ಇನ್ನು, ಅವರ ಚಿತ್ರಗಳಲ್ಲಿನ ಹಾಡುಗಳಲ್ಲೂ ಸಹ ಬದುಕನ್ನು ವಿಶ್ಲೇಷಿಸುವಂತಹ, ವಿಮಶಿಸುವಂತಹ, ತಪು್ಪ-ಸರಿಗಳನ್ನು ತಿಳಿಸುವಂತಹ ಸಂದೇಶಗಳಿದ್ದವು. ‘ಆಡುತ್ತಿರುವ ಮೋಡಗಳೇ ...’, ’ಯಾರೇ ಕೂಗಾಡಲೀ ಊರೇ ಹೋರಾಡಲೀ ...’, ‘ಆಗದು ಎಂದು ಕೈಕಟ್ಟಿ ಕುಳಿತರೆ ...’, ‘ನಗುನಗುತಾ ನಲಿ ನಲೀ ಏನೇ ಆಗಲೀ ...’, ‘ಭಗವಂತ ಕೈಕೊಟ್ಟ ದುಡಿಯೋಕಂತ ...’, ‘ಹನಿಹನಿಗೂಡಿದ್ರೆ ಹಳ್ಳ ...’, ‘ನೀನಾರಿಗಾದೆಯೋ ಎಲೆ ಮಾನವ ...’, ‘ಮಾನವನಾಗುವೆಯಾ ದಾನವನಾಗುವೆಯಾ ...’, ‘ಆಡಿಸಿ ನೋಡು ಬೀಳಿಸಿ ನೋಡು ...’, ‘ಮರೆಯದಿರು ಸ್ನೇಹ ಬಗೆಯದಿರು ದ್ರೋಹ ...’, ‘ಬಾನಿಗೊಂದು ಎಲ್ಲೆ ಎಲ್ಲಿದೆ ...’, ‘ಏನೆಂದು ನಾ ಹೇಳಲಿ ಮಾನವನಾಸೆಗೆ ಕೊನೆಯೆಲ್ಲಿ ...’ ಇವು ಕೆಲವು ಉದಾಹರಣೆಗಳು ಅಷ್ಟೇ. ಇವೆಲ್ಲವೂ ಮನುಷ್ಯನನ್ನು ಯಾರಿಗೂ ಕೇಡು ಮಾಡದೆ, ಒಳ್ಳೆಯ ಜೀವನವನ್ನು ನಡೆಸುವಂತಹ ಪ್ರೇರಕ ಹಾಡುಗಳಾಗಿವೆ ಮತ್ತು ಎಷ್ಟೇ ವರ್ಷಗಳಾದರೂ ಕೇಳಿದರೆ ಸ್ಪೂರ್ತಿ ತುಂಬುವಂತಿವೆ. ಈ ಕಾರಣಗಳಿಗೇ ಡಾ. ರಾಜಕುಮಾರ್, ಅವರ ಪಾತ್ರಗಳು ಮತ್ತು ಚಿತ್ರಗಳು ಈಗಲೂ ಜನರ ಮನಸ್ಸಿಗೆ ಹತ್ತಿರವಾಗಿವೆ ಮತ್ತು ಪದೇಪದೆ ಮೆಲುಕು ಹಾಕುವಂತಿವೆ ಎಂದರೆ ತಪ್ಪಿಲ್ಲ.
