ತಾರೆ.
