ನವರಸಗಳನ್ನೂ ಮೀರಿದ ಭಾವನೆಗಳನ್ನು ತೋರ್ಪಡಿಸುವುದು ಕಷ್ಟಸಾಧ್ಯ. ಆದರೆ, "ಅಜ್ಞಾತವಾಸ'ದಲ್ಲಿ ಆಳದಲ್ಲಿ ಹುದುಗಿದ ಭಾವನೆಗಳನ್ನು ಕೆದಕಿ ತೆಗೆಯುವ ಪ್ರಯತ್ನ ಮಾಡಿದ್ದಾರೆ ಜನಾರ್ಧನ್ ಚಿಕ್ಕಣ್ಣ. ನಿಧಾನವಾಗಿ ಪ್ರಾರಂಭವಾದರೂ ಕಥೆ ಸಾಗಿದಂತೆ ಗಂಭೀರವಾಗುತ್ತಾ ಪ್ರೇಕ್ಷಕರನ್ನು ಸೀಟಂಚಲ್ಲಿ ಕೂರಿಸುವ ಚಿತ್ರವಿದು. "ಶಾಖಾಹಾರಿ', "ಮೂರನೇ ಕೃಷ್ಣಪ್ಪ' ಚಿತ್ರಗಳ ಮೂಲಕ ಕಾಮಿಡಿ ಜಾನರ್ನಿಂದ ಹೊರಬಂದಿರುವ ರಂಗಾಯಣ ರು ಅವರ ಅಪ್ಡೇಟೆಡ್ ವರ್ಷನ್ಅನ್ನು "ಅಜ್ಞಾತವಾಸಿ'ಯಲ್ಲಿ ಕಾಣಬಹುದು. 1990ರ ನಾಚಿಕೆ ಸ್ವಭಾವದ ಹುಡುಗ, ಆತನ ಹಿಂಜರಿಕೆ, ಭಂಡ ಧೈರ್ಯ... ಹೀಗೆ ರೋಹಿತ್ ಪಾತ್ರದಲ್ಲಿ ಭಿನ್ನ, ವಿಭಿನ್ನ ಭಾವಗಳ ಮೂಲಕ ಗಮನ ಸೆಳೆಯುತ್ತಾರೆ ಸಿದ್ದು ಮೂಲಿಮನಿ. ಪ್ರೀತಿ ಪಡೆಯಲು ಏನು ಬೇಕಾದರೂ ಮಾಡುವ ಪಂಕಜಳಾಗಿ ಪಾವನಾ, ಕಾನ್ಸ್ಟೆಬಲ್ ಅನಂತು ಪಾತ್ರದಲ್ಲಿ ರವಿಶಂಕರ್, ಅಮ್ಮಾಚಿಯಾಗಿ ಯಮುನಾ ಶ್ರೀನಿಧಿ ನೈಜ ಅಭಿನಯದ ಮೂಲಕ ಇಷ್ಟವಾಗುತ್ತಾರೆ. 1967, 1972 ಹಾಗೂ 1997 ಹೀಗೆ ಮೂರು ಕಾಲಟ್ಟಗಳಿಗೆ ಹೊಂದುವಂತೆ ಛಾಯಾಗ್ರಾಹಕ ಅದ್ವೈತ ಗುರುಮೂರ್ತಿ ದೃಶ್ಯಗಳನ್ನು ಸೆರೆಹಿಡಿಯುವಲ್ಲಿ ವಿಭಿನ್ನತೆ ಮೆರೆದಿದ್ದಾರೆ. ಅದಕ್ಕೆ ತಕ್ಕ ಹಿನ್ನೆಲೆ ಸಂಗೀತದ ಮೂಲಕ ಚರಣರಾಜ್ ಕಥೆಯನ್ನು ಮತ್ತಷ್ಟು ಆಪ್ತವಾಗಿಸುತ್ತಾರೆ. ಒಟಿಟಿಯಲ್ಲಿ ಪರಭಾಷಾ ಸಿನಿಮಾ ನೋಡಿ "ವಾವ್' ಕನ್ನಡದಲ್ಲೇಕೆ ಇಂತಹ ಸಿನಿಮಾಗಳು ಬರುತ್ತಿಲ್ಲ ಎನ್ನುವವರು, ಹಾಗೆ ಹೇಳುವ ಮುನ್ನ "ಅಜ್ಞಾತವಾಸಿ'ಯನ್ನೊಮ್ಮೆ ನೋಡಿದರೆ ಉತ್ತಮ!
