ಯುವರತ್ನ ಗಾನಬಜಾನ; ಮತ್ತೆ ಶೂಟಿಂಗ್​​ನಲ್ಲಿ ತೊಡಗಿಕೊಳ್ಳಲಿದ್ದಾರೆ ಅಪ್ಪು...

ಬೆಂಗಳೂರು: ಪವರ್​ಸ್ಟಾರ್ ಪುನೀತ್ ರಾಜಕುಮಾರ್ ನಾಯಕತ್ವದ ಯುವರತ್ನ ಚಿತ್ರದ ಬಗ್ಗೆ ಹೊಸ ಅಪ್​ಡೇಟ್ ಮಾಹಿತಿಯೊಂದು ಇದೀಗ ಲಭ್ಯವಾಗಿದೆ. ಹಾಗಂತ ಸಿನಿಮಾ ತಂಡ ಹೊಸ ಟೀಸರ್ ಏನಾದ್ರೂ ಬಿಡುಗಡೆ ಮಾಡುತ್ತ ಎಂದುಕೊಳ್ಳಬೇಡಿ. ಬದಲಿಗೆ ಪುನೀತ್ ಮತ್ತೆ ಸಿನಿಮಾ ಶೂಟಿಂಗ್​ನಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ.

ಈಗಾಗಲೇ ಮಾತಿನ ಭಾಗದ ಬಹುತೇಕ ಚಿತ್ರೀಕರಣ ಮುಗಿಸಿಕೊಂಡಿರುವ ‘ಯುವರತ್ನ’ ಚಿತ್ರತಂಡ ಸದ್ಯಕ್ಕೆ ಎರಡು ಹಾಡಿನ ಶೂಟಿಂಗ್ ಮಾತ್ರ ಬಾಕಿ ಉಳಿಸಿಕೊಂಡಿದೆ. ಇದೀಗ ಆರು ತಿಂಗಳ ಬಳಿಕ ಸಿನಿಮಾ ಕೆಲಸಗಳಲ್ಲಿ ತಂಡ ಭಾಗಿಯಾಗಲಿದೆ. ಇದನ್ನೂ ಓದಿ: Photos: ಗೋಶಾಲೆಗೆ ಭೇಟಿ ಕೊಟ್ಟು ಕರುಗಳಿಗೆ ನಾಮಕರಣ ಮಾಡಿ ಬಂದ ಸಂಯುಕ್ತಾ

ನಿರ್ದೇಶಕ ಸಂತೋಷ್ ಆನಂದ್​ರಾಮ್ ಇಂಟ್ರೋಡಕ್ಷನ್ ಹಾಡಿನ ಶೂಟಿಂಗ್​ಗೆ ಪ್ಲಾನ್ ಮಾಡಿಕೊಂಡಿದ್ದು, ಸೆ. 20ರಿಂದ ಶುರುವಾಗಲಿದೆ. ಈ ಹಾಡಿನ ಬಗ್ಗೆ ಮಾಹಿತಿ ನೀಡುವ ಚಿತ್ರದ ಕಾರ್ಯಕಾರಿ ನಿರ್ವಪಕ ಕಾರ್ತಿಕ್ ಗೌಡ, ‘ಇಂಟ್ರೊಡಕ್ಷನ್ ಹಾಡಿಗೆ ಅದ್ದೂರಿ ಸೆಟ್ ಸಿದ್ಧಪಡಿಸಲಾಗಿದೆ. ಈಗಾಗಲೇ ಆ ಕೆಲಸ ಚಾಲ್ತಿಯಲ್ಲಿದೆ. ಇನ್ನೆರಡು ವಾರದ ಬಳಿಕ ಹಾಡಿನ ಚಿತ್ರೀಕರಣ ಶುರುವಾಗಲಿದ್ದು, ಜಾನಿ ಮಾಸ್ಟರ್ ನೃತ್ಯ ನಿರ್ದೇಶನ ಮಾಡಲಿದ್ದಾರೆ’ ಎನ್ನುತ್ತಾರೆ.

ಈ ಹಾಡನ್ನು ಬಿಟ್ಟು ಇನ್ನೊಂದು ಹಾಡಿಗೂ ಕಲರ್​ಫುಲ್ ಲೊಕೇಷನ್ ಅಂತಿಮ ಮಾಡಲಾಗಿದ್ದು, ಹೊರರಾಜ್ಯದಲ್ಲಿ ಅದರ ಶೂಟಿಂಗ್ ನಡೆಯಲಿದೆ. ಇದೆಲ್ಲ ಒಂದೆಡೆಯಾದರೆ, ಚಿತ್ರದ ಸಂಗೀತ ನಿರ್ದೇಶಕ ಥಮನ್, ಇದೇ ತಿಂಗಳಲ್ಲಿ ‘ಯುವರತ್ನ’ ಚಿತ್ರದ ಹಾಡೊಂದು ಹೊರಬರಲಿದೆ ಎಂಬ ಸುಳಿವು ನೀಡಿದ್ದಾರೆ. ಇದು ಅಭಿಮಾನಿ ವಲಯದಲ್ಲಿ ಕುತೂಹಲಕ್ಕೆ ಕಾರಣವಾಗಿದೆ.

https://www.vijayavani.net/title-of-nikhils-new-film-to-be-unveiled-on-friday/