ಇಡೀ ಪ್ರಪಂಚವೇ ಇದರಿಂದ ತುಂಬಿದೆ ಎಂದ ರಾಮ್​ ಗೋಪಾಲ್​ ವರ್ಮಾಗೆ ನೆಟ್ಟಿಗರ ಶಾಕ್​!

ಮುಂಬೈ: ಸದಾ ವಿವಾದಗಳಿಂದಲೇ ಸದ್ದು ಮಾಡುವ ಬಾಲಿವುಡ್​ ನಿರ್ದೇಶಕ ರಾಮ್​ ಗೋಪಾಲ್​ ವರ್ಮಾ ಇದೀಗ ಟ್ವೀಟ್​ ಒಂದನ್ನು ಮಾಡುವ ಮೂಲಕ ಮತ್ತೆ ವಿವಾದಕ್ಕೆ ಸಿಲುಕಿದ್ದು, ನೆಟ್ಟಿಗರ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ.

ವರ್ಮಾ ಚಿತ್ರವೊಂದನ್ನು ಟ್ವೀಟ್​ ಮಾಡಿದ್ದಾರೆ. ನಿನಗೆ ಗೊತ್ತಾ ಇಡೀ ಪ್ರಪಂಚವೂ ಚೂತ್ಯಗಳಿಂದಲೇ ತುಂಬಿ ಹೋಗಿದೆ? ಎಂದು ಚಿತ್ರದಲ್ಲಿ ವ್ಯಕ್ತಿಯೊಬ್ಬ ನಾಯಿಗೆ ಕೇಳಿದಂತೆಯೂ, ಅದಕ್ಕೆ ಉತ್ತರಿಸುವ ನಾಯಿ ಹೌದು, ಆದರೆ ಬಹುತೇಕರು ರೋಗ ಲಕ್ಷಣರು ಎನ್ನುವ ದೃಶ್ಯ ಚಿತ್ರದಲ್ಲಿದೆ. ಇದನ್ನೂ ಓದಿ: ಎರಡು ದಶಕ ಹಿಂದೆ ಸರಿದ ಚಿತ್ರರಂಗ: ನೂರು ಕೋಟಿ ಕನಸಿನ ಮಾತು!

ಯಾವ ಉದ್ದೇಶಕ್ಕೆ ಈ ಚಿತ್ರವನ್ನು ವರ್ಮಾ ಪೋಸ್ಟ್​ ಮಾಡಿದ್ದಾರೋ ತಿಳಿದಿಲ್ಲ. ಆದರೆ, ವರ್ಮಾ ವಿರುದ್ಧ ನೆಟ್ಟಿಗರು ಸಿಡಿಮಿಡಿಗೊಂಡಿದ್ದಾರೆ. ನಿನ್ನ ಹಾಗೆಯೇ, ನಿನಗೂ ರೋಗ ಲಕ್ಷಣಗಳಿಲ್ಲ, ಇದು ತಪ್ಪೊಪ್ಪಿಗೆ ಇರಬಹುದು ಎಂದೆಲ್ಲಾ ಜರಿದಿದ್ದಾರೆ. ಇನ್ನು ಕೆಲವು ವರ್ಮಾರಿಗೆ ಬೆಂಬಲ ವ್ಯಕ್ತಪಡಿಸಿ ಮಾಸ್​, ಸೂಪರ್​ ಎಂದು ಹೊಗಳಿದ್ದಾರೆ. ಆದರೆ, ವ್ಯಾಪಕವಾಗಿ ಟೀಕೆ ವ್ಯಕ್ತವಾಗಿದೆ.

ಸುಶಾಂತ್​ ಸಿಂಗ್​ ರಜಪೂತ್​ ಆತ್ಮಹತ್ಯೆ ಬಳಿಕ ಬಾಲಿವುಡ್​ ಚಿತ್ರರಂಗಳಲ್ಲಿ ಸ್ವಜನಪಕ್ಷಪಾತದ ಬಗ್ಗೆ ವ್ಯಾಪಕ ಚರ್ಚೆಯಾಗುತ್ತಿದೆ. ಈ ಬಗ್ಗೆ ಟ್ವೀಟ್​ ಮಾಡಿದ್ದ ವರ್ಮಾ, ಸುಶಾಂತ್​ ಹೀಗೇಕೆ ಮಾಡಿಕೊಂಡ ಎಂಬುದು ನನಗೆ ತಿಳಿದಿಲ್ಲ. ಆದರೆ, ಸಾಮಾಜಿಕ ಜಾಲತಾಣಗಳಲ್ಲಿ ಸುಶಾಂತ್​ನನ್ನು ಹೊರಗಿನವನು ಎಂದು ನೋಡಿದ್ದಕ್ಕೆ ಈ ರೀತಿ ಮಾಡಿಕೊಂಡಿದ್ದಾರೆ ಎಂದು ಕಲ್ಪನೆ ಮಾಡಿಕೊಂಡರೆ, ಖಾಲಿ ಹೊಟ್ಟೆಯೊಂದಿಗೆ ಬರಿ ಕಾಲಲ್ಲಿ ನಡೆದುಕೊಂಡು ಹೋಗುತ್ತಿರುವ ಕೋಟ್ಯಂತರ ವಲಸೆ ಕಾರ್ಮಿಕರು ತಮ್ಮನ್ನು ತಾವು ಅನೇಕ ಬಾರಿ ಕೊಲ್ಲಬೇಕಾಗಿತ್ತು ಎಂದು ವ್ಯಂಗ್ಯವಾಡಿದ್ದಾರೆ. (ಏಜೆನ್ಸೀಸ್​) ಇದನ್ನೂ ಓದಿ: ಮಹೇಶ್ ಎದುರು ಕನ್ನಡ ಸ್ಟಾರ್: ​ಪ್ರಿನ್ಸ್ ಜತೆ ನಟಿಸಲಿರುವ ನಟ ಯಾರು?

https://www.vijayavani.net/when-sushant-singh-rajput-was-upset-with-alia-bhatt-for-walking-out-of-raabta-video/