ಯಶ್ ಮತ್ತು ರಾಧಿಕಾ ಪಂಡಿತ್ ಪುತ್ರಿ ಐರಾ, ವಿಡಿಯೋ ಮೂಲಕವೇ ಗಮನಸೆಳೆಯುತ್ತಿದ್ದಾಳೆ. ತೊದಲು ನುಡಿಯಲ್ಲಿಯೇ ಮಾತನಾಡುತ್ತ ನಾಡಿನ ಜನರ ಅಚ್ಚುಮೆಚ್ಚಾಗಿದ್ದಾಳೆ. ಆ ಪುಟಾಣಿಯ ಬಗೆಬಗೆ ವಿಡಿಯೋ ತುಣುಕುಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡುವ ರಾಧಿಕಾ, ಆ ವಿಡಿಯೋ ಹಾಕುವುದರ ಹಿನ್ನೆಲೆಯನ್ನೂ ಹೇಳಿಕೊಂಡಿರುತ್ತಾರೆ. ಇತ್ತೀಚೆಗಷ್ಟೇ ತಮ್ಮ ಯಥರ್ವನಿಗೆ ಫೋಟೋದಲ್ಲಿನ ಅಪ್ಪ, ಅಮ್ಮನ ಗುರುತು ಹೇಳಿಕೊಟ್ಟ ವಿಡಿಯೋ ಹಂಚಿಕೊಂಡಿದ್ದರು. ಇದೀಗ ಪಂಡಿತ್ ಭೀಮಸೇನ್ ಜೋಷಿ ಅವರ ಕಂಠದಿಂದ ಬಂದ ಹಾಡನ್ನು ಐರಾ ಅನುಕರಣೆ ಮಾಡಿದ್ದಾಳೆ. ‘ಸದಾ ಎನ್ನ ಹೃದಯದಲಿ ವಾಸ ಮಾಡೋ ಶ್ರೀ ಹರಿ.. ಎಂಬ ಹಾಡನ್ನು ಐರಾ ಹಾಡಿದ್ದಾಳೆ. ಆ ಹಾಡಿನ ತುಣುಕು ಇಲ್ಲಿದೆ ನೋಡಿ.
