ಕಾಂಡೋಮ್ ಗುಣಮಟ್ಟ ಪರೀಕ್ಷೆಗಿಳಿದ ನಟಿ ರಾಕುಲ್ ಪ್ರೀತ್!

ಮುಂಬೈ:  ರಾಕುಲ್ ಪ್ರೀತ್​ ದಕ್ಷಿಣ ಭಾರತದ ಸಿನಿಮಾಗಳ ಜತೆಗೆ ಬಾಲಿವುಡ್​ನಲ್ಲಿಯೂ ಹೆಸರು ಮಾಡಿದ್ದಾರೆ. ಬಿಗ್​ ಸ್ಟಾರ್​ಗಳ ಜತೆಗೆ ನಟಿಸುವ ಅವಕಾಶವನ್ನು ಒಂದಾದ ನಂತರ ಒಂದು ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ನಟನೆಯ ವಿಚಾರದಲ್ಲಿಯೂ ಹೊಸ ಹೊಸ ಪಾತ್ರಗಳ ಮೂಲಕವೇ ರಾಕುಲ್ ಎದುರಾಗುತ್ತಿದ್ದಾರೆ. ಇದೀಗ ಇದೇ ರಾಕುಲ್ ಪ್ರಯೋಗಾತ್ಮಕ ಚಿತ್ರವೊಂದರಲ್ಲಿ ಹಿಂದೆಂದೂ ಮಾಡದ ಪಾತ್ರಕ್ಕೆ ಸಜ್ಜಾಗುತ್ತಿದ್ದಾರೆ. ಅದೇ ಕಾಂಡೋಮ್ ಟೆಸ್ಟರ್ ಆಗಿ!

ಇದನ್ನೂ ಓದಿ: ಅಲ್ಲು ಅರ್ಜುನ್​ಗೆ ಪ್ರಶಾಂತ್ ನೀಲ್ ನಿರ್ದೇಶನ?

ಹೌದು, ರೊನಿ ಸ್ಕ್ರಿವ್ ವಾಲಾ ನಿರ್ಮಾಣ ಮಾಡುತ್ತಿರುವ ಇನ್ನೂ ಶೀರ್ಷಿಕೆ ಅಂತಿಮವಾಗದ ಚಿತ್ರದಲ್ಲಿ ಬೃಹತ್ ಕಾಂಡೋಮ್ ಕಂಪನಿಯೊಂದರ ಸೆಕ್ಸ್ ಎಕ್ಸಿಕ್ಯೂಟಿವ್ ಕಾಂಡೋಮ್ ಟೆಸ್ಟರ್ ಆಗಿ ರಾಕುಲ್ ಪಾತ್ರ ಮೂಡಿಬರಲಿದೆ. ಕಾಮಿಡಿ ಶೈಲಿಯ ಈ ಚಿತ್ರದ ಒನ್ ಲೈನ್ ಕಥೆ ಕೇಳುತ್ತಿದ್ದಂತೆ ತಡಮಾಡದೇ ಒಪ್ಪಿಗೆ ಸೂಚಿಸಿದ್ದಾರೆ.
ಭಾರತದಲ್ಲಿ ಕಾಂಡೋಮ್ ಬಳಕೆ ಮತ್ತು ಅದರ ಬಗ್ಗೆ ಮಾತನಾಡಲು ಸಾಕಷ್ಟು ಜನ ಹಿಂದೆ ಸರಿಯುತ್ತಾರೆ. ಸಂಕೋಚದಿಂದಲೇ ಆ ಪದವನ್ನು ಬಳಸುತ್ತಾರೆ. ಇದೆಲ್ಲವನ್ನು ಗಮನದಲ್ಲಿಟ್ಟುಕೊಂಡೇ ಬೋಲ್ಡ್ ಅನಿಸುವ ರೀತಿಯ ಕಥೆ ಮಾಡಿ, ಅದರ ಮೂಲಕ ಹ್ಯೂಮರಸ್​ ಕಥೆಯೊಂದಿಗೆ ರೋನಿ ಸ್ಕ್ರಿವ್ ವಾಲಾ ಆಗಮಿಸುತ್ತಿದ್ದಾರೆ.

ಇದನ್ನೂ ಓದಿ: ರಶ್ಮಿಕಾ ಮಂದಣ್ಣ ಹಿಂದಿಯ ಜೆರ್ಸಿ ಕೈಬಿಟ್ಟಿದ್ದೇಕೆ?

ಅಂದಹಾಗೆ, ಈ ಚಿತ್ರದಲ್ಲಿ ರಾಕುಲ್ ಪ್ರೀತ್ ಅವರೇ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇನ್ನುಳಿದಂತೆ ಸಿನಿಮಾ ಶೂಟಿಂಗ್ ಯಾವಾಗ, ಇನ್ನುಳಿದ ತಾರಾಗಣದಲ್ಲಿ ಯಾರೆಲ್ಲ ಇರಲಿದ್ದಾರೆ ಎಂಬ ಬಗ್ಗೆ ಮುಂದಿನ ದಿನಗಳಲ್ಲಿ ಮಾಹಿತಿ ಬಿಟ್ಟುಕೊಡಲಿದೆ ಚಿತ್ರತಂಡ.

https://www.vijayavani.net/kavya-gowda-fiance/