ಮೈಸೂರಿನಲ್ಲಿ ಹಲವು ಚಿತ್ರಗಳ ಚಿತ್ರೀಕರಣ ಮಾಡಲಾಗಿದೆ. ರಾಜ ಮಹರಾಜರ ಕಾಲದಿಂದಲೂ ಕಲೆ, ಸಂಗೀತ, ಸಾಹಿತ್ಯಸ್ಥ ವಿಶೇಷವಾದ ಪ್ರೋತ್ಸಾಹ ಕೂಟ್ಟು, ಕಲೆ ಮೈಸೂರಿನಲ್ಲಿ ತಾಂಡವವಾಡುತ್ತಿದೆ. ಮೈಸೂರಿನ ಅರಮನೆಗಳು, ನದಿತೀರ, ಅಲ್ಲಿಯ ಪ್ರೇಕ್ಷಣೀಯ ಸ್ಥಳಗಳು, ಚಲನಚಿತ್ರಗಳ ಚಿತ್ರೀಕರಣಕ್ಕೆ ಹೇಳಿ ಮಾಡಿದ್ದ ಪ್ರದೇಶಗಳಾಗಿವೆ. ಕೇವಲ ಮೈಸೂರಿನ 15 ಕಿಲೋಮೀಟರ್ ವೃತ್ತದಲ್ಲಿ ಸುಮಾರು 250 ತಾಣಗಳು ಚಿತ್ರೀಕರಣಕ್ಕ ಬಹಳ ಉಪಯೋಗವಾಗಿವೆ. ಈಗಾಗಲೇ ಹಿಂದಿ, ತಮಿಳು, ತೆಲುಗು ಹಾಗೂ ಕನ್ನಡ ಚಿತ್ರಗಳು ಇಲ್ಲಿ ನಿರ್ಮಾಣವಾಗಿ, ವಿಶ್ವದಲ್ಲೇ ಅತ್ಯುತ್ತಮ ಚಿತ್ರೀಕರಣ ತಾಣ ಎಂದು ಸಾಬೀತಾಗಿದೆ. ಅಲ್ಲಿ ಚಿತ್ರನಗರಿ ಪ್ರಾರಂಭವಾದರೆ, ಆ ಪ್ರದೇಶದ ಹಲವಾರು ಜನರಿಗೆ ಉದ್ಯೋಗ ಸಿಕ್ಕಂತಾಗುತ್ತದೆ. ಚಿತ್ರನಗರಿಯ ಕೆಲಸವನ್ನು ಶೀಘ್ರವೇ ಪ್ರಾರಂಭಿಸಬೇಕೆಂದು ಮತ್ತು ಈ ನಿಟ್ಟಿನಲ್ಲಿ ಚಿತ್ರರಂಗದ ವತಿಯಿಂದ ಏನೇ ಸಹಕಾರ ಬೇಕಾದರೂ ಕೊಡಲು ಸಿದ್ಧರಿರುವುದಾಗಿ ಈ ಮನವಿಯಲ್ಲಿ ಹೇಳಲಾಗಿದೆ.
