ಈ ಹೆಸರಿಡದ ಅಥವಾ ಹೆಸರು ಘೋಷಣೆಯಾಗದ ಚಿತ್ರದಲ್ಲಿ ಪುಷ್ಕರ್, ಸ್ಟಾರ್ನಟನಾಗಿ ಕಾಣಿಸಿಕೊಳ್ಳುತ್ತಿದ್ದರಂತೆ. ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ‘ಈ ಚಿತ್ರದಲ್ಲಿ ನಾನು ಒಬ್ಬ ದುರಹಂಕಾರಿ ನಟನಾಗಿ ಕಾಣಿಸಿಕೊಳ್ಳುತ್ತಿದ್ದೇನೆ. ಮೇಕಪ್ನಿಂದ ಅವನಿಗೆ ಚರ್ಮರೋಗ ಶುರುವಾಗುತ್ತದೆ. ಎಷ್ಟು ಚಿಕಿತ್ಸೆ ಪಡೆದರೂ ಸರಿ ಹೋಗುವುದಿಲ್ಲ. ಕೊನೆಗೆ ಕೌ ಥೆರಪಿ ಮೂಲಕ ಸರಿ ಮಾಡಬಹುದು ಎಂದು ಗೊತ್ತಾಗುತ್ತದೆ. ಚಿಕಿತ್ಸೆ ಪಡೆಯುವುದಕ್ಕೆಂದು ಊರು ಬಿಟ್ಟು, ಪ್ರಕೃತಿಯತ್ತ ಹೋಗುತ್ತಾನೆ. ಅಹಂಕಾರ ಬಿಟ್ಟು ಹಸುವಿನ ಜತೆಗೆ ಜೀವನ ನಡೆಸುತ್ತಾನೆ. ಆ ಭಾವನಾತ್ಮಕ ಕಥೆಯನ್ನು ಮನರಂಜನಾತ್ಮಕವಾಗಿ ಹೇಳುವ ಪ್ರಯತ್ನವನ್ನು ಈ ಚಿತ್ರದಲ್ಲಿ ಮಾಡುತ್ತಿದ್ದೇವೆ’ ಎನ್ನುತ್ತಾರೆ ಪುಷ್ಕರ್.
