ಭೂಮಿಯಿಂದ 3 ಸಲ ಕೇಳಿ ಬಂತು ಭಾರಿ ಶಬ್ದ; ಭೂಕಂಪದ ಅನುಭವ, ಗಡಿ ಜಿಲ್ಲೆ ಬೀದರ್​ನಲ್ಲಿ ಗಡಿಬಿಡಿ..

ಬೀದರ್​: ಗಡಿ ಜಿಲ್ಲೆ ಬೀದರ್​ನಲ್ಲಿ ಭೂಮಿಯಿಂದ ಮೂರು ಸಲ ಭಾರಿ ಶಬ್ದ ಕೇಳಿಬಂದಿದ್ದಲ್ಲದೆ, ಭೂಕಂಪದ ಅನುಭವವೂ ಆಗಿದ್ದು, ಜನರು ಗಡಿಬಿಡಿಯಲ್ಲಿ ಮನೆಯಿಂದ ಹೊರಬಂದು ರಸ್ತೆಗಳಲ್ಲಿ ನಿಂತು ಆತಂಕದಲ್ಲಿ ಇರುವುದು ಕಂಡುಬಂದಿದೆ.

ಬೀದರ್ ಜಿಲ್ಲೆಯ ಹುಮನಾಬಾದ್ ತಾಲೂಕಿನ ಕೊಡಂಬಲ್ ಗ್ರಾಮದಲ್ಲಿ ಈ ಭೂಕಂಪನದ ಅನುಭವವಾಗಿದೆ. ಸಂಜೆ ಆರು ಗಂಟೆ ಸುಮಾರಿಗೆ ಭೂಮಿಯಿಂದ ಮೂರು ಸಲ ಭಾರಿ ಶಬ್ದ ಬಂದಿದೆ ಎಂದು ಜನರು ತಮಗಾದ ಅನುಭವ ಹೇಳಿಕೊಂಡಿದ್ದಾರೆ.

ದೊಡ್ಡ ಪ್ರಮಾಣದಲ್ಲಿ ಹೀಗೆ ಭೂಮಿಯಿಂದ ಸದ್ದು ಕೇಳಿಸುತ್ತಿದ್ದಂತೆ ಜನರು ಮನೆಗಳಿಂದ ಹೊರಗೆ ಓಡಿ ಬಂದಿದ್ದಾರೆ. ಈ ಹಿಂದೆ ಇದೇ ತಾಲೂಕಿನ ಹುಣಸನಾಳು ಮತ್ತು ಹೊಸಳ್ಳಿ ಗ್ರಾಮದಲ್ಲಿ ಇಂಥ ಶಬ್ದಗಳು ಕೇಳಿಬಂದಿದ್ದವು. ಇದೀಗ ಕೊಡಂಬಲ್​ನಲ್ಲಿನ ಈ ವಿದ್ಯಮಾನ ಜನರನ್ನು ಆತಂಕಕ್ಕೀಡು ಮಾಡಿದೆ.

https://www.vijayavani.net/one-of-largest-tornado-outbreaks-in-us-history/

https://www.vijayavani.net/registration-will-come-to-conversion-also-law-minister-told/

https://www.vijayavani.net/woman-hit-to-another-woman-who-came-to-her-husbands-shop/