ಸಾರಾ, ಅನನ್ಯ ನಿರಾಕರಿಸಿದ ಕಾಂಡೋಮ್​ ಟೆಸ್ಟರ್ ಪಾತ್ರವನ್ನು ರಾಕುಲ್​ ಒಪ್ಪಿಕೊಂಡಿದ್ದೇಕೆ?

ಮುಂಬೈ: ಯಾರಿಯನ್​ ಚಿತ್ರದಲ್ಲಿ ಮೂಲಕ ಬಾಲಿವುಡ್​ಗೆ ಕಾಲಿಟ್ಟ ಬಹುಭಾಷಾ ನಟಿ ರಾಕುಲ್​ ಪ್ರೀತ್​ ಸಿಂಗ್​ ಸದ್ಯ ಬಹು ಬೇಡಿಕೆ ನಟಿ. ತನ್ನ ಸಿನಿ ಜರ್ನಿಯಲ್ಲಿ ವಿವಿಧ ಬಗೆಯ ಚಿತ್ರಗಳನ್ನು ಮಾಡಿರು ರಾಕುಲ್​ ಈ ಬಾರಿ ವಿಭಿನ್ನ ಚಿತ್ರವೊಂದಕ್ಕ ಸಹಿ ಮಾಡಿದ್ದಾರೆ.

ಹೌದು, ತಮ್ಮ ಮುಂದಿನ ಚಿತ್ರದಲ್ಲಿ ರಾಕುಲ್,​ ಕಾಂಡೋಮ್​ ಪರೀಕ್ಷಕಳಾಗಿ ಕಾಣಿಸಿಕೊಳ್ಳುತ್ತಿದ್ದಾಳೆ. ಕಾಂಡೋಮ್​ ಟೆಸ್ಟ್​ ಮಾಡುವ ವಿಭಿನ್ನ ಪಾತ್ರಕ್ಕೆ ಈ ಮೊದಲು ಸಾರಾ ಅಲಿ ಖಾನ್​ ಮತ್ತು ಅನನ್ಯ ಪಾಂಡೆರನ್ನು ಕೇಳಲಾಗಿತ್ತು. ಆದರೆ, ಅವರು ನಿರಾಕರಿಸಿದ್ದರು.

ಆ ಬಳಿಕ ಈ ಪಾತ್ರ ರಾಕುಲ್​ ಪಾಲಾಗಿದೆ. ದೊಡ್ಡ ಕಾಂಡೋಮ್ ಉತ್ಪಾದನಾ ಕಂಪನಿಗಳು 18 ವರ್ಷಕ್ಕಿಂತ ಮೇಲ್ಪಟ್ಟವರನ್ನು ಕೆಲಸಕ್ಕಾಗಿ ನೇಮಿಸಿಕೊಳ್ಳುತ್ತವೆ. ಈ ಆಧಾರದ ಮೇಲೆ ಚಿತ್ರಕತೆಯನ್ನು ಎಣೆಯಲಾಗಿದ್ದು, ಕತೆ ಕೇಳಿದ ರಾಕುಲ್​ ಥ್ರಿಲ್​ ಆಗಿ ಒಂದೇ ಮಾತಿಗೆ ಒಪ್ಪಿಕೊಂಡಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ರಾಕುಲ್​, ಸಮಾಜದಲ್ಲಿ ಜಾಗೃತಿ ಮೂಡಿಸಲು ಇಂತಹ ಚಿತ್ರಗಳು ಅವಶ್ಯಕತೆ ಇವೆ ಎಂದು ಹೇಳಿದ್ದಾರೆ. ಸದಾ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ರಾಕುಲ್​ ಹಾಟ್​ ಅಂಡ್​ ಬೋಲ್ಡ್​ ಚಿತ್ರಗಳನ್ನು ಶೇರ್​ ಮಾಡಿಕೊಳ್ಳುವ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿರುತ್ತಾರೆ. (ಏಜೆನ್ಸೀಸ್​)

https://www.vijayavani.net/r-ileana-dcruz-goa-beauty-ileana-breaks-silence-on-pregnancy-news/

https://www.vijayavani.net/r-krishna-who-divorced-his-wife-because-of-that-heroine/

https://www.vijayavani.net/r-oxygen-cylinder-mandya-sumalatha-ambareesh-coronavirsu-covid-19/