ಸಮಂತಾ ಬೆನ್ನಿಗೆ ನಿಂತ ಮೆಗಾ ಸ್ಟಾರ್ ಕುಟುಂಬ! ರಾಮ್, ಅರ್ಜುನ್ ಹೇಳಿದ್ದೇನು...?

ಹೈದರಾಬಾದ್: ನಟಿ ಸಮಂತಾ ಹೆಸರು 2021ರಲ್ಲಿ ಅತಿ ಹೆಚ್ಚು ಸದ್ದು ಮಾಡಿದ ಹೆಸರು. ವಿಚ್ಛೇದನ, 'ಪುಷ್ಪ' ಸಿನಿಮಾ ಐಟಂ ಹಾಡು, ವಿವಾದಾತ್ಮಕ ಹೇಳಿಕೆಗಳು, ಜಾಲಿ ಟ್ರಿಪ್‌ಗಳು, ಗೋವಾ ಬಿಕಿನಿ ಫೋಟೋಗಳು, ಫಿಲ್ಮ ಫೇರ್ ಪ್ರಶಸ್ತಿ, ಸಾಲು ಸಾಲು ಸಿನಿಮಾಗಳ ಆಫರ್​ಗಳು ಅಂತ ಹೀಗೆ ಹತ್ತು ಹಲವಾರು ಕಾರಣಗಳಿಂದ ಹಾಟ್ ನಟಿ ಸಮಂತಾ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಸೌಂಡು ಮಾಡಿದ್ದಾರೆ. ಜೊತೆಗೆ, ತಮ್ಮ ವಿಚ್ಛೇದನದಿಂದ ಸಖತ್ ಟ್ರೋಲ್ ಮತ್ತು ಟೀಕೆ ಟಿಪ್ಪಣಿಗಳಿಗೆ ಗುರಿಯಾಗಿದ್ದರು. ಆದರೆ, ನಟಿಯ ವಿಚ್ಛೇದನ, ವೈಯಕ್ತಿಕ ಜೀವನ ಕುರಿತು ಈಗ ಇಬ್ಬರು ತೆಲುಗಿನ ಸೂಪರ್ ಸ್ಟಾರ್ ನಟರು ಮಾತಾಡಿದ್ದಾರೆ. ಅಷ್ಟೇ ಅಲ್ಲದೇ, ನಟಿಗೆ ಬೆಂಬಲ ನೀಡಿದ್ದಾರೆ.

ನಟಿ ಸಮಂತಾ ವಿಚ್ಛೇದನದ ನಂತರ ಚಿತ್ರರಂಗದಲ್ಲಿ ಮೂಲೆ ಗುಂಪಾಗುತ್ತಾರೆಂಬ ಮಾತುಗಳು ಕೇಳಿಬಂದವು. ನಟ ನಾಗಾರ್ಜುನ ಅಕ್ಕಿನೇನಿ ಅವರ ಮಗ ನಾಗಚೈತನ್ಯರನ್ನು ಮದುವೆಯಾದ ನಟಿ ಅವರೊಂದಿಗೆ ವಿಚ್ಛೇದನ ಪಡೆದ ಕಾರಣ, ಬಹುತೇಕ ಚಿತ್ರರಂಗದ ನಟರು ಮತ್ತು ನಾಗಾರ್ಜುನ ಅಕ್ಕಿನೇನಿ ಕುಟುಂಬದ ಜೊತೆಗೆ ಒಳ್ಳೆಯ ಸಂಬಂಧವನ್ನು ಇಟ್ಟುಕೊಂಡಿರುವ ತೆಲುಗಿನ ಸ್ಟಾರ್ ನಟರ ಕುಟುಂಬಗಳು ಕೂಡ ಸಮಂತಾಳನ್ನು ಕಡೆಗಣಿಸುತ್ತಾರೆ ಎನ್ನುವ ಚರ್ಚೆಗಳು ನಡೆದವು. ಆದರೆ, ಸಿನಿಮಾರಂಗ ಈ ಹಾಟ್ ನಟಿಯನ್ನು ದೂರ ತಳಲಿಲ್ಲ. ಇದೀಗ, ತೆಲುಗಿನ ಖ್ಯಾತ ಮೆಗಾಸ್ಟಾರ್ ಚಿರಂಜೀವಿ ಕುಟುಂಬದ ಇಬ್ಬರು ಸ್ಟಾರ್ ನಟರು ಸಮಂತಾಗೆ ಬೆಂಬಲ ಸೂಚಿಸಿದ್ದಾರೆ. ಅವರು ಯಾರೋ ಅಲ್ಲ. ನಟ ರಾಮ್ ಚರಣ್ ತೇಜ್, ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್. 

ಹೌದು, ಚಿತ್ರರಂಗ ನಟಿ ಸಮಂತಾಗೆ ಬೆನ್ನೆಲುಬಾಗಿ ನಿಂತಿದೆ. ಇದೀಗ, ನಟ ರಾಮ್ ಚರಣ್ ತೇಜ್ ಸಮಂತಾಳಿಗೆ ಕಿವಿಮಾತೊಂದು ಹೇಳಿದ್ದಾರೆ. ''ಸಮಂತಾಳ ಬಗ್ಗೆ ಯಾವುದೇ ರೀತಯ ಕೆಟ್ಟ ಅಭಿಪ್ರಾಯ ಸಿನಿಮಾರಂಗದಲ್ಲಿ ಇಲ್ಲ. ಅವರ ವೈಯಕ್ತಿಕ ಜೀವನ ಮತ್ತು ಅವರ ವೃತ್ತಿ ಜೀವನ ಎರಡು ಬೇರೆ ಬೇರೆ ಆಂಶಗಳು. ಹಾಗಾಗಿ ಕಾಮೆಂಟ್ ಮಾಡಬಾರದು. ಸಮಂತಾ, ಕಮ್ ಬ್ಯಾಕ್, ಬಿಗ್ಗರ್, ಸ್ಟ್ರಾಂಗರ್'', ಎಂದು ಹೇಳಿದ್ದಾರೆ. ರಾಮ್ ಚರಣ್ ಅವರ ಈ ಹೇಳಿಕೆ ವೈರಲ್ ಆಗಿದೆ. 'ರಂಗಸ್ಥಳಂ' ಚಿತ್ರದಲ್ಲಿ ಒಟ್ಟಿಗೆ ಕೆಲಸ ಮಾಡಿದ ನಟಿಗೆ ಹೀಗೆ ಬೆಂಬಲ ತುಂಬಿದ ನಟ ರಾಮ್ ಚರಣ್ ತೇಜ್ ಅವರ ಮಾತುಗಳು ನಟಿ ಸಮಂತಾಳ ಅಭಿಮಾನಿಗಳಿಗೂ ಸಂತಸ ತಂದಿದೆ.

ಮತ್ತೊಂದೆಡೆ, ಮೆಗಾ ಕುಟುಂಬದ ಅಲ್ಲು ಅರ್ಜುನ್ ಕೂಡ ಸಮಂತಾ ಬಗ್ಗೆ ಮಾತಾಡಿದ್ದಾರೆ, 'ಪುಷ್ಪ' ಚಿತ್ರದಲ್ಲಿ ನಟಿ ಸಮಂತಾ ಅಲ್ಲು ಅರ್ಜುನ್ ಜೊತೆ ಐಟಂ ಹಾಡಿನಲ್ಲಿ ಹೆಜ್ಜೆಹಾಕಿದ್ದಾರೆ. ಈ ಹಾಡಿನ ಬಗ್ಗೆ ಸಿನಿಮಾ ಪ್ರೀ-ರಿಲೀಸ್ ಇವೆಂಟ್​ನಲ್ಲಿ ಮಾತಾಡಿದ ಅರ್ಜುನ್, ''ಸಮಂತಾಗೆ ಸಿನಿಮಾದಲ್ಲಿ ಐಟಂ ಹಾಡು ಎಂದ ತಕ್ಷಣ ಬಹಳಷ್ಟು ಅನುಮಾನಗಳು ಇದ್ದವು. ಆದರೆ, ತನ್ನ ಅನುಮಾನಗಳನ್ನು ಲೆಕ್ಕಿಸದೆ ನಟಿ ಸಮಂತಾ ನನ್ನ ಮತ್ತು ಚಿತ್ರತಂಡದ ಮೇಲೆ ನಂಬಿಕೆ ಇಟ್ಟು ಐಟಂ ಹಾಡಿಗೆ ಹೆಜ್ಜೆಹಾಕಿದ್ದಾರೆ. ಧನ್ಯವಾದಗಳು.'' ಅಂತ ತಿಳಿಸಿದರು. ಇದಕ್ಕೆ, ಸಮಂತಾ ಕೂಡ ''ಅಲ್ಲು ಅರ್ಜುನ್ ನಿನ್ನ ಸದಾ ಬಂಬುವೆ.'' ಅಂತ ಒಂದು ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿದ್ದಾರೆ. ಸಮಂತಾ ಸಹ ಟೀಕೆಗಳಿಗೆ ಮೊದಲಿನಿಂದ ''ಸೋಲದ ಗಟ್ಟಿಗಿತ್ತಿ'' ಎಂದು ತಮ್ಮ ಕೆಲಸಗಳ ಮೂಲಕ ಸಾಬೀತುಪಡಿಸಿದ್ದಾರೆ. 

https://www.vijayavani.net/actress-and-minister-roja-makes-controversial-statements-against-actor-nani-and-pawan-kalyan-to-support-cm-jagan-mohan-reddy/

https://www.vijayavani.net/daali-dhananjay-and-nikhil-kumaraswamy-visit-hassan-movie-theatres-for-promoting-badava-rascal-and-rider-movies/

https://www.vijayavani.net/director-sukumar-announces-rupees-1-lakh-reward-for-pushpa-film-production-workers/